ព័ត៌មានជាតិ
តំណាងសភាកម្ពុជា ស្នើសភាកាណាដាជួយគាំទ្ររដ្ឋសភាកម្ពុជា ជាសភាអេឡិចត្រូនិក
ក្នុងជំនួបសភាសង្កេតការណ៍អាយប៉ា នៅទីក្រុងវៀងចន្ទន៍ ប្រទេសឡាវ សមាជិករដ្ឋសភាកម្ពុជា បានស្នើសភាកាណាដា ជួយគាំទ្រដល់រដ្ឋសភាកម្ពុជា ជាសភាអេឡិចត្រូនិក។
ក្នុងក្របខ័ណ្ឌពង្រឹងទំនាក់ទំនងទ្វេភាគី លោក ឃុត ចាន់ដារ៉ា សមាជិករដ្ឋសភា និងជាតំណាងសភាកម្ពុជា បានស្នើដល់សភាកាណាដា ពង្រឹងកិច្ចសហការលើវិស័យដឹកជញ្ជូន ថាមពល និងឌីជីថល តាមរយៈការដាក់វិនិយោគទុន និង ជួយគាំទ្ររដ្ឋសភាកម្ពុជាក្នុងការធ្វើបរិវត្តកម្មទៅជាសភាអេឡិចត្រូនិក ព្រមទាំងជួយវិនិយោគលើវិស័យសេដ្ឋកិច្ច អប់រំ សុខាភិបាល ដើម្បីលើកកម្ពស់សមភាពយេនឌ័រ និងការផ្ដល់ភាពអង់អាចដល់ស្ត្រី។
សម្រាប់ក្របខ័ណ្ឌពហុភាគី សមាជិករដ្ឋសភាកម្ពុជា បានស្នើភាគីកាណាដាសហការជាមួយអាយប៉ា ដើម្បីដោះស្រាយបញ្ហាបម្រែបម្រួលអាកាសធាតុ ហើយខណៈដែលសភាកម្ពុជា នឹងធ្វើជាម្ចាស់ផ្ទះ សម័យប្រជុំពេញអង្គសភាអន្តរជាតិដើម្បីភាពអន់ឱននិងសន្តិភាពលើកទី១១ ពីថ្ងៃទី២៣-២៦ ខែវិច្ឆិកា ឆ្នាំ២០២៤ ខាងមុខនេះ លោក ក៏បានអញ្ជើញគណៈប្រតិភូសភាកាណាដាចូលរួមសម័យប្រជុំពេញអង្គសភាអន្តរជាតិនេះផងដែរ។
ឆ្លើយតបតាមរយៈបទអន្តរាគមន៍ សភាកាណាដា បានលើកឡើងថា កាណាដា នឹងពង្រឹងការតភ្ជាប់ និងការផ្លាស់ប្ដូរជាមួយប្រទេសនៅក្នុងអាស៊ាន តាមរយៈការជំរុញប្រជាជនខ្លួនឱ្យមកធ្វើធុរកិច្ច និងបានប្រាប់អង្គប្រជុំអំពីសន្និសីទរបស់កាណាដានៅក្នុងតំបន់អាស៊ី ដែលនឹងប្រព្រឹត្តទៅនៅខែកុម្ភៈ ឆ្នាំ២០២៥ នៅប្រទេសសិង្ហបុរី។
គួរជម្រាបថា លោក ឃុត ចាន់ដារ៉ា សមាជិកគណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា កាលពីរសៀលថ្ងៃទី២០ ខែតុលា ឆ្នាំ២០២៤ បានអញ្ជើញចូលរួមក្នុងកិច្ចពិភាក្សារវាងអាយប៉ាជាមួយសភាសង្កេតការណ៍អាយប៉ា គឺសភាកាណាដា នៅក្នុងមហាសន្និបាតអាយប៉ាលើកទី៤៥ នៅទីក្រុងវៀងចន្ទន៍ ប្រទេសឡាវ។
កិច្ចប្រជុំមានការចូលរួមដោយគណៈប្រតិភូមកពីសភាប្រទេសព្រុយណេដារូស្សាឡាម កម្ពុជា ឡាវ ម៉ាឡេស៊ី ហ្វីលីពីន សិង្ហបុរី ថៃឡង់ដ៍ និងវៀតណាម និងបានប្រព្រឹត្តទៅដោយមានការធ្វើបទអន្តរាគមន៍ និងពិភាក្សាក្រោមប្រធានបទស្ដីពី “កិច្ចសហប្រតិបត្តិការរបស់សភាដើម្បីឈានឆ្ពោះទៅរកសមាហរណកម្ម និងកំណើនប្រកបដោយបរិយាបន្ន”៕
-
ព័ត៌មានអន្ដរជាតិ៤ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម៦ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៦ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ១ សប្តាហ៍ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ៣ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
សន្តិសុខសង្គម១ សប្តាហ៍ ago
ផ្គររន្ទះបាញ់សម្លាប់ស្ត្រីវ័យ៣០ឆ្នាំម្នាក់ ខណៈកំពុងឃ្វាលគោតាមវាលស្រែ
-
ជីវិតកម្សាន្ដ៤ ថ្ងៃ ago
មិនមែនជាការស្លាប់ធម្មតា ប៉ូលីសបានរកឃើញថ្នាំជាច្រើន ក្នុងបន្ទប់ Liam ដែលមានភាពរញ៉េរញ៉ៃ
-
ព័ត៌មានអន្ដរជាតិ៧ ថ្ងៃ ago
ហេតុអ្វីឆ្នាំនេះ ព្យុះសាហាវៗម្ល៉េះ?