ជីវិតកម្សាន្ដ

ភ្លេចៗខ្លួន កូនស្រីច្បងតារាថៃ Gubgib ធំពេញវ័យ ដើរតាមគន្លងតាមឪពុកយ៉ាងស្ទាតជំនាញ

បានផុស

៣ ខែ មុន

នៅ

ថ្ងៃពុធ ២៥ កញ្ញា ២០២៤

ដោយ

កូនស្រីច្បងរបស់តារាសម្ដែងរាងល្អិតនាង Gubgib Sumonthip និងតារាប្រុសថៃកាត់តៃវ៉ាន់លោក Bie Thasapak ដែលមានឈ្មោះថា បាវប៉ាវ នាពេលនេះនាងតូចមានអាយុ ៨ ឆ្នាំហើយ ព្រមទាំងចាប់ផ្តើមដើរតាមគន្លងឪពុកមិនថាចម្រៀងឬការសម្ដែងរឿងភាគចិនបុរាណនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កូនស្រីច្បងរបស់គូស្នេហ៍តារាសម្ដែងទាំងពីររូបនេះ បានទៅប្រគំតន្ត្រី និងរាំជាមួយឪពុក Bie ដោយទទួលបានការទះដៃសាទរយ៉ាងខ្លាំង។ ដោយសារតែជំនាញរាំដ៏ប៉ិនប្រសប់ និងទំនុកចិត្តរបស់នាងបើទោះជាត្រឹមតែអាយុទើបតែ៨ឆ្នាំក៏ដោយ។

តារាសម្ដែង Gubgib ដែលជាម្ដាយបានបង្ហោះរូបភាពរបស់កូនស្រីប៉ុន្មានសន្លឹកអមដោយក្បាច់រាំនិងទឹកមុខមាំទាំ រួមជាមួយនឹងការសរសេរចំណងជើងថា «សូមស្វាគមន៍មកកាន់យុគសម័យថ្មី! កូនស្រីម្ដាយចាប់ផ្ដើមដើរតាមគន្លងឪពុក មិនថាការរាំ ច្រៀង និងសម្ដែងនោះទេ នាងចាប់ផ្តើមធំពេញវ័យហើយ! ម្ដាយមានមោទនភាពចំពោះកូន បើកូនពិតជាចូលចិត្តមែន កូនខំបន្តទៀត ក្មេងជំនាន់ក្រោយពីតជាពូកែៗណាស់»។

យ៉ាងណាក៏ដោយ បន្ទាប់ពីតារាស្រីនិយមដើរតួឆ្នាសឆ្នើមឬបែបកំប្លែង Gubgib បានបង្ហោះនូវរូបភាពរបស់កូនស្រីច្បង ទស្សនិកជនជាច្រើនបានតម្រង់មកថា ប៉ាវប៉ាវនឹងដើរតាមគន្លងឪពុកជាក់ជាមិនខានឡើយ ជាពិសេសមិនថារូបសម្រស់និងសមត្ថភាពរបស់នាងតូចទេ គឺរហ័សរហួននិងមានដុងកាត់តាមឪពុកម្ដាយច្បាស់ណាស់។

គួរបញ្ចាក់ដែរថា តារាស្រី Gubgib បានសម្រេចរៀបការជាមួយតារាប្រុសលោក Bie Thasapak កាលពីឆ្នាំ២០១៦ ដោយទទួលបានចំណងដៃកូនស្រី២នាក់ កូនច្បងឈ្មោះថាប៉ាវប៉ាវ និងកូនពៅឈ្មោះប៉ាវប៉ី។ គូស្នេហ៍នេះ ក៏ធ្លាប់ធ្វើឲ្យគេច្រណែននឹងជីវិតគូផងដែរ ក្នុងពេលដែលស្វាមីតែងតែយកចិត្តទុកដាក់មើលថែគ្រួសារយ៉ាងមានសុភមង្គលបំផុត៕