សេដ្ឋកិច្ច
ផ្លែមៀនប៉ៃលិនទទួលបានទិន្នផលល្អប្រសើរក្នុងរដូវប្រមូលផលឆ្នាំនេះ
កសិករដាំផ្លែមៀនប៉ៃលិនបានលើកឡើងថា នៅរដូវប្រមូលផលផ្លែមៀនប៉ៃលិនក្នុងខែតុលា ឆ្នាំ ២០២៤ នេះ ទទួលបានទិន្នផលល្អប្រសើរ ដោយសារការថែទាំដិតដល់ និងអាកាសធាតុអំណោយផល។
លោក សួន ជុំ អនុប្រធានសមាគមមៀនប៉ៃលិន ប្រាប់កម្ពុជាថី្មនៅថ្ងៃទី ១៥ ខែតុលា ឆ្នាំ ២០២៤ នេះថា បច្ចុប្បន្នកសិករដាំមៀន បានចាប់ផ្ដើមប្រមូលផលបណ្ដើរៗ នាដើមរដូវនេះ ដែលមានទិន្នផលល្អ ដោយសារបទពិសោធន៍របស់កសិករ និងមានភ្លៀងធ្លាក់ច្រើនដែលអំណោយផលដល់ដំណាំមៀន។
កសិករមួយចំនួនបានលើកឡើងថា ផ្ទៃដីដាំមៀនមួយហិកតា អាចទទួលបានទិន្នផលមៀនប្រមាណ ៣ តោន។
លោក សួន ជុំ បានលើកឡើងថា៖ «ទិន្នផលផ្លែមៀនបើគិតជាហិកតាទទួលបានទិន្នផលប៉ុន្មានមិនអាចប៉ាន់ប្រមាណត្រូវទេ អាស្រ័យលើអាយុកាល ទំហំដើម និងកសិករប៉ិនប្រសព្វដាំមៀន គេគិតចំនួនដើមវិញ ដើមចាប់ពីអាយុ ៨ ឆ្នាំទៅបានវាបានផលច្រើន អាស្រ័យលើបច្ចេកទេសគាត់ធ្វើផង»។
តំណាងក្រុមហ៊ុន ឆាយណា ជីនវ័រយាន និងតំណាងសហគមន៍ផ្លែមៀនប៉ៃលិនបានចុះកិច្ចសន្យាទិញផ្លែមៀនប៉ៃលិនក្នុងតម្លៃ ៣០០០ រៀល ក្នុងមួយគីឡូក្រាម សម្រាប់រដូវកាលថ្មី ឆ្នាំ ២០២៤ ពោលគឺមានតម្លៃទាបជាងឆ្នាំមុនបន្តិច។
លោក សួន ជុំ អនុប្រធានសមាគមមៀនប៉ៃលិនយល់ឃើញថា តម្លៃ ៣០០០ រៀល ក្នុងមួយគីឡូក្រាម អាចទទួលយកបាន ប្រសិនបើកសិករចេះថែទាំមៀនត្រូវតាមក្បួនខ្នាតបច្ចេកទេសនោះគឺកសិករនឹងអាចចំណេញ។
យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ គិតត្រឹមឆមាសទី១ ឆ្នាំ ២០២៤ ការនាំចេញផ្លែមៀនស្រស់របស់កម្ពុជាទៅទីផ្សារអន្តរជាតិ សម្រេចបានជាង ១ ម៉ឺន ៤ ពាន់តោន កើនឡើងជាង ១២០ ភាគរយ គិតជាទឹកប្រាក់ប្រមាណ ២២ លានដុល្លារ បើធៀបនឹងរយៈពេលដូចគ្នាកាលពីឆ្នាំមុន។
នៅក្នុងឆ្នាំ២០២៣ កម្ពុជាបាននាំចេញផ្លែមៀនស្រស់មានបរិមាណសរុបជាង ១៧ ៤៩៧ តោន គិតជាទឹកប្រាក់សរុបចំនួន ២៤,៧៥ លានដុល្លារ៕
អត្ថបទ៖ ឡេង ដេត
-
ព័ត៌មានអន្ដរជាតិ៧ ថ្ងៃ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
សេដ្ឋកិច្ច៥ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៦ ថ្ងៃ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ៦ ថ្ងៃ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ៧ ថ្ងៃ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ព័ត៌មានអន្ដរជាតិ១ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ៤ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានជាតិ៦ ថ្ងៃ ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង