ព័ត៌មានជាតិ
ក្រុមគ្រូពេទ្យស្ម័គ្រចិត្ត ចុះពិនិត្យ និងព្យាបាលជំងឺពលរដ្ឋឥតគិតថ្លៃ នៅស្រុកចិត្របុរី
លោក សរ ចំរ៉ុង អ្នកតំណាងរាស្ដ្រមណ្ឌលក្រចេះ និងជាអនុប្រធានទី១ក្រុមការងារគណបក្សប្រជាជនកម្ពុជាចុះមូលដ្ឋានខេត្តក្រចេះ នៅថ្ងៃទី២០ ខែតុលា ឆ្នាំ២០២៤ បានអញ្ជើញចុះពិនិត្យផ្ទាល់សកម្មភាពនៃការពិនិត្យព្យាបាលជំងឺជូនពលរដ្ឋ ដោយឥតគិតថ្លៃ ស្ថិតក្នុងភូមិអញ្ចាញ ឃុំដារ ស្រុកចិត្របុរី ខេត្តក្រចេះ។
ការពិនិត្យ និងព្យាបាលជំងឺជូនប្រជាពលរដ្ឋ ដោយឥតគិតថ្លៃ គឺរៀបចំឡើងដោយក្រុមគ្រូពេទ្យស្មគ្រចិត្តរបស់ក្រុមការងាររាជរដ្ឋាភិបាលចុះមូលដ្ឋានខេត្តក្រចេះ ដឹកនាំដោយវេជ្ជបណ្ឌិត សាយ សំបូរ ប្រធានក្រុមគ្រូពេទ្យស្មគ្រ័ចិត្ត មានសហការជាមួយក្រុមគ្រូពេទ្យមន្ទីរសុខាភិបាលនៃរដ្ឋបាលខេត្តក្រចេះ និងសហភាពសហពន្ធ័យុវជនកម្ពុជា (សសយក)។
លោកវេជ្ជបណ្ឌិត សាយ សំបូរ ប្រធានក្រុមគ្រូពេទ្យស្ម័គ្រចិត្ត បានឲ្យដឹងថា ក្រោមដំបូលសន្តិភាពតេជោ បន្តវេនដោយសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានដាក់ចេញការអនុវត្តយុទ្ធសាស្ត្របញ្ចកោណ ដំណាក់កាលទី១។ ផ្ដើមចេញពីយុទ្ធសាស្ត្រនេះ ថ្នាក់ដឹកនាំក្រុមការងាររាជរដ្ឋាភិបាល បានយកចិត្តទុកដាក់ និងចាត់ទុកបញ្ហាសុខទុក្ខ សុខភាព សុខុមាលភាពរបស់ប្រជាជននៅក្នុងខេត្តក្រចេះ និងគ្រប់សហគមន៍មូលដ្ឋាន ជាអទិភាពមួយដែលត្រូវគិតគូរយ៉ាងធំធេង។
លោក បន្តថា ក្រោមការណែនាំរបស់លោករដ្ឋមន្ត្រី នេត្រ ភក្រ្តា ក្រុមគ្រូពេទ្យស្ម័គ្រចិត្ត បានចុះមកជួយពិនិត្យព្យាបាល និងថែទាំសុខភាព ដែលជាទ្រព្យមិនអាចកាត់ថ្លៃបានជូនពុកម៉ែ លោកតា លោកយាយ បងប្អូន រួមចំណែកលើកស្ទួយជីវភាពគ្រួសារ កាត់បន្ថយការចំណាយលើសេវាសុខភាព និងចូលរួមកាត់បន្ថយភាពក្រីក្រ តាមរយៈការលើកកម្ពស់សុខុមាលភាពសង្គម។
មួយវិញទៀត ការងារមនុស្សធម៌នៅថ្ងៃនេះ គឺជាការផ្សារភ្ជាប់ និងលើកកម្ពស់ការផ្ដល់សេវារបស់មណ្ឌលសុខភាព និងមន្ទីរពេទ្យខេត្តក្រចេះ ជាទីតាំងមូលដ្ឋានគ្រឹះ ជានិច្ចកាលនៅកៀកគិតជាមួយពុកម៉ែ បងប្អូន និងរង់ចាំទទួលបម្រើរសេវាសុខភាព ជូនបងប្អូនប្រជាពលរដ្ឋរាល់ថ្ងៃ រាល់ខែ។
លោកវេជ្ជបណ្ឌិត សាយ សំបូរ បានបញ្ជាក់ថា ការផ្ដល់សេវាសុខភាព នៅថ្ងៃនេះ គឺមាន ៣ជាចម្បង៖ ១) ពិនិត្យពិគ្រោះ និងព្យាបាលជំងឺទូទៅមនុស្សចាស់ និងកុមារ ២) ពិនិត្យពិគ្រោះជំងឺធ្មេញ ពិសេសដកធ្មេញ និង៣) ពិនិត្យ និងវាស់ផ្នែក ចែកជូនវ៉ែនតា សម្រាប់មើលជិត និងមើលឆ្ងាយ វះកាត់តូច និងពិនិត្យអេកូស្ត្រីមានផ្ទៃព្រោះ ដែលកម្មវិធីនេះ ប្រព្រឹត្តទៅចាប់ពីម៉ោង ៨:០០នាទីព្រឹក រហូតដល់ម៉ោង ១២:០០នាទីថ្ងៃត្រង់ ថ្ងៃទី២០ ខែតុលា ឆ្នាំ២០២៤ ៕ ដោយ ប្រុញ វិធិន
-
ព័ត៌មានអន្ដរជាតិ៣ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម៥ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៥ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ៦ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ២ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
ព័ត៌មានជាតិ១ សប្តាហ៍ ago
ភ្លៀងមួយមេធំ ធ្វើឱ្យគល់ស្ពានអាកាសចោមចៅផ្លូវជាតិលេខ ៤ លិច និងស្ទះចរាចរណ៍យ៉ាងខ្លាំង
-
សន្តិសុខសង្គម៧ ថ្ងៃ ago
ផ្គររន្ទះបាញ់សម្លាប់ស្ត្រីវ័យ៣០ឆ្នាំម្នាក់ ខណៈកំពុងឃ្វាលគោតាមវាលស្រែ
-
ជីវិតកម្សាន្ដ៣ ថ្ងៃ ago
មិនមែនជាការស្លាប់ធម្មតា ប៉ូលីសបានរកឃើញថ្នាំជាច្រើន ក្នុងបន្ទប់ Liam ដែលមានភាពរញ៉េរញ៉ៃ