ព័ត៌មានជាតិ
កំណាត់ផ្លូវប្រវែងជាង ៩០ ម៉ែត្រ នៅក្រុងបានលុង បើកការដ្ឋានជួសជុលឡើងវិញ
លោក ញ៉ែម សំអឿន អភិបាលខេត្តរតនគិរី កាលពីព្រឹកថ្ងៃអាទិត្យ ទី១៣ ខែតុលា ឆ្នាំ២០២៤ បានចុះបើកការដ្ឋានជួសជុលកំណាត់ផ្លូវលេខ ២៣ ដែលមានប្រវែងជាង ៩០ ម៉ែត្រ ទទឹង ១១ ម៉ែត្រ នៅត្រង់ចំណុចខាងមុខមន្ទីរពេទ្យបង្អែកខេត្តរតនគិរី និងខាងលិចរមណីយដ្ឋានបឹងកន្សែង ទៅតភ្ជាប់និងផ្លូវលេខ ៧៨-៥ ផ្លូវស្រុកអូរជុំ ស្ថិតក្នុងភូមិភ្នំស្វាយ និងភូមិថ្មដា សង្កាត់បឹងកន្សែង ក្រុងបានលុង។
បើតាមមន្ត្រីនៃមន្ទីរសាធារណការ និងដឹកជញ្ជូនខេត្តរតនគិរីបានឲ្យដឹងថា កំណាត់ផ្លូវលេខ ២៣ ដែលបានបើកការដ្ឋានជួសជុលឡើងវិញមានប្រវែង ៩៦ ម៉ែត្រ ទទឹង ១១ ម៉ែត្រ ជាប្រភេទផ្លូវក្រាលកៅស៊ូពីរស្រទាប់ DBST ដែលមន្ទីរសាធារណការនិងដឹកជញ្ជូនខេត្តជាអ្នកជួសជុលស្តារឡើងវិញទាំងស្រុង។
ផ្លូវនេះជួសជុលចាប់ពីខ្ទមលោកតាទៅតភ្ជាប់ផ្លូវលេខ ៧៨-៥ ឆ្ពោះទៅស្រុកអូរជុំ ដែលគ្រោងជួសជុលឲ្យរួចរាល់នៅចុងឆ្នាំ២០២៤។
ហេដ្ឋារចនាសម្ព័ន្ធផ្លូវថ្នល់ជុំវិញក្រុងបានលុង និងនៅតាមបណ្ដាស្រុកទាំង ៨ មានការអភិវឌ្ឍន៍ជាបន្តបន្ទាប់។ ជាក់ស្តែងអាជ្ញាធរខេត្តរតនគិរីបានខិតខំកែលំអរហេដ្ឋារចនាសម្ព័ន្ឋនៅជុំវិញបឹងកន្សែង ដែលជាបេះដូងរបស់ខេត្តរតនគិរី ដើម្បីទាក់ទាញទេសចរមកកម្សាន្តជារៀងរាល់ថ្ងៃ។
ពលរដ្ឋរស់នៅប្របមាត់បឹងកន្សែងសំដែងការសប្បាយរីករាយ ដោយសារកំណាត់ដែលបានបើកការដ្ឋានជួសជុលឡើងវិញនេះត្រូវបានគេទុកចោលយូរឆ្នាំ រងការឌ្រុតឌ្រោមខូចខាតជាខ្លាំង ដោយមានគ្រលុកធំៗពិបាកធ្វើដំណើរ ខណៈរដូវប្រាំងហុយដីចូលផ្ទះពលរដ្ឋជាប្រចាំ។
ពលរដ្ឋសំដែងការអបអរសាទរ និងថ្លែងអំណរអរគុណដល់លោកអភិបាលខេត្តរតនគិរី ដែលបានសម្រេចស្តារនិងជួសជុលកំណាត់ផ្លូវនេះឡើងវិញជាថ្មី៕
ដោយ ៖ វុទ្ធឦសាន
-
ព័ត៌មានអន្ដរជាតិ៦ ថ្ងៃ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
សេដ្ឋកិច្ច៤ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៥ ថ្ងៃ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ៥ ថ្ងៃ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ៦ ថ្ងៃ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ព័ត៌មានអន្ដរជាតិ១៤ ម៉ោង ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ៤ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានជាតិ៥ ថ្ងៃ ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង