ព័ត៌មានជាតិ

ស្តង់ធ្វើអត្តសញ្ញាណប័ណ្ណជូនពលរដ្ឋ ក្នុងពិធីបុណ្យអុំទូក នៅខេត្តកំពង់ចាម

បានផុស

៤១ វិនាទី មុន

នៅ

ថ្ងៃពុធ ១៦ តុលា ២០២៤

ដោយ

យោងតាមសេចក្ដីជូនដំណឹងរបស់រដ្ឋបាលខេត្តកំពង់ចាម កាលពីថ្ងៃទី ១៤ ខែតុលា ឆ្នាំ ២០២៤ បានឲ្យស្នងការនគរបាលខេត្តកំពង់ចាម និងមន្ទីរសាធារណការខេត្ត បើកទីតាំងស្តង់ពិព័រណ៍ក្នុងពិធីបុណ្យអុំទូក អកអំបុក សំពះព្រះខែ ដោយបញ្ចូលកម្មវិធីប្ដូរអត្តសញ្ញាណប័ណ្ណហួសសុពលភាព និងថតធ្វើថ្មីដល់អ្នកគ្រប់អាយុ និងប្ដូរប័ណ្ណហួសសុពលភាពដែលចាប់ផ្ដើមនៅព្រឹកថ្ងៃទី ១៦ ខែតុលា ឆ្នាំ ២០២៤ រហូតដល់ថ្ងៃទី ១៨ ខែតុលា ដោយពុំមានគិតប្រាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្ដមសេនីយ៍ត្រី ខេង ស្រេង ស្នងការរងផែនអត្តសញ្ញាណកម្ម នៃស្នងការនគរបាលខេត្តកំពង់ចាម បានឲ្យដឹងថា ដោយមានបញ្ជាពី លោក អ៊ុន ចាន់ដា អភិបាល នៃគណៈអភិបាលខេត្ត និងលោកឧត្ដមសេនីយ៍ទោ ហេង វុទ្ធី ស្នងការនគរបាលខេត្ត បានរៀបចំទីតាំងថតប្ដូរ និងប្ដូរថ្មីនូវអត្តសញ្ញាណប័ណ្ណហួសសុពលភាព និងធ្វើថ្មី ដោយចាប់ផ្ដើមបើកពីម៉ោង ៨ ព្រឹក ដល់ម៉ោង ៥ ល្ងាច រយៈពេល ៣ ថ្ងៃ ហើយពេលចាប់ផ្ដើមនៅថ្ងៃទី ១ ឃើញថា មានប្រជាពលរដ្ឋមកធ្វើយ៉ាងច្រើនកុះករ ដោយពួកគាត់មានទឹកចិត្តសប្បាយរីករាយ ត្រេកអរ និងអរគុណដល់ថ្នាក់ដឹកនាំខេត្តដែលបានជួយសម្រួលការលំបាក៕

អត្ថបទ និងរូបភាព ៖ ឡេក ចាន់ពេជ្រ