ព័ត៌មានជាតិ
អាជ្ញាធរខណ្ឌដូនពេញ ដាក់គ្រឿងចក្រអ៊ុតកៅស៊ូនៅផ្លូវជង្ហុកប្រវែងជាង ៦០ ម៉ែត្រ ក្រោយមានការស្នើសុំពីពលរដ្ឋ
ក្រោយមានការស្នើសុំពីប្រជាពលរដ្ឋឲ្យជួសជុលកំណាត់ផ្លូវលេខ ៥១ ដែលរងការខូចខាតជាច្រើនកន្លែង ពេលនេះ រដ្ឋបាលខណ្ឌដូនពេញ បានបន្តយកចិត្តទុកដាក់ពីបញ្ហាផ្លូវខូច ជង្ហុកសំបុកមាន់ តាមដងផ្លូវតូច-ធំ ក្នុងមូលដ្ឋាន ត្រូវជួសជុលផ្លូវ អ៊ុតកៅស៊ូ ឡើងវិញ ដើម្បីសម្រួលដល់ការធ្វើដំណើររបស់អ្នកដំណើរ និងលើកសោភ័ណភាពតាមដងផ្លូវផងដែរ។
ជាក់ស្ដែងនៅថ្ងៃទី ១៦ ខែតុលា ឆ្នាំ ២០២៤ នេះ លោក ជា ខេមា អភិបាល នៃគណៈអភិបាលខណ្ឌដូនពេញ បានដឹកនាំមន្ត្រីជំនាញពាក់ព័ន្ធ ត្រួតពិនិត្យមើល និងដាក់គ្រឿងចក្រ រៀបចំជួសជុលផ្លូវ អ៊ុតកៅស៊ូ ក្នុងគម្រោងរបស់រដ្ឋបាលខណ្ឌ នៅកំណាត់ផ្លូវលេខ ៥១ ចាប់ពីផ្លូវលេខ ១០៨ ដល់អង្គដួង ដែលមានប្រវែងជាង ៦០ ម៉ែត្រ ស្ថិតក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។
ប្រជាពលរដ្ឋតែងធ្វើដំណើរឆ្លងកាត់តំបន់ខាងលើនេះ មានភាពសប្បាយរីករាយ និងសាទរដល់អាជ្ញាធរមូលដ្ឋាន ដែលយកចិត្តទុកដាក់ពីផលលំបាករបស់ពួកគាត់ ហើយគិតគូរតាំងពីការធ្វើដំណើរ ការរស់នៅ និងសុខសុវត្ថិភាព។
គួរបញ្ជាក់ថា កន្លងមក ប្រជាពលរដ្ឋបានស្នើសុំឲ្យមានការជួសជុលកំណាត់ផ្លូវលេខ ៥១ នេះ ដោយសារផ្លូវនេះខូចខាតជាយូរណាស់មកហើយ តែមិនឃើញអាជ្ញាធរមកជួសជុល ឬ ស្ថាបនាទាល់តែសោះ ធ្វើឲ្យអ្នកដំណើរជួបការលំបាកជាខ្លាំងពេលធ្វើដំណើរ។ បើមានភ្លៀង និងទឹកដក់នៅពេលភ្លៀងធ្លាក់ម្តងៗ គឺ ទឹកក្នុងជង្ហុក អ្នកដំណើរមើលមិនឃើញ ជិះធ្លាក់ជង្ហុកដួលម្តងៗ ទៅហើយ៕
អត្ថបទ ៖ ម៉េង
-
សន្តិសុខសង្គម១ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ១ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
សេដ្ឋកិច្ច៦ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ១ សប្តាហ៍ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ១ សប្តាហ៍ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ព័ត៌មានអន្ដរជាតិ២ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ១ សប្តាហ៍ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ជីវិតកម្សាន្ដ៥ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង