ព័ត៌មានជាតិ
មណ្ឌលសុខភាពអូរម៉ាល់ មានអ្នកជំងឺទៅទទួលសេវា កើនឡើងដល់ជាង ១ ពាន់នាក់ក្នុងមួយខែៗ
បើតាមការបញ្ជាក់ពីលោក ម៉ៅ មុនីស៊ីណារិន្ទ ប្រធានមណ្ឌលសុខភាពអូម៉ាល់ ក្រុងបាត់ដំបង បានឱ្យដឹងថា បច្ចុប្បន្នជាមធ្យមក្នុងមួយថ្ងៃ មណ្ឌលសុខភាពអូម៉ាល់មានប្រជាពលរដ្ឋជាង ៤០ នាក់មកទទួលសេវាសុខភាពសរុបជាង ១ពាន់នាក់ ក្នុងមួយខែៗ។
ការកើនឡើងចំនួនប្រជាពលរដ្ឋ ដែលបានមកទទួលសេវាពិគ្រោះ និងព្យាបាលជំងឺ នៅមណ្ឌលសុខភាពនេះ ក្រោយពីមានការយកចិត្តទុកដាក់ពីរាជរដ្ឋាភិបាល បានណែនាំដល់មន្ត្រីសុខាភិបាលទាំងអស់ ឲ្យយកចិត្តទុកដាក់ទៅលើសុខុមាលភាពរបស់ប្រជាពលរដ្ឋ នៅតាមមូលដ្ឋាននីមួយៗ ជាពិសេស ក្រុមគ្រូពេទ្យយកចិត្តទុកដាក់ទៅលើពលរដ្ឋ ទើបធ្វើឲ្យប្រជាពលរដ្ឋមានទំនុកចិត្តខ្ពស់។ នេះបើតាមលោក ម៉ៅ មុនីស៊ីណារិន្ទ។
លោក ម៉ៅ មុនីស៊ីណារិន្ទ បានបន្តថា សន្ទស្សន៍នៃការកើនឡើងអ្នកជំងឺ គឺក្រោយពីមណ្ឌលសុខភាពបានពង្រីកការផ្តល់សេវាសុខភាពជូនប្រជាពលរដ្ឋបន្ថែម ក្នុងនោះមានដូចជា ផ្តល់សេវាពិគ្រោះជំងឺទូទៅ មនុស្សចាស់ និងកុមារ មានវះកាត់ ពិនិត្យផ្ទៃពោះមុន និងក្រោយពេលសម្រាល មានចាក់វ៉ាក់សាំង ១១ មុខ ដល់កុមារ ក្នុងនោះក៏បានពង្រីកការព្យាបាល ជំងឺឆ្លងដូចជា របេង ឃ្លង់ អេដស៍ និងសេវាជំងឺមិនឆ្លងដូចជា លើសសម្ពាធឈាម គ្រុនចាញ់ ជំងឺស្វាយ សេវាពន្យារកំណើតគ្រប់ប្រភេទជាដើមផង ។
ប្រធានមណ្ឌលសុខភាពរូបនេះបន្តថា អ្នកជំងឺដែលមកពិគ្រោះនិងព្យាបាល មណ្ឌលសុខភាពក៏មានការអនុគ្រោះដល់ពលរដ្ឋដែលមានវ័យចាស់ជរា ជនពិការ ព្រះសង្ឃ សិស្ស គឺមិនតម្រូវឱ្យបង់ប្រាក់ឡើយ ក្នុងនោះដែរសម្រាប់ពលរដ្ឋដែលមានប័ណ្ណសមធម៌ ប័ណ្ណក្រីក្រ និងប័ណ្ណបសស ក៏ទទួលបានសេវាព្យាបាលជំងឺមិនបង់ប្រាក់ដូចគ្នាដែរ។ បន្ថែមពីនេះ ប្រសិនបើមិនមានប័ណ្ណខាងលើទេ ចំណាយត្រឹមតែ ៤០០០រៀល ប៉ុណ្ណោះ ក្នុងការបង់សេវាពិគ្រោះ និងព្យាបាលក្នុងមួយលើក។
ជាមួយគ្នានេះដែរ លោក ម៉ៅ មុនីស៊ីណារិន្ទ ក៏បានស្នើសុំឱ្យពលរដ្ឋមកទទួលសេវានៅមណ្ឌលសុខភាពឱ្យបានច្រើនបន្ថែមទៀត ដោយក្រុមគ្រូពេទ្យនឹងបន្តបង្កើនការយកចិត្តទុកដាក់ផ្តល់សេវាសុខភាពដល់ប្រជាពលរដ្ឋទូទៅ ខណៈគ្រូពេទ្យនៅប្រចាំការជាប្រចាំដើម្បីផ្តល់ព័ត៌មានអំពីសេវាពីមណ្ឌលសុខភាពបន្ថែមគ្រប់ពេលវេលាជូនដល់ដល់ពលរដ្ឋ៕
អត្ថបទ៖ សៅ សារិទ្ធ
-
ព័ត៌មានអន្ដរជាតិ១ សប្តាហ៍ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ១ ថ្ងៃ ago
ព្យុះចំនួន២ នឹងជះឥទ្ធិពលលើកម្ពុជាក្នុងពេលតែមួយចាប់ពីថ្ងៃនេះ ដល់ថ្ងៃទី២តុលា
-
ជីវិតកម្សាន្ដ៥ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ២១ ម៉ោង ago
ភ្នំមួយទៀតនៅវៀតណាម ប្រេះប្រវែង១០០ម៉ែត្រ បង្កការភ័យខ្លាច
-
ចរាចរណ៍២ ថ្ងៃ ago
ឡិចស៊ីស 470 មួយគ្រឿង បោះពួយលឿនបែកកង់ជ្រុលបុកបង្គោលភ្លើងរលំ ០២ ដើម
-
ព័ត៌មានជាតិ៥ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ១ សប្តាហ៍ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍៣ ថ្ងៃ ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង