កីឡា

សង្វៀន ONE ជួបវិបត្តិ រហូតកាត់បន្ថយបុគ្គលិក ជាច្រើននាក់

បានផុស

៤ សប្តាហ៍ មុន

នៅ

ថ្ងៃព្រហស្បតិ៍ ១៧ តុលា ២០២៤

ដោយ

ស្ថាប័នប្រដាល់គុនចម្រុះលំដាប់អាស៊ី ONE Championship បានកាត់បន្ថយបុគ្គលិកបន្ថែមទៀតហើយ បន្ទាប់ពីប៉ុន្មានឆ្នាំចុងក្រោយហាក់មានការថយចុះក្នុងការរៀបចំព្រឹត្តិការណ៍ប្រកួតនៅតំបន់អាស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់សារព័ត៌មាន The Straits Times បានបង្ហាញថា ក្រុមហ៊ុនត្រូវកាត់បន្ថយបុគ្គលិកប្រមាណ២០នាក់គិតចាប់ពីពាក់កណ្តាលខែតុលា ឆ្នាំ២០២៤។ បុគ្គលិកទាំងនោះក៏មាននៅការិយាល័យកណ្តាលក្នុងប្រទេសសិង្ហបុរីផងដែរ។ ការកាត់បន្ថយបុគ្គលិកនេះគឺដើម្បីកាត់បន្ថយលើការចំណាយ។

តាមសេចក្តីរាយការណ៍ បុគ្គលិកដែលត្រូវបានកាត់បន្ថយគឺនៅផ្នែកផ្សព្វផ្សាយ ផ្នែកកីឡាអេឡិចត្រូនិក ផ្នែកហិរញ្ញវត្ថុ ទីផ្សារ និងទំនាក់ទំនងសាធារណៈ។ សង្វៀនប្រដាល់ដ៏មានការិយាល័យនៅតាមបណ្តាប្រទេសផ្សេងៗដូចជា នៅទីក្រុងតូក្យូ ឡូសអេនជឺឡេស ញូវយ៉ក ឡុងដ៍ សៀងហៃ មីឡាន បាងកក ម៉ានីល ហ្សាកាតា និង Bengaluru។

យោងលើកិច្ចប្រជុំតាមអនឡាញកាលពីថ្ងៃទី១៦ ខែតុលា លោក Chatri Sityodtong នាយកប្រតិបត្តិ បានប្រកាសពីការកាត់បន្ថយបុគ្គលិកនេះ។ លោកបានសរសេរតាមអីម៉ែលថា ៖«សូមជ្រាប់ថា ថ្នាក់ដឹកនាំ និងខ្ញុំបានធ្វើការសម្រេចចិត្តដ៏លំបាក ជាមួយនឹងការឈឺចាប់បំផុត»។ ការកាត់បន្ថយបុគ្គលិកនេះដោយសារតែស្ថានភាពសេដ្ឋកិច្ចដ៏លំបាក»។

នៅចាំបានថា កាលពីឆ្នាំ២០២០ ពួកគាត់បានកាត់ប្រាក់ខែរបស់បុគ្គលិក ហើយបន្ទាប់មកបានកាត់បន្ថយបុគ្គលិកអស់ប្រមាណ២០%ទៀត៕

ប្រែសម្រួល៖ វីរបុត្រ