ជីវិតកម្សាន្ដ

បវរកញ្ញាវៀតណាមថា កំឡុងពេលស្នាក់នៅកម្ពុជា នាងមិនមានបញ្ហាលើការហូបចុកឡើយ

បានផុស

៤ ខែ មុន

នៅ

ថ្ងៃចន្ទ ១៤ តុលា ២០២៤

ដោយ

Vo Le Que Anh បេក្ខនារីតំណាងឲ្យប្រទេសវៀតណាមក្នុងកម្មវិធីប្រកួត Miss Grand International 2024 បានចែករំលែកជាមួយសារព័ត៌មាន VietNamNet អំពីបទពិសោធន៍របស់នាង ក្នុងការប្រលងដែលធ្វើឡើងនៅក្នុងប្រទេសកម្ពុជា និងប្រទេសថៃក្នុងរយៈពេលប៉ុន្មានថ្ងៃថ្មីៗនេះ។

បវរកញ្ញាតំណាងឲ្យប្រទេវៀតណាមរូបនេះបាននិយាយថា ស្ថាប័ន MGI មានភាពជិតស្និទ្ធិក្នុងការគ្រប់គ្រងបេក្ខនារី ដូច្នេះហើយនាងមិនជួបប្រទះនឹងបញ្ហាអ្វីឡើយអំឡុងពេលប្រកួតឡើយ។ ជាមួយគ្នានេះផងដែរ នាងមិនមានបញ្ហាក្នុងការរស់នៅ និងហូបចុកក្នុងប្រទេសកម្ពុជាទេ ព្រោះនាងមានភាពងាយស្រួលតាំងពីដើមមកម៉្លេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាបែបនេះក្ដី នៅពេលសួរអំពីជម្លោះរវាងស្ថាប័ន MGI និង MGC នាង Que Anh បាននិយាយថា មុនពេលការប្រលងប្រព្រឹត្តទៅជាផ្លូវការ អ្នករៀបចំបានផ្ញើកាលវិភាគដែលត្រូវឆ្លងកាត់ប្រទេសទាំងពីរ។ ថ្វីដ្បិតតែមានការភាន់ច្រលំបន្តិច ប៉ុន្តែនាង និងបេក្ខនារីបានរៀបចំរបស់របរ និងផ្លាស់ប្តូរយ៉ាងឆាប់រហ័ស។ ពួកគេបាននាំយកវ៉ាលីសសំខាន់មួយទៅប្រទេសថៃ ចំណែកអីវ៉ាន់ដែលនៅសេសសល់នឹងត្រូវបញ្ជូននៅពេលក្រោយ។

ទាក់ទិននឹងការសម្រេចលុបចោលកិច្ចសហការជាម្ចាស់ផ្ទះរបស់កម្ពុជានេះ Que Anh ចែករំលែកថា នាងមិនមែនជាអ្នកដែលដឹងពីបញ្ហារវាងស្ថាប័ន ដូច្នេះហើយទើបនាងមិនហ៊ានបញ្ចេញមតិ។ ប៉ុន្តែ MGI មានភាពស្និទ្ធស្នាលក្នុងការគ្រប់គ្រងបេក្ខជន ដូច្នេះនាងមិនជួបប្រទះបញ្ហាអ្វីទេអំឡុងពេលប្រឡង។

ទន្ទឹមនោះទៀតដែរ នាងបាននិយាយបន្ថែមទៀតថា ពេលនេះខ្លួនកំពុងព្យាយាមទទួលស្គាល់ពីទស្សនិកជន បើទោះជាប្រឈមមុខនឹងការប្រឆាំង បន្ទាប់ពីការឡើងគ្រងមកុដរបស់នាងនៅក្នុងវៀតណាមក៏ដោយ។

ជាចុងក្រោយគេបានចោទសួរនាងអំពីបេក្ខនារីម្នាក់ដែលដកខ្លួនចេញដោយសារតែរងផលប៉ះពាល់ដោយការផ្លាស់ប្តូរទីតាំង Que Anh បាននិយាយថា នាង និងសម្រស់បានសហការជាមួយអ្នករៀបចំដើម្បីសម្របតាមកាលវិភាគថ្មី។ ទោះបីជាតំណាងម្នាក់ជួបប្រទះការលំបាក និងសុំដកខ្លួនក៏ដោយ ក៏អ្នកនៅសេសសល់មិនជួបប្រទះបញ្ហាធំដុំអ្វីឡើយ។

ដោយឡែក សម្ពាធដ៏ធំបំផុតដែល Que Anh កំពុងប្រឈមមុខគឺអ្នកផ្សេងធ្វើបានល្អជាងខ្លួន ហើយនាងក៏កោតសរសើរចំពោះបេក្ខនារីទាំងអស់ក្នុងឆ្នាំនេះ ដែលម្នាក់ៗមានចំណុចខ្លាំង សម្រស់ និងទេពកោសល្យព្រមៗគ្នា គួរឲ្យកត់សម្គាល់៕