ព័ត៌មានអន្ដរជាតិ
អាមេរិក ទុកពេល៣០ថ្ងៃឲ្យអ៊ីស្រាអែល បង្កើនការផ្តល់ជំនួយមនុស្សធម៌ទៅហ្គាហ្សា បើមិនដូច្នោះ នឹងកាត់ជំនួយយោធា
ដោយមិនអាចស៊ូទ្រាំឈរមើលស្ថានភាពដ៏យ៉ាប់យ៉ឺននៅភាគខាងជើងតំបន់ហ្គាហ្សា សហរដ្ឋអាមេរិក ក៏សម្រេចផ្ញើលិខិតមួយច្បាប់ទៅកាន់អ៊ីស្រាអែល ដោយទុកពេល៣០ថ្ងៃឲ្យសម្ព័ន្ធមិត្តរបស់ខ្លួនមួយនេះ ត្រូវបង្កើនការផ្តល់ជំនួយចូលតំបន់របស់ប៉ាឡេស្ទីន បើមិនដូច្នេះទេខ្លួននឹងកាត់ជំនួយយោធា។
តាមការចុះផ្សាយរបស់ BBC នៅថ្ងៃពុធទី១៦ខែតុលាឆ្នាំ២០២៤, លិខិតនេះ ត្រូវបានរដ្ឋមន្ត្រីក្រសួងការពារជាតិអាមេរិក Lloyd Austin និងរដ្ឋមន្ត្រីការបរទេស Antony Blinken ផ្ញើទៅកាន់រដ្ឋមន្ត្រីការពារជាតិអ៊ីស្រាអែល Yoav Gallant និងរដ្ឋមន្ត្រីក្រសួងកិច្ចការយុទ្ធសាស្ត្រ Ron Dermer។
លិខិតនោះនិយាយថា សហរដ្ឋអាមេរិក បារម្ភខ្លាំងណាស់អំពីស្ថានភាពមនុស្សធម៌ដែលកាន់តែយ៉ាប់យ៉ឺនទៅៗ ខណៈអ៊ីស្រាអែល ច្រានចោលឬរារាំងជិត ៩០%ឯណោះនៃការផ្តល់ជំនួយមនុស្សធម៌ រវាងភាគខាងជើងនិងខាងត្បូងកាលពីខែមុន។
ខ្លឹមសារក្នុងលិខិតនោះបន្តថា «អ៊ីស្រាអែល ត្រូវតែចាប់ផ្តើមធ្វើសកម្មភាពលើវិធានការជាក់ស្តែងមួយចំនួន ដើម្បីជំរុញការផ្គត់ផ្គង់ជំនួយឥឡូវនេះនិងក្នុងរយៈពេល៣០ថ្ងៃ។ បើអ៊ីស្រាអែល មិនធ្វើតាម វាអាចប៉ះពាល់ដល់គោលនយោបាយរបស់សហរដ្ឋអាមេរិក។ អ៊ីស្រាអែល ត្រូវតែបង្កើនការផ្តល់ជំនួយមនុស្សធម៌គ្រប់ទម្រង់នៅទូទាំងតំបន់ហ្គាហ្សា មុនរដូវរងា រួមទាំងការបញ្ជូនរថយន្តដឹកទំនិញយ៉ាងតិច៣៥០គ្រឿងក្នុងមួយថ្ងៃ ឲ្យចូលឆ្លងកាត់ច្រកធំៗទាំងបួន និងច្រកឆ្លងកាត់ទី៥ថ្មី ក៏ដូចជាអនុញ្ញាតឲ្យប្រជាជននៅ al-Mawasi បម្លាស់ទីមកដីគោកផងដែរ»។
មិនត្រឹមប៉ុណ្ណឹង ក្នុងលិខិតនោះ ថែមទាំងដកស្រង់ច្បាប់របស់សហរដ្ឋអាមេរិក ដែលអាចកាត់ជំនួយយោធាដល់ប្រទេសណា ដែលរារាំងការផ្តល់ជំនួយមនុស្សធម៌របស់សហរដ្ឋអាមេរិកទៀតផង។
ជុំវិញរឿងនេះ អ៊ីស្រាអែលក៏កំពុងពិនិត្យបញ្ហាខាងលើយ៉ាងហ្មត់ចត់ដែរ និងមានបំណងដោះស្រាយកង្វល់ដែលលើកឡើង ជាមួយសមភាគីអាមេរិក។
សូមបញ្ជាក់ថា សហរដ្ឋអាមេរិកបានផ្តល់អាវុធ គ្រាប់រំសេវ និងជំនួយផ្សេងទៀត មានតម្លៃជិត១៨ពាន់លានដុល្លារដល់អ៊ីស្រាអែល ចាប់តាំងពីសង្រ្គាមរវាងក្រុមហាម៉ាសនិងអ៊ីស្រាអែល ផ្ទុះឡើងក្នុងខែតុលាឆ្នាំ២០២៣ ដោយជំនួយបែបនេះគឺផ្អែកលើការអនុលោមតាមច្បាប់អន្តរជាតិ និងច្បាប់មនុស្សធម៌អន្តរជាតិ៕
អត្ថបទ៖ សុខ សុវណ្ណ
ចុចអាន៖ ក្រុមហាម៉ាស៖ ក្នុង៨ថ្ងៃ កងទ័ពអ៊ីស្រាអែលសម្លាប់ជនជាតិប៉ាឡេស្ទីនជាង៣០០នាក់នៅហ្គាហ្សា
មនុស្សជាង៦០០០នាក់ត្រូវបានឃុំខ្លួននៅក្នុងបណ្តាញជួញដូរមនុស្សនៅមីយ៉ាន់ម៉ា
អាមេរិកដាក់ទណ្ឌកម្មលើវិស័យប្រេងរុស្ស៊ីកាន់តែធ្ងន់ធ្ងរ ខណៈអ៊ុយក្រែនព្យាយាមបំផ្លាញ
បណ្ឌិត យង់ ពៅ៖ អ្នកមិនទទួលស្គាល់ជ័យជម្នះ ៧មករា ស្មើនឹងគាំទ្ររបបខ្មែរក្រហម និងប្រមាថអាយុជីវិតពលរដ្ឋខ្មែររាប់លាននាក់ដែលស្លាប់នៅក្នុងរបបនេះ
លោក ស្វាយ ស៊ីថា៖ នៅដើមឆ្នាំថ្មីនេះ ព័ត៌មានក្លែងក្លាយបានរីករាលដាលកាន់តែខ្លាំង និងកាន់តែស្មុគស្មាញ ចេញពីក្រុមMMO
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
លោកស្រី ភឿង សកុណា ប្រាប់អាជ្ញាធរខេត្តស្វាយរៀងទប់ស្កាត់ឱ្យបានការប៉ុនប៉ងធ្វើឱ្យវឹកវរក្នុងសង្គមដោយក្រុមប្រឆាំងខុសច្បាប់
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
បណ្ឌិត យង់ ពៅ៖ អ្នកមិនទទួលស្គាល់ជ័យជម្នះ ៧មករា ស្មើនឹងគាំទ្ររបបខ្មែរក្រហម និងប្រមាថអាយុជីវិតពលរដ្ឋខ្មែររាប់លាននាក់ដែលស្លាប់នៅក្នុងរបបនេះ
មនុស្សជាង៦០០០នាក់ត្រូវបានឃុំខ្លួននៅក្នុងបណ្តាញជួញដូរមនុស្សនៅមីយ៉ាន់ម៉ា
អាមេរិកដាក់ទណ្ឌកម្មលើវិស័យប្រេងរុស្ស៊ីកាន់តែធ្ងន់ធ្ងរ ខណៈអ៊ុយក្រែនព្យាយាមបំផ្លាញ
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៧ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍២ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ១ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៣ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ