ព័ត៌មានអន្ដរជាតិ
អ៊ីស្រាអែល ផ្លោងរ៉ុកកែតជាច្រើនចូលរដ្ឋធានីលីបង់ បាញ់ចំទីស្នាក់ការកណ្ដាលក្រុមហេសបូឡា
យោធាអ៊ីស្រាអែល បានបើកការវាយប្រហារតាមអាកាសនៅព្រឹកព្រលឹមថ្ងៃសៅរ៍នេះទៅលើតំបន់ជាយក្រុងភាគខាងត្បូងរដ្ឋធានីបេរូតនៃប្រទេសលីបង់ ដោយបានបាញ់គ្រាប់រ៉ុកកែតចំទីស្នាក់ការកណ្ដាលរបស់ក្រុមសកម្មប្រយុទ្ធហេសបូឡា ក្នុងគោលបំណងកំណត់គោលដៅលើមេដឹកនាំលោក Hassan Nasrallah។
បើតាមយោងតាមការចុះផ្សាយរបស់ទីភ្នាក់ងារព័ត៌មាន Reuters អ៊ីស្រាអែលបានបាញ់រ៉ុកកែតច្រើនជាង២០គ្រាប់ឯណោះវាយប្រហារលើក្រុងបេរូត ដែលបណ្ដាលឲ្យប្រជាជនលីបង់ជាច្រើនគ្រួសារបានជម្លៀសខ្លួនភ្លាមៗ ហើយបានប្រមូលផ្ដុំគ្នាជាច្រើនពាន់នាក់នៅតាមទីលាន សួនច្បារ ចិញ្ចើមផ្លូវ និងតំបន់មាត់សមុទ្រ។
ក្រសួងសុខាភិបាលលីបង់ បានប្រាប់ថា មនុស្សយ៉ាងហោចណាស់៦នាក់បានបាត់បង់ជីវិត និង៩១នាក់រងរបួស។
ក្រុមហេសបូឡា មិនបានធ្វើសេចក្ដីថ្លែងការណ៍អំពីជោគវាសនារបស់លោក Nasrallah នោះទេ។
នៅពេលសួរថាតើការវាយប្រហារបានសម្លាប់លោក Nasrallah ដែរឬទេ មន្ត្រីអ៊ីស្រាអែល បានឆ្លើយថា៖ «ខ្ញុំគិតថាវាលឿនពេកក្នុងការនិយាយ… ពេលខ្លះពួកគេលាក់បាំងការពិត នៅពេលដែលយើងជោគជ័យ»។
ប្រភពស្និទ្ធនឹងហេសបូឡា បានប្រាប់ទីភ្នាក់ងារព័ត៌មាន Reuters ថា លោក Nasrallah នៅមានជីវិតនោះទេ ហើយទីភ្នាក់ងារព័ត៌មាន Tasnim របស់អ៊ីរ៉ង់ក៏បានរាយការណ៍ដែរថា លោកមានសុវត្ថិភាព។
សូមបញ្ជាក់ថា អ៊ីស្រាអែល បានច្រានចោលសំណើដោយសម្ព័ន្ធមិត្តសម្រាប់បទឈប់បាញ់រយៈពេល២១ថ្ងៃនៅក្នុងប្រទេសលីបង់ ហើយប្តេជ្ញាបន្តប្រយុទ្ធប្រឆាំងនឹងក្រុមសកម្មប្រយុទ្ធហេសបូឡា «រហូតដល់ជោគជ័យ»។
សហរដ្ឋអាមេរិក បារាំង និងសម្ព័ន្ធមិត្តផ្សេងទៀត បានបង្ហាញពីបទឈប់បាញ់រយៈពេល២១ថ្ងៃ កាលពីថ្ងៃពុធ បន្ទាប់ពីប្រធានាធិបតីអាមេរិក លោក Joe Biden និងប្រធានាធិបតីបារាំង លោក Emmanuel Macron បានជួបប្រជុំនៅខាងក្រៅមហាសន្និបាតអង្គការសហប្រជាជាតិនៅទីក្រុងញូវយ៉ក។
យ៉ាងណា មេដឹកនាំអ៊ីស្រាអែល លោក Netanyahu បានបដិសេធទាំងស្រុងនូវសំណើបទឈប់បាញ់កាលពីថ្ងៃព្រហស្បតិ៍ ដោយបានបញ្ជាឲ្យយោធាបន្ត «ការប្រយុទ្ធដោយប្រើកងកម្លាំងពេញទំហឹង»៕
ដោយ៖ ឈាង
អ៊ីស្រាអែល ផ្លោងរ៉ុកកែតជាច្រើនចូលរដ្ឋធានីលីបង់ បាញ់ចំទីស្នាក់ការកណ្ដាលក្រុមហេសបូឡា
សម្ព័ន្ធមិត្តរុស្ស៊ី គំរាមឲ្យណាតូត្រៀមទទួលនុយក្លេអ៊ែរ បើហ៊ានវាយប្រហារទឹកដីរបស់ខ្លួន
ណុប បាយ៉ារិទ្ធ ស្នើពលរដ្ឋខ្មែរជួយគាំទ្រលើកតម្កើងវិស័យសិល្ប:បុរាណឲ្យបានច្រើនកុះករ
ព្យុះកំណាច Helene សម្លាប់មនុស្ស៤៣នាក់ នៅរដ្ឋចំនួន៤ របស់អាមេរិក
ទិវារត់ម៉ារ៉ាតុងអង្គរនាខែធ្នូ រំពឹងរកបានប្រាក់ជាង១០ម៉ឺនដុល្លារដើម្បីសប្បុរសធម៌
ស្នងការរាជធានី ចេញមុខបំភ្លឺបន្ទាប់ពីគណនីហ្វេសប៊ុកមួយបង្ហោះសាររកយុត្តិធម៌ពីករណីគ្រោះថ្នាក់ចរាចរណ៍
នាវាមុជទឹកនុយក្លេអ៊ែរថ្មីបំផុតរបស់ចិន បានលិច បង្កជាភាពអាម៉ាស់មិនស្ទើរដល់ក្រុងប៉េកាំង
ទៅដល់រដ្ឋ Florida ភ្លាម ព្យុះសង្ឃរាកំណាច Helene បណ្តាលឲ្យមានមនុស្សស្លាប់ភ្លែត
លើកដំបូង! រុស្ស៊ី បាញ់មីស៊ីលល្បឿនលឿនជាងសំឡេង ៣គ្រាប់ វាយប្រហារ អ៊ុយក្រែន
អតីតតារាកំប្លែង តា ចេក ត្អូញត្អែរថារកស៊ីអ្វីក៏មិនកាក់កប ខណ:គ្មានសង្ឃឹមជួបជុំសាច់ញាតិនារដូវភ្ជុំ
-
ព័ត៌មានអន្ដរជាតិ៤ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ៣ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៤ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ