កីឡា
ឈឿង ល្វៃ អាចអត់បានប្រកួតពានរង្វាន់សម្តេចធិបតីចុងសប្តាហ៍នេះ
កីឡាករប្រដាល់គុនខ្មែរ ឈឿង ល្វៃ ប្រឈមនឹងអត់បានចូលរួមប្រកួតកីឡាយុទ្ធគុនចម្រុះបុរាណខ្មែរពានរង្វាន់សម្តេចធិបតីនាចុងសប្តាហ៍នេះ បន្ទាប់ពីរូបគេបានចាញ់កីឡាករអ៉ីរ៉ង់កាលពីចុងសប្តាហ៍មុន។
ឈឿង ល្វៃ បានបោះបង់ចោលការប្រកួតតំណាងជាតិ ក្នុងព្រឹត្តិការណ៍កីឡាឃីកបុកស៊ីង ជើងឯកអាស៊ី ឆ្នាំ២០២៤ ដែលប្រទេសកម្ពុជាទទួលធ្វើម្ចាស់ផ្ទះពីថ្ងៃទី៨ ដល់ទី១៣ ខែតុលា ដើម្បីទៅប្រកួតគុនខ្មែរឲ្យសង្វៀនឯកជន PNN កាលពីថ្ងៃទី១២ ខែតុលា ឆ្នាំ២០២៤។ រូបគេត្រូវបានកីឡាករអ៉ីរ៉ង់ ម៉ូតេហ្វា សីហ្វីហ្វាត ទាត់ឲ្យខូចជើង និងបោះបង់ចោលការប្រកួតក្នុងទឹកទី៣។
ការខូចជើងនេះមិនមែនជារឿងថ្មីសម្រាប់ ឈឿង ល្វៃ ឡើយ ពោលគឺរូបគេធ្លាប់ត្រូវបានដៃគូទាត់ឲ្យខូចជាច្រើនដងមកហើយ។ ជាក់ស្តែង រូបគេត្រូវបានកីឡាករថៃ សាមី ទាត់ឲ្យខូចជើង។ កីឡាករ Omar ទាត់ឲ្យរូបគេខូចជើងក្នុងការប្រកួតនៅប្រទេសបារាំង និងចុងក្រោយបំផុតខូចជើងដោយកីឡាករអ៉ីរ៉ង់។ វាបានក្លាយជាស្នាមរបួសចាស់ដែលដៃគូងាយទាត់ឲ្យខូច ប្រសិនបើរូបគេមិនប្រើពេលវេលាយូរដើម្បីព្យាបាលឲ្យបានដិតដល់។
ការខូចជើងនេះមុនពេលរូបគេត្រូវប្រកួតក្នុងកម្មវិធីយុទ្ធគុនចម្រុះបុរាណខ្មែរពានរង្វាន់សម្តេចធិបតីក្នុងប្រភេទទម្ងន់៧៥គីឡូក្រាមទៀត។ តាមការផ្គូផ្គងពីគណៈកម្មការរៀបចំការប្រកួតគឺទម្ងន់នេះមាន ឈឿង ល្វៃ, ធឿន ធារ៉ា, ឡៅ ចន្ទ្រា និង ធន់ រិទ្ធី ដែលត្រូវដណ្តើមមេដាយមាស ប្រាក់ និងសំរិទ្ធ។
យ៉ាងណា សហព័ន្ធកីឡាប្រដាល់គុនខ្មែរ និងគណៈកម្មការចំពោះកិច្ចរៀបចំការប្រកួតកីឡាយុទ្ធគុនចម្រុះបុរាណខ្មែរមិនទាន់មានព័ត៌មានផ្លូវការណាមួយពី ឈឿង ល្វៃ ឡើយ។
គណៈកម្មការចំពោះកិច្ចដែលរៀបចំព្រឹត្តិការណ៍ប្រកួតយុទ្ធគុនចម្រុះបុរាណខ្មែរដាក់តាំងបង្ហាញ«អាថ៌កំបាំងយុទ្ធគុនដូនតាខ្មែរ»រយៈពេល៤ថ្ងៃ បង្ហាញសិលាចារឹក ចារប្រវត្តិមហាយុទ្ធគុនបុព្វបុរសដូនតាខ្មែរ។ សូមបងប្អូន ប្រជាពលរដ្ឋមកទស្សនា និងសិក្សាស្វែងយល់នៅពហុកីឡដ្ឋានជាតិអូឡាំពិក ចាប់ពីថ្ងៃទី១៧ ដល់ ២០ ខែតុលា ឆ្នាំ ២០២៤ តទៅ ដោយសេរី។
ព្រឹត្តិការណ៍ប្រកួតយុទ្ធគុនចម្រុះបុរាណខ្មែរ ចាប់ពីថ្ងៃទី១៨-១៩-២០ ខែតុលា ឆ្នាំ២០២៤ មានកីឡាករ និងកីឡាការិនី២៨២នាក់ចូលរួមប្រកួតទាំងវិញ្ញាសាប្រយុទ្ធ និងវិញ្ញាសាសម្តែង។ ជ័យលាភីមេដាយមាសទទួលបានប្រាក់រង្វាន់៣០០០ដុល្លារ មេដាយប្រាក់ទទួលបាន២០០០ដុល្លារ និងមេដាយសំរិទ្ធ១០០០ដុល្លារ។ ជាមួយគ្នានេះ ក៏នឹងមានពានរង្វាន់អត្តពលិកឆ្នើមប្រចាំវិញ្ញាសានីមួយៗដែលទទួលបានពីសម្តេចធិបតីនាយករដ្ឋមន្ត្រីនៃកម្ពុជាថែមទៀត៕
អត្ថបទ៖ វីរបុត្រ
ក្រសួងមហាផ្ទៃឈរលេខ១ ក្នុងការប្រកួតប្រដាល់សកលជើងឯកជាតិឆ្នាំ២០២៤
កម្ពុជាបានអនុម័តស្តង់ដារចំនួន៣៦ដើម្បីលើកកម្ពស់ឧស្សាហកម្មក្នុងស្រុក និងជំរុញការនាំចេញ
ត្រូវតុលាការកូរ៉េហាមផ្ដាច់មិនឲ្យវិលមកអាជីពសម្ដែង Park Yoochun ប្រើជីវិតបែបណាហើយ នាពេលនេះ
ពូទីន ផ្ញើសារឆ្នាំថ្មីឲ្យមេដឹកនាំកូរ៉េខាងជើង សង្ឃឹមថាទំនាក់ទំនងនឹងខ្លាំងជាងមុន
នគរបាលខណ្ឌជ្រោយចង្វារ បង្ក្រាបក្រុមក្មេងទំនើងប្រុស-ស្រី ៧ នាក់ បង្ហោះម៉ូតូតាមផ្លូវសាធារណៈ
ស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
អាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
នាយករដ្ឋមន្ត្រីបញ្ជាឱ្យពិនិត្យធ្វើវិសោធនកម្មច្បាប់រឹតបន្ដឹងលើសកម្មភាពក្មេងទំនើង
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ៧ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម២ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម១៧ ម៉ោង agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ