កីឡា
តារាចម្រៀង ខេម ថា ការគាំទ្រពីដៃឯកស្ពតជាឱកាសបង្កើនការងារដល់ប្រជាជនកម្ពុជា
ដោយមានចក្ខុវិស័យដូចគ្នាក្នុងការផ្ដាតលើការងារមនុស្សធម៍ ក្រុមហ៊ុន ដៃឯក ស្ពត អ៊ីមផត អិចផត បានសម្រេចចុះអនុស្សរណៈនៃយោគយល់គ្នា លើកិច្ចសហការឧបត្ថម្ភឯកសណ្ឋានកីឡា ដល់ក្រុមកីឡាបាល់ទាត់ តារាកម្ពុជា។
ចំពោះ «ដៃឯក ស្ពត» ជាក្រុមហ៊ុនឈានមុខគេមួយសម្រាប់ការផលិតសម្ភារៈកីឡានៅក្នុងប្រទេសកម្ពុជា ហើយក៏បានចូលរួមចំណែកផ្ដល់ឱកាសការងារដល់ប្រជាជនកម្ពុជាថែមទៀត។ តារាចម្រៀង ប៉ុន សុណារិន ហៅ ខេម ប្រធានក្រុមបាល់ទាត់ តារាកម្ពុជា បានអំពាវនាវឲ្យបងប្អូនជនរួមជាតិ គាំទ្រក្រុមហ៊ុន «ដៃឯក ស្ពត» ពីព្រោះជាក្រុមហ៊ុនបង្កើតដោយកូនខ្មែរ។ អ្វីដែលកាន់តែពិសេសគឺការផ្ដល់ឱកាសការងារដល់កូនខ្មែរ។
លោក ខេម បាននិយាយថា ៖«ខ្ញុំសូមអំពាវនាវឲ្យបងប្អូនគាំទ្រផលិតផលស្នាដៃកូនខ្មែរ «ដៃឯក ស្ពត»។ កាលណាយើងគាំទ្រផលិតផលស្នាដៃកូនខ្មែរ នោះជាកិត្តិយសរបស់ពួកយើង។ បើសិនថ្ងៃអនាគត «ដៃឯក ស្ពត» អាចទៅឈានដល់ឆាកអន្ដរជាតិ គេនឹងស្គាល់ស្នាដៃកូនខ្មែរ ជាពិសេសអាចបង្កើនការងារដល់ប្រជាជនយើងទៀត»។
លោក ទួន ច័ន្ទឆោមឆវី នាយកប្រតិបត្តិក្រុមហ៊ុន ដៃឯក អ៊ីមផត អ៊ិចផត បានសម្តែងនូវក្ដីរីករាយយ៉ាងខ្លាំង បន្ទាប់ពីការចុះហត្ថលេខាលើកិច្ចព្រមព្រៀងទូតសុច្ឆន្ទៈ រវាងក្រុមហ៊ុនដៃឯក ស្ព័ត និងក្រុមកីឡាបាល់ទាត់ តារាកម្ពុជា រយៈពេល២ឆ្នាំ សម្រាប់កិច្ចសហការឧបត្ថម្ភឯកសណ្ឋានកីឡាដល់ក្រុមតារាបាល់ទាត់កម្ពុជា ដើម្បីចូលរួមចំណែកក្នុងសកម្មភាពការងារមនុស្សធម៍។
«ដៃឯក ស្ពត» ជាក្រុមហ៊ុនត្រូវបានបង្កើតឡើងដោយកូនខ្មែរ ដែលមានអាយុកាលប្រមាណជាង១០ឆ្នាំមកហើយលើការផលិតសម្លៀកបំពាក់កីឡា។ ចំណុចពិសេសរបស់ក្រុមហ៊ុននេះគឺអតិថិជនអាចធ្វើការកុម្ម៉ង់ម៉ូតសម្លៀកបំពាក់បានតាមចិត្តចង់បាន ជាមួយជម្រើសប្រភេទក្រណាត់ជាង១០ប្រភេទ ប្រកបដោយគុណភាព និងត្រូវទទួលស្គាល់ដោយស្ថាប័នអន្ដរជាតិលើគុណភាពសាច់ក្រណាត់៕
អត្ថបទ៖ ផា រតនា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ២០ ម៉ោង ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ