ព័ត៌មានជាតិ

អភិបាលរាជធានីដឹកនាំគណៈប្រតិភូទៅចូលរួមកិច្ចប្រជុំពេញអង្គអភិបាលក្រុងប្រើប្រាស់ភាសាបារាំង AIMFនៅទីក្រុងប៉ារីសប្រទេសបារាំង

បានផុស

១៤ វិនាទី មុន

នៅ

ថ្ងៃចន្ទ ៣០ កញ្ញា ២០២៤

ដោយ

លោកឃួង ស្រេង អភិបាលនៃគណៈអភិបាលរាជធានីភ្នំពេញនិងជាអនុប្រធានអចិន្ត្រៃយ៏សមាគមអន្តរជាតិអភិបាលក្រុងប្រើប្រាស់ភាសាបារាំង(AIMF) បានដឹកនាំគណៈប្រតិភូសាលារាជធានីភ្នំពេញចាកចេញពីរាជធានីភ្នំពេញនាល្ងាចថ្ងៃទី៣០កញ្ញា ឆ្នាំ២០២៤ ដើម្បីចូលរួមកិច្ចប្រជុំពេញអង្គនៃសមាជិកការិយាល័យអចិន្ត្រៃយ៏លើកទី១០២នៃសមាគមអន្តរជាតិអភិបាលក្រុង ប្រើប្រាស់ភាសាបារាំង(AIMF) នៅទីក្រុងប៉ារីស ប្រទេសបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឃួង ស្រេង អភិបាលរាជធានីភ្នំពេញ នឹងអញ្ជើញ ចូលរួមកិច្ចប្រជុំការិយាល័យអចិន្ត្រៃយ៏លើកទី១០២របស់(AIMF)ក្រោមមតិស្វាគមន៍របស់លោកស្រី Anne HIDALGO អភិបាលក្រុងប៉ារីសនិងជាប្រធានសមាគមAIMF ហើយនៅថ្ងៃទី៤ខែតុលា លោកអភិបាលរាជធានីភ្នំពេញនឹងអញ្ជើញចូលរួមកិច្ចប្រជុំកំពូលហ្វ្រង់កូហ្វូនី នៅទីក្រុងVillers.Cotterets ។

ក្នុងកម្មវិធីនោះ ក៏មានសន្ទរកថាស្វាគមន៏ដោយប្រធានាធិបតីសាធារណៈរដ្ឋបារាំង,ប្រធានាធិបតីសាធារណរដ្ឋទុយនេស៊ី និងអគ្គលេខាធិការហ្វ្រង់កូហ្វូនី ផងដែរ។ នាឧិកាសនោះ ក៏មានរៀបចំពិធីប្រគល់សិទ្ធជាម្ចាស់ផ្ទះនៃកិច្ចប្រជុំកំពូលហ្វ្រង់កូហ្វូនីពីសាធារណរដ្ឋទុយនេស៊ី ទៅសាធារណៈរដ្ឋបារាំង។កម្មវិធីបន្តគឺ និយាយពីបញ្ហាប្រឈមនៃប្រជាពលរដ្ឋហ្វ្រង់កូហ្វូនីទៅកាន់យុគ្គសម័យបច្ចេកវិទ្យា,ព័ត៌មានពិត, ព័ត៌មានមិនពិត,ការសម្របសម្រួល,ពហុភាសា និងបញ្ញាសិប្បនិម្មិតផងដែរ៕

ដោយ ៖ ស្រីរ័ត្ន