ជីវិតកម្សាន្ដ

វ័យ៦១ឆ្នាំមិនបញ្ហា តារាម៉ូដែលប្រេស៊ីល ប្រាប់អាថ៌កំបាំងរក្សាភាពក្មេងជារៀងរហូត

បានផុស

២ ខែ មុន

នៅ

ថ្ងៃសុក្រ ១១ តុលា ២០២៤

ដោយ

តារាម៉ូដែលប្រេស៊ីល Nil Marino បានចាប់ផ្តើមអាជីពជាតារាម៉ូដែលរបស់គាត់នៅអាយុ ២៥ ឆ្នាំ។ មកដល់ពេលនេះ ក្នុងវ័យ៦១ឆ្នាំ គាត់នៅតែមានរូបរាងដ៏ល្អឥតខ្ចោះ ដែលធ្វើឲ្យមនុស្សជាច្រើនភ្ញាក់ផ្អើល។ កាលពីឆ្នាំមុន លោកក៏បានបង្កភាពចលាចលនៅលើបណ្ដាញសង្គមផងដែរ នៅពេលដែលគាត់បានចែករំលែកវីដេអូដែលទទួលបានការអនុញ្ញាតចតរថយន្តសម្រាប់មនុស្សចាស់ ដោយទាក់ទាញអ្នកចូលមើលជាង ៨លានដង។ មហាជនជាច្រើនបានសម្តែងការភ្ញាក់ផ្អើលនៅពេលដឹងអាយុពិតរបស់គាត់ ដោយនិយាយថា តារាម៉ូដែលប្រុសមើលទៅមានអាយុមិនដល់៤០ឆ្នាំទេ។

ទាក់ទងនឹងបញ្ហានេះ Nil Marino ក៏មិនលាក់បាំងអ្វីដែរ ផ្ទុយទៅវិញ លោកបានចែករំលែកនូវគន្លឹះ ៥យ៉ាង ដើម្បីជួយរក្សាសម្រស់ឲ្យក្មេងជាងវ័យ និងការពារភាពចាស់ ដែលបុរសៗអាចអនុវត្តបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ធ្វើការនិងសម្រាកទាន់ពេលវេលា

តារាម៉ូដែលវ័យ៦១ឆ្នាំតែងរក្សាទម្លាប់រស់នៅយ៉ាងតឹងរ៉ឹង។ គាត់ក្រោកពីម៉ោង ៦ ព្រឹក ហើយចូលគេងពីម៉ោង ៩ យប់ឬ១០ យប់។ ទម្លាប់នេះជួយឲ្យរាងកាយរក្សាលំនឹងកម្រិតអរម៉ូន រួមទាំងអ័រម៉ូនតេស្តូស្តេរ៉ូន និងអ័រម៉ូនលូតលាស់ ជំនួយសាច់ដុំ និងការពារភាពចាស់នៃស្បែក។

ធ្វើលំហាត់ប្រាណឲ្យបានទៀងទាត់

ចាប់តាំងពីឆ្នាំ ១៩៨៣ មក Nil បានចាប់ផ្តើមហាត់កាយសម្ព័ន្ធ ហើយនៅតែរក្សាទម្លាប់នេះរហូតមកដល់សព្វថ្ងៃនេះ។ លើសពីនេះទៀត គាត់ក៏ដើរ ជិះកង់ និងអង្គុយ ៥ ថ្ងៃក្នុងមួយសប្តាហ៍។ លំហាត់ប្រាណទាំងនេះមិនត្រឹមតែជួយបង្កើនម៉ាសសាច់ដុំប៉ុណ្ណោះទេ ថែមទាំងធ្វើឲ្យសុខភាពឆ្អឹង និងសន្លាក់ប្រសើរឡើង កាត់បន្ថយដំណើរការនៃភាពចាស់។

អាហារពេលព្រឹកបែបវិទ្យាសាស្ត្រ

លោកចាប់ផ្តើមជារៀងរាល់ថ្ងៃជាមួយនឹងទឹកមួយកែវដែលមានរមៀត វីតាមីន C និង glutamine ដើម្បីបង្កើនភាពស៊ាំ និងសុខភាពពោះវៀន។ អាហារពេលព្រឹករបស់គាត់រួមមាន ស៊ុត នំបុ័ង គ្រាប់ល្ង គ្រាប់ល្ពៅ សាឡាត់ផ្លែបឺរ និងប្រេងអូលីវ ដែលសុទ្ធតែសម្បូរទៅដោយសារធាតុប្រឆាំងអុកស៊ីតកម្ម និងជួយការពារភាពចាស់នៃស្បែក។

ប្រើផ្លែឈើ និងទឹកឃ្មុំជំនួសឲ្យជាតិស្ករចម្រាញ់

Nil ចូលបង្អែមណាស់ ប៉ុន្តែជំនួសឲ្យការប្រើស្ករចម្រាញ់ គាត់ជ្រើសយកផ្លែឈើ និងទឹកឃ្មុំ។ ទឹកឃ្មុំមានសារធាតុចិញ្ចឹម និងសារធាតុប្រឆាំងអុកស៊ីតកម្មជាច្រើន ដែលជួយគាំទ្រដល់ប្រព័ន្ធរំលាយអាហារ បន្សុទ្ធរាងកាយ និងពង្រឹងប្រព័ន្ធការពាររាងកាយ ដោយហេតុនេះបន្ថយដំណើរការនៃភាពចាស់។

ការថែរក្សាស្បែក

មិនត្រឹមប៉ុណ្ណឹងទេ គាត់តែងយកចិត្តទុកដាក់ជាពិសេសដើម្បីការពារស្បែកពីខាងក្រៅ។ គាត់ធ្វើតាមទម្លាប់ថែរក្សាស្បែកពេលព្រឹកជាមួយហ្វូមលាងមុខ ផ្តល់សំណើមដែលមានសារធាតុ aloe vera និងអាស៊ីត hyaluronic អមដោយឡេការពារកម្តៅថ្ងៃ។ នេះជួយការពារស្បែកពីផលប៉ះពាល់ដ៏គ្រោះថ្នាក់នៃកាំរស្មី UV និងការពារភាពចាស់នៃស្បែកយ៉ាងមានប្រសិទ្ធភាព។

ជាមួយនឹងអាថ៌កំបាំងទាំង ៥ នេះ Nil Marino មិនត្រឹមតែរក្សារូបរាងក្មេងប៉ុណ្ណោះទេ ថែមទាំងរក្សាបាននូវសុខភាពល្អទៀតផង។ លោកបានជំរុញឲ្យមនុស្សបង្កើតទម្លាប់ដែលមានសុខភាពល្អមុនអាយុ ដើម្បីមានសុខភាពល្អ និងអាយុវែង រាងកាយជាទ្រព្យដ៏មានតម្លៃបំផុត ចូរវិនិយោគវាឲ្យបានឆាប់ ដើម្បីឲ្យពេលចាស់ទៅ អ្នកនឹងនៅមានសុខភាពល្អ និងពោរពេញដោយថាមពល៕