ព័ត៌មានជាតិ
លោក ស សុខា៖ ព្រឹត្តិការណ៍ប្រណាំងទូក មិនត្រឹមបង្កភាពសប្បាយប៉ុណ្ណោះទេ តែក៏បានបង្កើតចរន្តសេដ្ឋកិច្ច
ការរៀបចំព្រឹត្តិការណ៍ប្រណាំងទូក មិនត្រឹមតែបង្កភាពសប្បាយរីករាយប៉ុណ្ណោះទេ តែក៏បង្កើតចរន្តសេដ្ឋកិច្ច តាមរយៈការលក់ដូរផលិតផលផ្សេងៗរបស់ប្រជាពលរដ្ឋ ដែលទទួលបានប្រាក់ចំណូលមួយចំនួន។ នេះជាការលើកឡើងរបស់លោក ស សុខា ក្នុងឱកាសអញ្ជើញជាអធិបតីបិទបញ្ចប់នៃកម្មវិធីប្រណាំងទូក ង ខេត្តព្រៃវែង។
លោកឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ បានថ្លែងថា នេះគឺជាព្រឹត្តិការណ៍មួយដ៏អស្ចារ្យសម្រាប់ខេត្តព្រៃវែង ដែលបានបង្កលក្ខណៈ និងភាពសប្បាយរីករាយជូនប្រជាពលរដ្ឋសម្រាប់ខេត្តព្រៃវែងនេះ។ លោក ក៏បានលើកឡើងថា ការរៀបចំព្រឹត្តិការណ៍ប្រណាំងទូក នាពេលនេះមិនត្រឹមតែបង្កភាពសប្បាយរីករាយតែប៉ុណ្ណោះទេ តែវាក៏បង្កើតនៅប្រាក់ចំណូលសេដ្ឋកិច្ចមួយចំនួនដល់អាជីវករ ដែលពួកគាត់លក់ដូរនៅផលិតផលផ្សេងៗនៅក្នុងព្រឹត្តិការណ៍មួយនេះសម្រាប់ប្រជាពលរដ្ឋអញ្ជើញមកលេងកម្សាន្ត គាត់ទិញនូវផលិតផលទាំងអស់នោះ។
ជាការកត់សម្គាល់ នាថ្ងៃទី១៧ ខែតុលា ឆ្នាំ២០២៤ លោក ស សុខា និងលោកស្រី បានអញ្ជើញជាអធិបតីបិទបញ្ចប់នៃកម្មវិធីប្រណាំងទូក ង ខេត្តព្រៃវែង បន្ទាប់ពីបានប្រណាំងរយៈពេល២ថ្ងៃ គឺថ្ងៃទី១៦ និងថ្ងៃទី១៧ ខែតុលា ឆ្នាំ២០២៤ ប្រកបដោយភាពជោគជ័យ។ ពិធីប្រណាំងទូកងខេត្តព្រៃវែងរយៈពេល២ថ្ងៃនេះ មានប្រជាពលរដ្ឋបានមកចូលរួមទស្សនា និងលេងកម្សាន្តជាង ១៣ម៉ឺននាក់។
បើតាមលោក សួន សុម៉ាលីន អភិបាលខេត្តព្រៃវេង ការរៀបចំពិធីប្រណាំងទូកងនេះ ដើម្បីចូលរួមអបអរសាទរថ្ងៃបុណ្យចេញព្រះវស្សា ដែលជាថ្ងៃបុណ្យប្រពៃណីព្រះពុទ្ធសាសនា ក៏ដូចជាការផ្ដល់ជូនដល់ប្រជាពលរដ្ឋទូទាំងខេត្តបានទស្សនាកម្សាន្ត និងសប្បាយរីករាយ។ ម្យ៉ាងវិញទៀត ក៏ដើម្បីជ្រើសរើសទូកង ដែលមានល្បឿនលឿន និងមធ្យម ដើម្បីទៅចូលរួមប្រណាំងនៅក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ដែលនឹងប្រព្រឹត្តទៅនៅរាជធានីភ្នំពេញ នាពេលដ៏ខ្លីខាងមុខ។
ឆ្លងកាត់ការប្រឡងប្រណាំងយ៉ាងស្វិតស្វាញប្រកបដោយស្មារតីសាមគ្គីភាព ភាតរភាព និងការទទូលខុសត្រូវ ក្នុងរយៈពេល២ថ្ងៃនេះ ជាលទ្ធផលនៃការប្រណាំងទូកង ខេត្តព្រៃវែង ឆ្នាំ២០២៤នេះ ទូកទទួលបានចំណាត់ថ្នាក់មាន៖ចំណាត់ថ្នាក់លេខ១ មានចំនួន ៩ទូក (ទូកខ្នាតអន្តរជាតិ ៧ទូក និងទូកខ្នាតវែង ២ទូក) ចំណាត់ថ្នាក់លេខ២ មានចំនួន ២៤ ទូក (ទូកខ្នាតអន្តរជាតិ ១៨ទូក និងទូកខ្នាតវែង ៦ទូក) ចំណាត់ថ្នាក់លេខ៣ មានចំនួន ២១ទូក (ទូកខ្នាតអន្តរជាតិ ១៥ទូក និងទូកខ្នាតវែង ៦ទូក) និងចំណាប់ថ្នាក់លេខ៤ មានចំនួន ៩ទូក (ទូកខ្នាតអន្តរជាតិ ៧ទូក និងទូកខ្នាតវែង ២ ទូក៕
អត្ថបទ៖ សៅ គ្រី
-
សន្តិសុខសង្គម៣ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ព័ត៌មានអន្ដរជាតិ១ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
ជីវិតកម្សាន្ដ៣ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
សេដ្ឋកិច្ច១ សប្តាហ៍ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៤ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ១ សប្តាហ៍ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានអន្ដរជាតិ៧ ថ្ងៃ ago
រកឃើញមនុស្សស្លាប់បន្ថែមទៀត នៅរដ្ឋ Florida ដោយសារព្យុះ Milton
-
ព័ត៌មានអន្ដរជាតិ៧ ថ្ងៃ ago
ព្យុះ Milton ធ្វើឲ្យផ្អើលសត្វក្រពើ ចេញមកតាមផ្លូវក្នុងរដ្ឋ Florida