ព័ត៌មានជាតិ
ឥណទានកាបូនកែវសីមា លក់បានថវិកា ២ លានដុល្លារ ផ្តោតលើសូចនាករចំនួន ៣ បែងចែកចំណូលជួយសហគមន៍
គម្រោងលក់ឥណទានកាបូនកែវសីមាក្នុងខេត្តមណ្ឌលគិរី បានជួយអភិវឌ្ឍជីវភាពសហគមន៍ជនជាតិដើមភាគតិចឲ្យកាន់តែរីកចម្រើន តាមរយៈការចូលរួមថែរក្សានិងការពារធនធានព្រៃឈើ ដើម្បីជួយដោះស្រាយបញ្ហានៃការប្រែប្រួលអាកាសធាតុ។
គម្រោងឥណទានកាបូនកែវសីមា បានចាប់ផ្ដើមនៅឆ្នាំ ២០១៧ គោលដៅលើកទឹកចិត្តដល់សហគមន៍ជនជាតិដើមភាគតិចក្នុងខេត្តមណ្ឌលគិរី ចូលរួមថែរក្សានិងការពារធនធានព្រៃឈើ ជាថ្នូរក្នុងការទទួលបានថវិកាពីការលក់ឥណទានកាបូនសម្រាប់យកទៅប្រើប្រាស់និងអភិឌ្ឍក្នុងមូលដ្ឋាន។
អ្នកស្រី ឆាយ គឹមហ៊ាក ប្រធានផ្នែកសហគមន៍នៃគម្រោងរេដបូកកែវសីមានៃអង្គការអភិរក្សសត្វព្រៃកម្ពុជា (WCS) បានថ្លែងថា ចំណូលពីការលក់ឥណទានកែវសីមាមកដល់ពេលនេះបានចំនួនជិត ២ លានដុល្លារ ខណៈថវិកាទាំងនេះត្រូវបានបែងចែកដល់សហគមន៍ចំនួន ២០ នៅក្នុងដែននិងក្រៅដែនជម្រកសត្វព្រៃកែវសីមា ដែលបានចូលរួមថែរក្សាការពារធនធានព្រៃឈើ។
ខណៈការបែងចែកចំណូលពីការលក់ឥណទានកាបូនបានដំណើរការចំនួន ៤ លើក ដោយលើកទី ១ និងលើកទី ២ សហគមន៍ទាំង ២០ ភូមិ ទទួលបានថវិកាស្មើៗគ្នា។ ដោយឡែកដំណាក់ទី ៣ និង ទី ៤ គម្រោងបានចុះកិច្ចព្រមព្រៀងជាមួយសហគមន៍លើការបែងចែកថវិកា តាមរយៈការចូលរួមឬការដាក់ពិន្តុ។
អ្នកស្រី ឆាយ គឹមហ៊ាក បញ្ជាក់យ៉ាងដូច្នេះថា៖ «បើសហគមន៍ណាចូលរួមបានសកម្ម ទទួលបានពិន្ទុច្រើន នឹងទទួលបានថវិកាបានច្រើន។ ការដាក់ពិន្ទុនេះផ្តោតលើសូចនាករចំនួន ៣ ដែលធំជាងគេគឺពាក់ព័ន្ធគម្របព្រៃឈើ»។
គម្រោងរេដបូក (REDD+: Reducing Emissions from Deforestation and Forest Degradation) គឺជាកម្មវិធីជាតិកាត់បន្ថយការបំភាយឧស័្មនផ្ទះកញ្ចក់ ពីការបាត់បង់និងរេចរឹលព្រៃឈើ។
រេដបូកមានគោលបំណងធំៗពីរគឺ ការពារព្រៃឈើឱ្យបានគង់វង្សសម្រាប់ជាប្រយោជន៍ជាតិ និងការចូលរួមកាត់បន្ថយការប្រែប្រួលអាកាសធាតុសកល ស្របតាមអនុសញ្ញាក្របខ័ណ្ឌសហប្រជាតិស្តីពីការប្រែប្រួលអាកាសធាតុ។
ក្រៅពីផលប្រយោជន៍ជាឈើប្រើប្រាស់ និងជាមុខងារក្នុងប្រព័ន្ធអេកូឡូស៊ី ព្រៃឈើនៅមានមុខងារដ៏សំខាន់មួយទៀត គឺការស្រូបយកឧស័្មនកាបូនិច (ឧស័្មនផ្ទះកញ្ចក់) ពីបរិយាកាស ដែលមុខងារនេះដើរតួនាទីសំខាន់ក្នុងការកាត់បន្ថយឧស័្មនផ្ទះកញ្ចក់សកល។
អង្គការសមាគមអភិរក្សសត្វព្រៃ (WCS) បានកំពុងធ្វើការសហការជាមួយក្រសួងបរិស្ថាន អនុវត្តគម្រោងកាត់បន្ថយឧស្ម័នផ្ទះកញ្ចក់ ដែលបណ្តាលមកពីការបាត់បង់និងការរេចរឹលនៃព្រៃឈើ (REDD+) ក្នុងដែនជម្រកសត្វព្រៃកែវសីមា។
មន្រ្តីតំណាងអង្គការ WCS បានគូសបញ្ជាក់ថា សហគមន៍ចំនួន ២០ ភូមិ បានទទួលមូលធិនិពីគម្រោងរេដបូកកែវសីមាតាមរយៈយន្តការ «ថវិការេដបូកសម្រាប់សហគមន៍» សម្រាប់បែងចែកដល់ការអភិវឌ្ឍសហគមន៍តាមរយៈជម្រើសអាទិភាពដូចជា៖ ប្រព័ន្ធទឹកស្អាត អណ្តូងស្នប់ គ្លីនិកចល័ត ជួសជុលផ្លូវក្នុងភូមិ សាងសង់ស្ពាន ដាក់លូកាត់ផ្លូវ រោងប្រជុំសហគមន៍ សាងសង់បង្គន់ ផ្តល់សម្ភារសិក្សា ជួសជុលសាលារៀន ទុនថវិកាសម្រាប់ក្រុមសន្សំ ពូជសត្វ គោមាន់ ឧបករណ៍ កសិកម្ម មួយ ចំនួន និងអាហារ ពេលព្រឹកដល់សិស្សជាដើម៕
ខេត្តចំនួន៥ កំពុងប្រឈម និងរងផលប៉ះពាល់ដោយសារទឹកជំនន់ តែមិនបង្កគ្រោះថ្នាក់ដល់ជីវិតឡើយ
វៀតណាមសម្លឹងចាប់ឥណ្ឌាជាទីផ្សារសក្តានុពលសម្រាប់កសិផលនាំចេញ
ទឹកជំនន់ប៉ះពាល់ខេត្ត ៥ ពលរដ្ឋជាង ៦ ម៉ឺន ៦ ពាន់នាក់ ផ្ទះជាង ៨ ពាន់ ៦ រយខ្នង និងស្រូវជាង ១ ម៉ឺន ៣ ពាន់ហិតា
ថៃប្រាប់ឲ្យអ្នកនៅបាងកក និងខេត្តចំនួន១០ ត្រៀមប្រឈមនឹងគ្រោះទឹកជំនន់
ម្ចាស់ចម្ការម្រេចម្នាក់ បង្ហាញពីបទពិសោធន៍ដាំម្រេចទទួលបានទិន្នផលខ្ពស់
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
រដ្ឋ Florida ជួបព្យុះសង្ឃរាកំណាច ប្រឈមហានិភ័យ បង្កគ្រោះមហន្តរាយធំធេង
នាវាមុជទឹកនុយក្លេអ៊ែរថ្មីបំផុតរបស់ចិន បានលិច បង្កជាភាពអាម៉ាស់មិនស្ទើរដល់ក្រុងប៉េកាំង
ជប៉ុន គាំទ្រការសម្រេចចិត្តរបស់កម្ពុជាក្នុងការដកខ្លួនចេញពី CLV-DTA និងសន្យាបន្តជួយ
អាមេរិក ជូនរង្វាន់ ២០លានដុល្លារ បើអ្នកណាផ្តល់ព័ត៌មាន ឈានដល់ការចាប់ខ្លួន ជនជាតិអ៊ីរ៉ង់ម្នាក់
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ១ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៧ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ២ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព