ព័ត៌មានអន្ដរជាតិ
អាមេរិកឃើញពីកំណើនទីផ្សារការងារ ខណៈអត្រាអត់ការងារធ្វើធ្លាក់ចុះនៅខែកញ្ញា
ទិន្នន័យពីការិយាល័យស្ថិតិការងារអាមេរិក ដែលចេញផ្សាយកាលពីសប្ដាហ៍មុន បានបង្ហាញថា ចំនួនការងារថ្មីរបស់សហរដ្ឋអាមេរិកនៅខែកញ្ញា បានកើនឡើងលើសពីការរំពឹងទុក ដែលធានាលើភាពរឹងមាំនៃទីផ្សារ ខណៈអត្រាអត់ការងារធ្វើ ដែលជាក្ដីបារម្ភសម្រាប់សេដ្ឋកិច្ចនារយៈពេលកន្លងមក បានថយចុះ។
តាមការចុះផ្សាយរបស់បណ្ដាញព័ត៌មាន CNN នៅខែកញ្ញា និយោជកនៅអាមេរិកបានជ្រើសរើសកូនឈ្នួលថ្មីឱ្យធ្វើការងារ ប្រមាណ ២៥៤ ០០០ កន្លែង។ វាគឺជាចំនួនដែលខ្ពស់ជាងចំនួនសរុបប្រចាំខែសីហា ដែលមានប្រមាណ ១៥៩ ០០០ កន្លែង និងកើនលើសពីការរំពឹងទុករបស់អ្នកសេដ្ឋកិច្ច ដែលព្យាករអត្រាការងារថ្មីត្រឹមប្រមាណ ១៤០ ០០០ កន្លែង សម្រាប់ខែកញ្ញា។
ទិន្នន័យដដែលបង្ហាញថា អត្រាអត់ការងារធ្វើ បានធ្លាក់ចុះមកត្រឹម ៤,១ ភាគរយ ពីប្រមាណ ៤,២ ភាគរយ នៅខែសីហា។
សេដ្ឋវិទូបានប្រាប់ CNN ថា តួលេខនៅខែកញ្ញាបង្ហាញពីភាពប្រសើរឡើងនៃទីផ្សារការងារ ដែលជាក្ដីបារម្ភដោយសារតែកម្សោយនៅខែកក្កដា និងសីហា ដោយវាធានាលើកំណើនសេដ្ឋកិច្ចក្នុងសន្ទស្សន៍វិជ្ជមាន។ វាក៏ជាសូចនាករលើទស្សនវិស័យវិជ្ជមានសម្រាប់សេដ្ឋកិច្ចអាមេរិកផងដែរ ខណៈនាពេលកន្លងមក សេដ្ឋវិទូព្រួយបារម្ភពីការធ្លាក់ចុះនៃសេដ្ឋកិច្ច។
ភាពប្រសើរឡើងនៃទីផ្សារការងារអាមេរិក ត្រូវបានកត់ត្រាឡើងក្រោយធនាគារកណ្ដាលសហព័ន្ធសហរដ្ឋអាមេរិក បានកាត់បន្ថយអត្រាការប្រាក់កាលពីខែកញ្ញា ដើម្បីស្ដារទីផ្សារការងារ ចំពេលដែលអត្រាអតិផរណាថយចុះជិតដល់គោលដៅ ២ ភាគរយ របស់ធនាគារ៕
-
ព័ត៌មានអន្ដរជាតិ២ ថ្ងៃ ago
ប៉ូលិសថៃ រកឃើញហើយ! មូលហេតុនាំឲ្យឆេះរថយន្តដឹកសិស្ស
-
ចរាចរណ៍២ ថ្ងៃ ago
រថយន្ដកាមរីឆ្លាមបើកធ្លាក់ប្រឡាយ ខណៈភ្លៀងខ្លាំងលិចផ្លូវ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងជះឥទ្ធិពលលើកម្ពុជាក្នុងពេលតែមួយចាប់ពីថ្ងៃនេះ ដល់ថ្ងៃទី២តុលា
-
សន្តិសុខសង្គម៤ ថ្ងៃ ago
យុវជន ៣ នាក់ បាត់បង់ជីវិតដោយសារលង់ទឹក
-
ព័ត៌មានអន្ដរជាតិ៧ ថ្ងៃ ago
ភ្នំមួយទៀតនៅវៀតណាម ប្រេះប្រវែង១០០ម៉ែត្រ បង្កការភ័យខ្លាច
-
ចរាចរណ៍១ សប្តាហ៍ ago
ឡិចស៊ីស 470 មួយគ្រឿង បោះពួយលឿនបែកកង់ជ្រុលបុកបង្គោលភ្លើងរលំ ០២ ដើម
-
ព័ត៌មានអន្ដរជាតិ៣ ថ្ងៃ ago
ព្រះអាទិត្យផ្ទុះអណ្តាតភ្លើង ជះព្យុះកម្តៅមកផែនដីនៅចុងសប្តាហ៍នេះ
-
ព័ត៌មានជាតិ៣ ថ្ងៃ ago
ខេត្តកែបទទួលបានភ្ញៀវទេសចរជិត៨ម៉ឺននាក់ ក្នុងឱកាសបុណ្យភ្ជុំបិណ្ឌ