លទ្ធផលធ្វើតេស្តរកកូវីដរបស់ សុខ ស្រីនាង យ៉ាងណាហើយ?

តារាចម្រៀងប្រចាំផលិតកម្មហង្សមាសអ្នកនាង សុខ ស្រីនាង បង្ហោះសារលើបណ្ដាញសង្គមរបស់ខ្លួននាយប់នេះថា​​ អ្នកនាងបានទទួលលទ្ធផលអវិជ្ជមានវីរុសកូវីដ-១៩។

យោងតាមខ្លឹមសារដើមនៅលើផេកហ្វេសប៊ុកផ្លូវការរបស់តារាចម្រៀងរូបនេះបានសរសេរ​ថា “នាងខ្ញុំ សុខ ស្រីនាង ក្នុងនាមជាអ្នកសិល្បៈមួយរូបស្ថិតក្នុងស្ថានការណ៍មួយនេះនៃការឆ្លងពីជំងឺ Covid-19 សូមឱ្យពុកម៉ែបងប្អូនទាំងអស់គ្នាថែសុខភាព និងការពារឲ្យបានខ្ជាប់ខ្ជួនតាមការណែនាំរបស់ក្រសួងសុខាលភិបាល ហើយនាងខ្ញុំក៏សូមជូនពរឱ្យបងប្អូនទាំងអស់គ្នាឆាប់ជាសះស្បេីយពីជំងឺដ៏កាចសាហាវមួយនេះ។ សូមផ្ញើរកម្លាំងចិត្តពីចម្ងាយចា៎ •នាងខ្ញុំបានធ្វើតេស្តនិងទទួលបានលទ្ធផលនៃការធ្វើតេស្តលើកទី១រួចរាល់ គឺ (អវិជ្ជមាន- Negative) ហើយនាងខ្ញុំក៏កំពុងធ្វើចត្តាឡីស័ក្តរយៈពេល14ថ្ងៃដើម្បីតាមដានសុខភាពបន្តដូចគ្នា ហើយក៏សូមអគុណចំពោះពុកម៉ែបងប្អូននិងអ្នកគាំទ្រដែលបានសួរសុខទុក្ខនាងខ្ញុំរហូតមកសុំទោសសម្រាប់ការមិនបានឆ្លើយតបសារបានទាំងអស់គ្នា។”

បន្ទាប់ពីពិធិការិនី កែវ ច័ន្ទនិមល ឆ្លងកូវីដ​ ព្រមទាំងមានតារាជួរមុខប៉ុន្មានរូបទៀតនៅផលិតកម្មហង្សមាសក៏រកឃើញឆ្លងវីរុសនេះផងដែរ អ្នកនាង សុខ ស្រីនាង បានធ្វើតេស្តរកមេរោគ តែលទ្ធផលអវិជ្ជមាន។ ក្រៅពីតារាស្រីរូបនេះ សិល្បករផ្សេងទៀតរួមមានលោក ឆន សុវណ្ណរាជ អ្នកនាង​ សួស វីសា ក៏រកពុំឃើញមានឆ្លងកូវីដដែរ ហើយ​បច្ចុប្បន្នតារាប្រុសស្រីទាំងនោះកំពុងតាមដានសុខភាពនិងធ្វើចត្តាឡីស័ក៕

អត្ថបទ៖ សន្យា

ចុចអាន៖ លោក​ព្រាប សុវត្ថិ ផ្តល់​កម្លាំង​ចិត្ត​ សិល្បករ​ និង​ប្រជាជនខ្មែរ ដែល​ឆ្លង​កូវីដ១៩ តាំង​ចិត្ត​ឲ្យ​រឹងមាំ​ប្រយុទ្ធ​ប្រឆាំង​

ចុចអាន៖ រសៀលនេះ សួស វីសា បានទទួលលទ្ធផលធ្វេីតេស្តរកមេរោគកូវីដ-១៩ហើយ