ជីវិតកម្សាន្ដ

ពេជ្រ សោភា បំផុសចូលរួមគាំទ្រមហោស្រពសិល្បៈបុរាណខ្មែររឿង«ព្រះបាទជ័យវរ្ម័នទី ៧»

បានផុស

២ ខែ មុន

នៅ

ថ្ងៃអាទិត្យ ២៩ កញ្ញា ២០២៤

ដោយ

មិនខុសពីតារាចម្រៀងប្រុសរួមផលិតកម្មជាមួយគ្នាលោក ណុប បាយ៉ារិទ្ធ នោះទេ តារាចម្រៀងអ្នក នាង ពេជ្រ សោភា បានចេញសារបំផុស និងអំពាវឲ្យមហាជន ពិសេសយុវជនដែលជាកូនខ្មែរ នាំគ្នាចូលរួមគាំទ្រដោយទិញសំបុត្រចូលទស្សនាមហោស្រពសិល្បៈបុរាណខ្មែររឿង«ព្រះបាទជ័យវរ្ម័នទី ៧» ដើម្បីលើកស្ទួយសិល្បៈវប្បធម៌ខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះការអំពាវនាវពីសំណាក់តារាចម្រៀងស្រីអ្នកនាង ពេជ្រ សោភា ពេលនេះ គឺជាការលើកទឹកចិត្ត និងដាស់ស្មារតីដល់មហាជនខ្មែរ ឲ្យងាកមកគាំទ្រនូវសិល្បៈបុរាណខ្មែរ ដើម្បីពញ្ញាក់ពីស្មារតីសាមគ្គីបង្ហាញទៅកាន់ប្រទេសជិតខាង និងពិភពលោក បានឃើញតម្លៃ នៃការចូលរួមលើកស្ទួយសិល្បៈបុរាណខ្មែរ។

អ្នកនាង ពេជ្រ សោភា ក្នុងនាមតារាល្បីឈ្មោះលំដាប់ប្រទេសមួយរូប បានលើកឡើងថា “កុំភ្លេចចូលរួមគាំទ្រកម្មវិធីមហោស្រពរបាំក្បាច់បុរាណខ្មែររឿង”ព្រះបាទជ័យវរ្ម័នទី ៧ នៅមហោស្រពកោះពេជ្រ នាថ្ងៃទី ២៨ -២៩ ខែកញ្ញា នេះ ទាំងអស់គ្នា”។

កត់សម្គាល់ឃើញថា មកទល់ពេលនេះ មានតារាប្រុស-ស្រីច្រើនដួង បាននាំគ្នាចេញសារអំពាវនាវដោយទទូចសូមឲ្យកូនខ្មែរទាំងអស់ ស្រាក់ដៃគ្នាក្នុងការចូលរួមលើកស្ទួយវប្បធម៌សិល្បៈបុរាណខ្មែរតាមរយៈការទិញសំបុត្រចូលរួមទស្សនា គាំទ្រមហោស្រពសិល្បៈបុរាណខ្មែររឿង «ព្រះបាទជ័យវរ្ម័នទី ៧» ដែលនឹងរៀបចំសម្តែងចាប់ពីថ្ងៃទី ២៨ ខែកញ្ញា ដល់ថ្ងៃទី ២៩ ខែកញ្ញា ឆ្នាំ ២០២៤ នេះ៕

អត្ថបទ ៖ ចាន់រ៉ា