ព័ត៌មានអន្ដរជាតិ
អភិបាលក្រុងម៉ិកស៊ិក៤រូប ស្នើសុំការការពារ ក្រោយអភិបាលម្នាក់ត្រូវគេកាត់ក្បាលសម្លាប់
បន្ទាប់ពីហេតុការណ៍កាត់ក្បាលធ្វើឃាតអភិបាលក្រុងម្នាក់នៅប្រទេសម៉ិកស៊ិក អភិបាល៤រូបផ្សេងទៀតបានស្នើសុំអាជ្ញាធរសហព័ន្ធសម្រាប់ការការពារពិសេស។ នេះបើយោងតាមការចុះផ្សាយរបស់ទីភ្នាក់ងារព័ត៌មាន AP នៅថ្ងៃទី៩ខែតុលា។
លោក Alejandro Arcos អភិបាលក្រុង Chilpancingo ក្នុងរដ្ឋ Guerrero ត្រូវបានគេសម្លាប់កាលពីថ្ងៃអាទិត្យ ក្រោយស្បថឡើងកាន់តំំណែងមិនដល់១សប្ដាហ៍ផង។
លោក Omar Garcia Harfuch លេខាធិការសុវត្ថិភាពសាធារណៈសហព័ន្ធ បាននិយាយថា អភិបាលក្រុង៤នាក់បានស្នើសុំការការពារកាលពីថ្ងៃចន្ទ មួយថ្ងៃបន្ទាប់ពីអដ្ឋិធាតុរបស់លោក Arcos ត្រូវបានរកឃើញ។ អភិបាលក្រុងទាំង៤ កំពុងកាន់តំណែងនៅក្នុងរដ្ឋចំនួន២គឺ រដ្ឋ Guerrero និងរដ្ឋ Guanajuato ដែលកំពុងញាំញីខ្លាំងដោយអំពើហិង្សា។
ស្ថានការណ៍នៅរដ្ឋ Guanajuato គឺអាក្រក់ខ្លាំង ដោយនៅមុនការបោះឆ្នោតកាលពីខែមិថុនា យ៉ាងហោចណាស់បេក្ខភាពអភិបាលក្រុងចំនួន៤នាក់ត្រូវបានគេសម្លាប់។
លោក Garcia Harfuch មិនបានបញ្ជាក់ថាហេតុអ្វីបានជាអភិបាលក្រុងស្នើសុំការការពារឡើយ ហើយលោកក៏មិនបានផ្តល់ព័ត៌មានលម្អិតច្រើនអំពីការស៊ើបអង្កេតលើការស្លាប់របស់លោក Arcos នោះដែរ ដោយគ្រាន់តែប្រាប់ថា លោក Arcos ត្រៀមចូលរួមកិច្ចប្រជុំឯកជនមួយមុនពេលលោកត្រូវគេធ្វើឃាត។
បើតាមពិតទៅ លោក Arcos ធ្លាប់បានប្រាប់ប្រព័ន្ធផ្សព្វផ្សាយក្នុងស្រុកថា លោកត្រូវការការការពារបន្ថែមទៀត ប៉ុន្តែលោក Garcia Harfuch បាននិយាយថា អភិបាលរូបនេះមិនបានធ្វើសំណើផ្លូវការណាមួយឡើយ ខណៈបើមានការស្នើ នោះរដ្ឋាភិបាលរដ្ឋ និងសហព័ន្ធអាចផ្តល់ជូនអភិបាលក្រុងនូវរថយន្តការពារគ្រាប់កាំភ្លើង អង្គរក្សបន្ថែម និងប្រព័ន្ធប្រកាសអាសន្ន។
រដ្ឋ Chilpancingo ត្រូវបានគ្រប់គ្រង់ដោយក្រុមឧក្រិដ្ឋជនគ្រឿងញៀនចំនួន២ក្រុមធំៗគឺ ក្រុម Ardillos និងក្រុម Tlacos។ ក្រុមគ្រឿងញៀនបានអុកឡុកទីក្រុង ដោយការធ្វើបាតុកម្មមានមនុស្សរាប់រយនាក់ចូលរួម ការប្លន់រថពាសដែករបស់រដ្ឋាភិបាល ការបិទផ្លូវធំៗ និងការចាប់ប៉ូលិសធ្វើជាចំណាប់ខ្មាំងកាលពីឆ្នាំ២០២៣ជាថ្នូរនឹងការដោះលែងជនសង្ស័យដែលត្រូវបានចាប់ខ្លួន។
ក្រុមជនពាល និងក្រុមជួញដូរគ្រឿងញៀនក្នុងប្រទេសម៉ិកស៊ិក ជាញឹកញយបានកំណត់គោលដៅលើអភិបាលក្រុង ដើម្បីជំរិតទារប្រាក់ ទទួលបានកិច្ចសន្យារបស់រដ្ឋាភិបាល និងតែងតាំងបក្ខពួករបស់ខ្លួននៅក្នុងកងកម្លាំងប៉ូលិស៕
ដោយ៖ ឈាង
ព្រឹត្តិការណ៍ “សាទរកម្ពុជា” នឹងប្រព្រឹត្តទៅនៅ ថ្ងៃទី៣១ ខែធ្នូ ដែលមានអ្នកចូលរួមប្រមាណ ៣០០០នាក់ នៅមុខព្រះបរមរាជវាំង
ក្រុមស៊ើបអង្កេតចម្រុះ ពង្រីកការចាប់ខ្លួនមន្ត្រីយោធាជាប់ពាក់ព័ន្ធអនុវត្តច្បាប់អាជ្ញាសឹក
ក្រសួងការងារ គ្រោងនឹងដាក់ឱ្យដំណើរការ បញ្ជរសេវាសាធារណៈចល័ត១០០គ្រឿង សម្រាប់ប្រើប្រាស់ជំហានទី១ ដើមឆ្នាំ២០២៥
សភាតៃវ៉ាន់វាយប្រតប់គ្នាក្នុងកិច្ចប្រជុំនៅថ្ងៃសុក្រ
កម្ពុជា-ជប៉ុន នឹងបន្តពូនជ្រុំទំនាក់ទំនង និងកិច្ចសហប្រតិបត្តិការ ឱ្យកាន់តែរឹងមាំខ្លាំងក្លាថែមទៀត
លោក ពូទីន ថា ចង់ផឹកទឹកតែជាមួយអតីតមេដឹកនាំពិភពលោក៣រូប ដែលបាត់បង់ជីវិត
លោក ពូទីន «ខ្ញុំគួរវាយលុកអ៊ុយក្រែន ឲ្យបានឆាប់ជាងនេះ»
អ្នកស្លាប់ដោយសារព្យុះស៊ីក្លូន Chido នៅម៉ូសំប៊ិកកើនឡើងដល់៧៣នាក់
អាកាសយានដ្ឋានតារាសាគរនឹងបើកការហោះហើរសាកល្បងជាមួយនិង ការស្វាគមជើងហោះហើរ ឆាតទើរដំបូងនៅថ្ងៃទី២៦ខែធ្នូ
អាជ្ញាធរសៀមរាប ព្រមានឈ្មោះ សេក ដារ៉ា ត្រូវបញ្ឈប់ជាបន្ទាន់ការព្យាបាលជំងឺគ្រប់ប្រភេទដោយចាក់ម្ជុលវិទ្យាសាស្ត្រ
-
វប្បធម៌ ជំនឿ១ សប្តាហ៍ agoកត់ចំណាំទុក បើគេងយល់សប្តិឃើញ ១០ ប្រភេទនេះ គួរពិចារណា
-
សុខភាព១ សប្តាហ៍ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
នយោបាយ៣ ថ្ងៃ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ជីវិតកម្សាន្ដ១ សប្តាហ៍ agoគ្រាន់តែសរសេរពាក្យ «ញុំា» ខុស! សឿន វីតា ត្រូវបុរសចំណាស់ម្នាក់ប្រមាថដល់អ្នកមានគុណ
-
ព័ត៌មានជាតិ៣ ថ្ងៃ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ៤ ថ្ងៃ agoទឹកជំនន់នៅថៃឆក់យកជីវិតមនុស្ស៣៥នាក់និងប៉ះពាល់ដល់១១ខេត្ត
-
ជីវិតកម្សាន្ដ១ សប្តាហ៍ agoសឿន វីតា កំពុងកៀរគរសប្បុរជនជួយនិស្សិតពេទ្យបញ្ចប់ការសិក្សាម្នាក់ ដែលត្រូវលាងឈាម (មានវីដេអូ)
-
ព័ត៌មានអន្ដរជាតិ៣ ថ្ងៃ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី