ព័ត៌មានជាតិ

រោងចក្រសហគ្រាស ៨ ទីតាំងរាជធានី-ខេត្ត បំពាក់ឧបករណ៍ស្វ័យត្រួតពិនិត្យការបញ្ចេញសំណល់រាវ

បានផុស

៦ ខែ មុន

នៅ

ថ្ងៃចន្ទ ១៤ តុលា ២០២៤

ដោយ

គិតមកដល់ពេលនេះ មានរោងចក្រសហគ្រាសចំនួន ៨ ទីតាំងហើយ នៅតាមរាជធានី-ខេត្ត ដែលបានបំពាក់នូវឧបករណ៍ស្វ័យត្រួតពិនិត្យ និងប្រព័ន្ធគ្រប់គ្រងទិន្នន័យការបញ្ចេញសំណល់រាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រោងចក្រសហគ្រាសទាំង ៨ មានទីតាំងស្ថិតនៅរាជធានីភ្នំពេញ ខេត្តកណ្តាល បាត់ដំបង និងស្វាយរៀង។

បើតាមប្រភពពីក្រសួងបរិស្ថាន មានក្រុមហ៊ុនមួយចំនួនទៀតបានបង្ហាញនូវភាពស្មោះត្រង់ ក្នុងការបញ្ចេញសំណល់រាវ ដោយគោរពច្បាប់ដែលមានចែងជាធរមានរបស់ព្រះរាជាណាចក្រកម្ពុជា និងបានកំពុងស្នើសុំធ្វើការបំពាក់ឧបករណ៍ស្វ័យត្រួតពិនិត្យ និងប្រព័ន្ធគ្រប់គ្រងទិន្នន័យ ការបញ្ចេញសំណល់រាវ នៅតាមរោងចក្រ សហគ្រាសរបស់ខ្លួន ជាបន្តបន្ទាប់។

សូមបញ្ជាក់ថា ម្ចាស់រោងចក្រ សហគ្រាស (ប្រភេទប្រភពបំពុលសក្តានុពល) ត្រូវអនុវត្តការបំពាក់ឧបករណ៍ស្វ័យត្រួតពិនិត្យ និងប្រព័ន្ធគ្រប់គ្រងទិន្នន័យការបញ្ចេញសំណល់រាវ ដោយគោរពទៅតាម “ក្រមបរិស្ថាន និងធនធានធម្មជាតិ” មាត្រា ១៧៨ មាត្រា ២៨៧ និងមាត្រា២៨៨ និងប្រកាសរបស់ក្រសួងបរិស្ថានលេខ៣០២ ប្រកប.ស្ថ ចុះថ្ងៃទី២៩ ខែកញ្ញា ឆ្នាំ២០២១ ស្តីពីការអនុវត្តវិធានស្វ័យ និងមាត្រ២៣ នៃអនុក្រឹត្យស្តីពី ការត្រួតពិនិត្យការបំពុលទឹក (១៩៩៩)៕