ព័ត៌មានជាតិ
កម្ពុជាបានអនុម័តច្បាប់ និងធ្វើវិសោធនកម្មច្បាប់ណាខ្លះ ពេលក្លាយជាសមាជិកអង្គការពាណិជ្ជកម្មពិភពលោក?
កម្ពុជាបានអនុវត្តកាតព្វកិច្ច និងកម្មវិធីកំណែទម្រង់សំខាន់ៗមួយចំនួន ក្រោយបានចូលជាសមាជិកអង្គការពាណិជ្ជកម្មពិភពលោក (WTO) នៅឆ្នាំ ២០០៤ ដូចជាការកែទម្រង់គោលនយោបាយ ពាណិជ្ជកម្ម និងការរៀបចំច្បាប់និងលិខិតបទដ្ឋានគតិយុត្តនានា ដើម្បីឱ្យរបបពាណិជ្ជកម្មកម្ពុជាមានសង្គតិភាពជាមួយនឹងវិធាននិងគោលការណ៍របស់ WTO ក៏ដូចជាដើម្បីធ្វើឱ្យប្រសើរឡើងនូវបរិយាកាសពាណិជ្ជកម្ម ធុរកិច្ចនិងវិនិយោគក្នុងស្រុក។
ថ្លែងនៅក្នុង “ខួប ២០ ឆ្នាំ នៃកម្ពុជាចូលជាសមាជិកអង្គការពាណិជ្ជកម្មពិភពលោក” កាលពីម្សិលមិញនេះ រដ្ឋមន្រ្តីក្រសួងពាណិជ្ជកម្មកម្ពុជា លោកស្រី ចម និម្មល ក្រៅពីបង្ហាញពីសមិទ្ធផលជាច្រើនដែលកម្ពុជាទទួលបានក្រោយបានក្លាយជាសមាជិកអង្គការពាណិជ្ជកម្មពិភពលោកនៅឆ្នាំ ២០០៤ រដ្ឋមន្រ្តីក្រសួងពាណិជ្ជកម្មកម្ពុជាក៏បានលើកឡើងពាក់ព័ន្ធការអនុវត្តកាតព្វកិច្ច និងកម្មវិធីកំណែទម្រង់សំខាន់ៗ ជាពិសេសពាក់ព័ន្ធការអនុម័តច្បាប់ និងធ្វើវិសោធនកម្មច្បាប់ពាក់ព័ន្ធពាណិជ្ជកម្មក្នុងនោះរួមមាន៖
-ច្បាប់ស្ពីពីសហគ្រាសពាណិជ្ជកម្ម
-ច្បាប់ស្តីពីវិធានពាណិជ្ជកម្ម និងចុះបញ្ជីពាណិជ្ជកម្ម
-ច្បាប់ស្តីពីម៉ាក ពាណិជ្ជនាម និងអំពើនៃការប្រកួតប្រជែងមិនស្មោះត្រង់
-ច្បាប់ស្តីពីម៉ាកសម្គាល់ភូមិសាស្តទំនិញ
-ច្បាប់ស្តីពីវិធានដើមកំណើតទំនិញ
-ច្បាប់ស្តីពីឧបាស្រ័យពាណិជ្ជកម្ម
-ច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិក
-ច្បាប់ស្តីពីវិនិយោគ
-ច្បាប់ស្តីពីប្រតិបត្តិការដែលមានកិច្ចធានា
-ច្បាប់ស្តីពីកិច្ចការពារអ្នកប្រើប្រាស់
-ច្បាប់ស្តីពីការប្រកួតប្រជែង
-ច្បាប់ស្តីពីការរៀបចំអង្គការតុលាការ
-ច្បាប់ស្តីពីមជ្ឈត្តការផ្នែកពាណិជ្ជកម្មជាដើម
ក្រោយចូលជាសមាជិកអង្គការពាណិជ្ជកម្មពិភពលោក (WTO) រដ្ឋមន្រ្តីក្រសួងពាណិជ្ជកម្មបានគូសបញ្ជាក់ថា កម្ពុជាបានអនុវត្តយ៉ាងយកចិត្តទុកដាក់នូវកិច្ចព្រមព្រៀងពហុភាគីទាំងអស់របស់ WTO រួមមាន កិច្ចព្រមព្រៀងទូទៅស្ដីពីពន្ធគយ និងពាណិជ្ជកម្មឆ្នាំ១៩៩៤ (GATT 1994) កិច្ចព្រមព្រៀងទូទៅស្តីពីពាណិជ្ជកម្មសេវាកម្ម (GATS) កិច្ចព្រមព្រៀងស្ដីពីកសិកម្ម AOA) កិច្ចព្រមព្រៀងស្តីពីទិដ្ឋភាពពាក់ព័ន្ធពាណិជ្ជកម្មនិងកម្មសិទ្ធិបញ្ញា (TRIPS) និងកិច្ចព្រមព្រៀងស្ដីពីកិច្ចសម្រួលពាណិជ្ជកម្ម (TFA) ព្រមទាំងលិខិតបទដ្ឋានគតិយុត្តពាក់ព័ន្ធ ក៏ដូចជាការរៀបចំនិងអនុវត្តយុទ្ធសាស្ត្រផ្សេងៗដូច ជាកិច្ចសម្រួលពាណិជ្ជកម្ម និងប្រព័ន្ធបញ្ញរតែមួយជាតិជាដើម៕
-
ព័ត៌មានអន្ដរជាតិ៧ ថ្ងៃ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
សេដ្ឋកិច្ច៥ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៦ ថ្ងៃ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ៦ ថ្ងៃ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ៧ ថ្ងៃ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ព័ត៌មានអន្ដរជាតិ១ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ៤ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានជាតិ៦ ថ្ងៃ ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង