ព័ត៌មានជាតិ

កសិករជនជាតិភាគតិចបង្ហើបពូជមាន់មានតម្រូវការខ្ពស់ ហាងឆេងមួយគីឡូលក់បានពី ១៧ ០០០ រៀល ទៅ ២០ ០០០ រៀល

បានផុស

៤ ខែ មុន

នៅ

ថ្ងៃពុធ ២៥ កញ្ញា ២០២៤

ដោយ

កសិករចិញ្ចឹមមាន់នៅភូមិពូព្រុំ សង្កាត់រមនា ក្រុងសែនមនោរម្យ ខេត្តមណ្ឌលគិរី លោក មាស ឌី បានបង្ហើបប្រាប់ថា ក្នុងខេត្តមណ្ឌលគិរី ពូជមាន់ចែជាពូជមាន់ចិញ្ចឹមដែលមានហាងឆេងល្អ មានតម្រូវការខ្ពស់លើទីផ្សារជាងប្រភេទពូជមាន់គោកមាន់ ៣ សាសន៍ (ឬមាន់សាច់)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយបានផ្លាស់ប្ដូរការចិញ្ចឹមតាមបែបប្រពៃណី កសិកររូបនេះបានទទួលបច្ចេកទេសបន្ថែមពីការចិញ្ចឹមមាន់ពីគម្រោងរេដបូកកែវសីមា តាំងពីការជ្រើសរើសពូជ និងបច្ចេកទេសនៃការចិញ្ចឹមដែលធ្វើឲ្យមាន់មានសុខភាពល្អធន់ជំងឺ។

លោក មាស ឌី បានជ្រើសរើសការចិញ្ចឹមពូជមាន់ចែជាងពូជមាន់ ៣ សាសន៍ (មាន់សាច់) ដោយអះអាងថា ពូជមាន់ចែមានការពេញនិយមច្រើន ហើយរសជាតិត្រូវចិត្តអ្នកទទួលទាន។

លោក មាស ឌី បានបញ្ជាក់បន្ថែមថា ខណៈពូជមាន់ចែមានតម្រូវការខ្ពស់លើទីផ្សារ ប៉ុន្តែតម្លៃអាចប្រែប្រួលតាមហាងឆេងជាក់ស្ដែង ដោយមួយគីឡូក្រាមបច្ចុប្បន្នលក់បានពី ១៧ ០០០ រៀល ទៅ ២០ ០០០ រៀល៕