ព័ត៌មានអន្ដរជាតិ
មនុស្សជាង៤៣០នាក់ស្លាប់ដោយសារជំងឺអាសន្នរោគរាតត្បាតដ៏អាក្រក់នៅស៊ូដង់
ក្រសួងសុខាភិបាលស៊ូដង់ បានឲ្យដឹងថា មនុស្សជាង៤៣០នាក់បានស្លាប់ដោយសារជំងឺអាសន្នរោគរាតត្បាតក្នុងរយៈពេលមួយខែកន្លងមកនេះ ស្របពេលដែលសង្គ្រាមស៊ីវិលបន្តវាយប្រហារប្រទេសនេះ បង្កឱ្យមានផលលំបាកក្នុងការបង្ការការរាតត្បាតដ៏កាចសាហាវនេះ។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី២៦ខែកញ្ញានេះ។
ក្រសួងសុខាភិបាលស៊ូដង់ បានប្រកាសពីការផ្ទុះជំងឺអាសន្នរោគកាលពីពាក់កណ្តាលខែសីហា ខណៈចំនួននៃការឆ្លងបានកើនឡើងដល់ប្រហែល ១៤០០០ករណី ហើយក្រសួងនេះកំពុងធ្វើអស់ពីសមត្ថភាពដើម្បី ប្រយុទ្ធប្រឆាំងនឹងជំងឺអាសន្នរោគនៅក្នុងរដ្ឋដែលរងផលប៉ះពាល់ ចំពេលមានការកើនឡើងនៃការឆ្លងកាន់តែច្រើនឡើង។
បន្ថែមពីនេះការព្យាបាលទៅកាន់តំបន់រងផលប៉ះពាល់ទាំងនោះមានភាពស្មុគស្មាញយ៉ាងខ្លាំងដោយជម្លោះដែលបានសម្លាប់មនុស្សរហូតដល់១៥ម៉ឺននាក់ ចាប់តាំងពីវាបានចាប់ផ្តើមកាលពីឆ្នាំមុន នេះបើយោងតាមបេសកជនពិសេសរបស់សហរដ្ឋអាមេរិកប្រចាំប្រទេសស៊ូដង់លោក Tom Perriello។
ជាមួយគ្នានេះអង្គការសប្បុរសធម៌ផ្នែកវេជ្ជសាស្រ្ត Médecins Sans Frontières (MSF) បានរាយការណ៍ថា ប្រព័ន្ធសុខភាពរបស់ប្រទេសស៊ូដង់បានដួលរលំ ហើយស្ត្រីមានផ្ទៃពោះ និងកុមារដែលទើបនឹងកើតកំពុងស្លាប់ក្នុងចំនួន «គួរឱ្យតក់ស្លុត» ខណៈដែលអាសន្នរោគជាជំងឺវិវត្តន៍លឿន និងឆ្លងខ្លាំងអាចបណ្តាលឱ្យរាគ ខ្សោះជាតិទឹក និងអាចស្លាប់បាន។
ដោយសារតែ សង្រ្គាម ភ្លៀងធ្លាក់ខ្លាំង និងទឹកជំនន់ក៏បានរួមចំណែកដល់ការផ្ទុះឡើងនៃជំងឺអាសន្នរោគ ដែលប្រមូលផ្តុំដោយហ្វូងមនុស្សនៅក្នុងជំរុំផ្លាស់ទីលំនៅ។ នៅតំបន់ខ្លះសាលារៀន ទីផ្សារ និងហាងនានាត្រូវបានប្រាប់ឱ្យបិទដើម្បីទប់ស្កាត់ការរីករាលដាលនៃជំងឺនេះ។ នៅក្នុងរបាយការណ៍របស់ខ្លួន MSF បាននិយាយថា ខ្លួនបានកត់ត្រាការស្លាប់មាតាចំនួន ១១៤ នៅក្នុងតំបន់ South Darfur តែមួយប៉ុណ្ណោះនៅចន្លោះខែមករានិងខែសីហា ខណៈដែលកុមាររាប់ពាន់នាក់កំពុងប្រឈមនឹងការអត់ឃ្លាន។
ប្រទេសស៊ូដង់បានជាប់នៅក្នុងសង្រ្គាមចាប់តាំងពីកងទ័ព និងក្រុមប៉ារ៉ាយោធាដ៏មានឥទ្ធិពល(RSF) បានចាប់ផ្តើមការប្រយុទ្ធគ្នាដ៏សាហាវឃោរឃៅដើម្បីដណ្ដើមអំណាចនៅក្នុងខែមេសាឆ្នាំ២០២៣ ដែលអង្គការសហប្រជាជាតិបានហៅថាជាវិបត្តិមនុស្សធម៌ដ៏អាក្រក់បំផុតមួយរបស់ពិភពលោក។
ដោយសារតែសង្គ្រាមនេះមនុស្សជាងប្រាំបួនលាននាក់ត្រូវបានបង្ខំឱ្យភៀសខ្លួនចេញពីផ្ទះរបស់ពួកគេ ខណៈគ្រោះទុរ្ភិក្សរីករាលដាល ព្រោះប្រជាជនមិនអាចដាំដុះដំណាំណាមួយបាន។ ប្រទេសនេះក៏មានការព្រមានអំពីការប្រល័យពូជសាសន៍ដែលអាចកើតមានប្រឆាំងនឹងជនមិនមែនអារ៉ាប់នៅក្នុងតំបន់ភាគខាងលិចនៃទីក្រុង Darfur ផងដែរ៕
អត្ថបទ៖ ប៊ុន សុភាព
កំណើនឱកាសការងារ និងការវិនិយោគ ក្នុងឆ្នាំ២០២៤ ឆ្លុះបញ្ចាំងពីស្ថេរភាពនយោបាយ និងសេដ្ឋកិច្ចរបស់កម្ពុជា
រាជធានីភ្នំពេញ៖ ជំងឺគ្រុនឈាមបានថយចុះប្រមាណជាង៤០% បើប្រៀបធៀបឆ្នាំ២០២៣ និងឆ្នាំ២០២៤
សហជីពនៅកម្ពុជា និងប្រជាពលរដ្ឋថា លិមគិមយ៉ា គ្មានតម្លៃនឹងឱ្យរដ្ឋាភិបាលសម្លាប់ទេ ព្រោះជាអ្នកនយោបាយគ្មានសំឡេង
ព្រះរាជដំណាក់ស្តេច ជាកន្លែងកត់ត្រា ទុកជាប្រវត្តិសាស្ត្ររបស់យុវជនជំនាន់ក្រោយ
បណ្ឌិត គិន ភា៖ ៤០ឆ្នាំមកនេះ សម្តេចតេជោ ហ៊ុន សែន បានកសាងសមិទ្ធផលធំៗចំនួន៩ជូនប្រជាជាតិកម្ពុជា
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
រលកខ្យល់ល្បឿនជាង១០០គ.ម/ម៉ោង នឹងធ្វើឲ្យ LA កើតភ្លើងឆេះព្រៃ កាន់តែសាហាវៗថែមទៀត
អ្នករករ៉ែ១០០នាក់ជាប់គាំងក្នុងអណ្តូងរ៉ែស្លាប់ដោយសារការអត់អាហារជាច្រើនខែ
មន្ត្រីជាន់ខ្ពស់ក្រសួងយុត្តិធម៌ថាពលរដ្ឋចាប់ផ្ដើមមានផ្នត់គំនិតវិជ្ជមានលើប្រព័ន្ធតុលាការ
-
ចរាចរណ៍២ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៤ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១៣ ម៉ោង agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី