ជីវិតកម្សាន្ដ
Sastra Film និង បាយ័ន ព្រមព្រៀងសហការគ្នាបន្ត ដើម្បីលើកស្ទួយវិស័យភាពយន្ដខ្មែរ
ស្ថានីយទូរទស្សន៍បាយ័ន និងផលិតកម្ម Sastra Film បានព្រមព្រៀងសហការធ្វើការជាមួយគ្នាបន្តទៀត និងបានរៀបចំកម្មវិធីបើកសន្និសិទ្ធសារព័ត៌មានមួយ កាលពីរសៀលម្សិលមិញនេះ ស្តីពីការនាំយកគម្រោងភាពយន្តជីវិតត្រឡប់មកវិញ ដោយមានវត្តមាន លោកស្រី ប៊ុន ចាន់និមល ចាងហ្វាងផលិតកម្មសាស្រ្ដាហ្វ្រីម និងលោកជេមស៍ អ្នកតំណាងប៉ុស្ដិ៍បាយ័ន រួមទាំងសិល្បករជាច្រើនដួងចូលរួម។
បន្ទាប់ពីចាប់ដៃគ្នាក្នុងការផលិតខ្សែភាពយន្តជីវិត តាំងពីឆ្នាំ២០១៩ ស្ថានីយទូរទស្សន៍បាយ័ន នៅតែបន្តគាំទ្រ និងសហការគ្នាបន្ដទៀត ដើម្បីលើកស្ទួយវិស័យភាពយន្ដខ្មែរ ខណៈរយៈពេលជាង ៥ឆ្នាំមកនេះ ផលិតកម្មសាស្រ្ដាហ្វ្រីម បានផលិតភាពយន្ដល្បីៗជាង ៣០០ចំណងជើងមកហើយ។
ក្នុងឱកាសពិធីសម្ពោធរឿង «ភាពយន្ដជីវិត» ដែលរៀបចំនៅផ្សារ K Mall កាលពីរសៀលថ្ងៃទី២០ តុលានេះ លោកស្រីប៊ុន ចាន់និមល បានបញ្ជាក់ថា ស្ថានីយទូរទស្សន៍បាយ័នតែងតែឲ្យឱកាស និងជម្រុញការចាក់បញ្ចាំងភាពយន្ដខ្មែរ ដែល Sastra Film បានផលិតប៉ុន្មានឆ្នាំមកនេះ ដែលសុទ្ធសឹងជារឿងឆ្លុះបង្ហាញពីសង្គមបច្ចុប្បន្ន និងចាក់បញ្ចាំងរៀងរាល់ថ្ងៃច័ន្ទ ពីម៉ោង៩ ដល់ ១០យប់ ។
លោកស្រី បន្ថែមថា បើទោះបីជាបច្ចុប្បន្ន ការផលិតភាពយន្តជីវិត មិនទាន់មានប្រាក់ចំណេញ និងមិនទាន់មានអ្នកឧបត្ថម្ភ (Sponsor) ប៉ុន្តែលោកស្រីយល់ថាកម្មវិធីនេះល្អ មានប្រយោជន៍ទៅដល់សង្គម ជាហេតុដែលសាស្រ្ដាហ្រ្វីម និងស្ថានីយទូរទស្សន៍បាយ័ន បន្តសហការធ្វើយ៉ាងណា ផលិតមាតិកាដែលមានគុណតម្លៃដល់អ្នកទស្សនា។
ម្ចាស់ផលិតកម្មរូបនេះ បង្ហាញជំហរយ៉ាងមុតមាំថា បើទោះជាមិនទាន់មានអ្នកឧបត្ថម្ភ ប៉ុន្តែលោកស្រីយល់ថា រឿង ភាពយន្តជីវិត របស់ Sastra Film មិនគួរបញ្ឈប់ការផលិតទេ គឺត្រូវតែទៅមុខដើម្បីឱ្យអ្នកទស្សនាបានឃើញតម្លៃរឿង និងមានមោទនភាពចំពោះភាពយន្ដខ្មែរ ដែលនិយាយពីជីវិតពិតរបស់តួអង្គ និងសង្គមជាក់ស្ដែង។
តាមរយៈ «ភាពយន្ដជីវិត» សាស្រា្ដហ្វ្រីម តែងផ្តោតលើសាច់រឿងខ្សែជីវិត ការតស៊ូ និងភាពជោគជ័យ ដើម្បីជាមេរៀនជូនទៅអ្នកទស្សនា ក៏ដូចជារំលេចនូវវប្បធម៌ និងលើកស្ទួយឱ្យមានការថែផងដែរ។ តួយ៉ាង ដូចជារឿង តួត្លុក ដែលត្រូវបានសម្ពោធ ក្នុងឱកាសសន្និសិទ្ធសារព័ត៌មាននេះផងដែរ។
កញ្ញា ដួង សុខជា តួឯកសម្ដែងក្នុងសាច់រឿង តួត្លុក បានបញ្ជាក់ថា នេះជារឿងពិតរបស់ខ្លួនដែលរំលេចក្នុង «ភាពយន្ដជីវិត» ស្តីពីជីវិត តស៊ូ ការហាត់រៀនរបាំដើម្បីវប្បធម៌ជាតិ ដែលបង្ហាញពីក្បាច់របាំបុរាណដ៏ល្អ ពីវប្បធម៌ខ្មែរដ៏ផូរផង់ ដោយមានដកស្រង់ពីរបាំអប្សរា និងអត្ថន័យពីជីវិតពិតរបស់អ្នករបាំបុរាណផងដែរ។
សាច់រឿងនេះ ក៏បានឆ្លុះបញ្ចាំងផងដែរ ពីជីវិតពិតរបស់តួអង្គត្លុក លោករិទ្ធ ដារ៉ូ ដែលសុទ្ធសឹងជាហេតុការណ៍ដែលលោកបានជួបផ្ទាល់ក្នុងជិវិតក្រៅឆាករបស់លោក។
ដោយឡែក លោកមុំវណ្ណ ដាវីន ហៅ ជីនអាន់ដេឡា ដៃគូរបស់លោកដារ៉ូ បង្ហាញការយល់ឃើញថា ការដែលផលិតកម្មសាស្រ្ដាហ្វ្រីម និងស្ថានីយទូរទស្សន៍បាយ័ន សហការគ្នានេះ នឹងធើ្វឲ្យភាពយន្ដខ្មែរកាន់តែមានគុណភាពជាងមុន៕
-
ព័ត៌មានអន្ដរជាតិ៤ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម៦ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៦ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ១ សប្តាហ៍ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ៣ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
ព័ត៌មានជាតិ៩ ម៉ោង ago
ខ្យល់មូសុងឦសាន និងសម្ពាធទាបបន្តជះឥទ្ធិពលលើកម្ពុជាដល់ថ្ងៃទី២៣តុលា
-
កីឡា៨ ម៉ោង ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ជីវិតកម្សាន្ដ៤ ថ្ងៃ ago
មិនមែនជាការស្លាប់ធម្មតា ប៉ូលីសបានរកឃើញថ្នាំជាច្រើន ក្នុងបន្ទប់ Liam ដែលមានភាពរញ៉េរញ៉ៃ