ព័ត៌មានជាតិ

រដ្ឋបាលសង្កាត់ចោមចៅទី៣ បន្តដាក់គ្រឿងចក្រស្តារប្រឡាយរំដោះទឹកចេញពីមូលដ្ឋានប្រមាណ៥០០ម៉ែត្រ

បានផុស

៤ ខែ មុន

នៅ

ថ្ងៃចន្ទ ៧ តុលា ២០២៤

ដោយ

ភ្នំពេញ ៖ រដ្ឋបាលសង្កាត់ចោមចៅទី៣ ដឹកនាំដោយលោក វ៉ា សាវឿន ចៅសង្កាត់ នៅ រសៀលថ្ងៃទី ០៧ ខែ តុលា ឆ្នាំ២០២៤ បានដាក់គ្រឿងចក្រស្តារប្រឡាយយកសំរាមនិងស្មៅចេញដើម្បីសម្រួលចរន្តទឹកហូរ នៅភូមិព្រៃព្រីងត្បូង២ ជៀសវាងការជន់លិចក្នុងមូលដ្ឋាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ា សាវឿន ចៅសង្កាត់ចោមចៅទី៣បានឱ្យដឹងថា ដោយសារតែប្រឡាយខាងលើពោរពេញទៅដោយស្មៅនិងកាកសំណល់ច្រើនបង្កការកកស្ទះចរន្តទឹកខណៈប៉ុន្មានថ្ងៃមកនេះមេឃធ្លាក់ភ្លៀងជាបន្តបន្ទាប់ធ្វើឱ្យចរន្តទឹកហូរយឺត ខ្លាចបង្កផលប៉ះពាល់ជន់លិចលំនៅឋាន ឬ ផ្លូវដែលបងប្អូនប្រជាពលរដ្ឋធ្វើដំណើរ ទើបនៅរសៀលថ្ងៃទី៧ ខែតុលា ឆ្នាំ២០២៤នេះ លោកបានដាក់គ្រឿងចក្រកាយស្តារប្រឡាយមួយខ្សែប្រមាណ៥០០ម៉ែត្រដើម្បីសម្រួលឱ្យចរន្តទឹកហូរលឿន។

លោក វ៉ា សាវឿន តំណាងឱ្យរដ្ឋបាលសង្កាត់ចោមចៅទី៣ទាំងមូល សូមថ្លែងអំណរគុណដល់ម្ចាស់បុរីជារី ដែលបានសហការនិង បានឧបត្ថម្ភគ្រឿងចក្រនិងរថយន្តសម្រាប់កាយ និងដឹកសំរាមចេញ៕

ដោយ ៖ សុខា