ព័ត៌មានជាតិ
រដ្ឋបាលខេត្តមណ្ឌលគិរី៖ រដ្ឋបាលខេត្ត គ្មានគោលការណ៍ចែកដីនៅស្រុកពេជ្រាដា ជូនពលរដ្ឋ ដូចការបំផុសបំផុលឡើយ
តាមរយៈសេចក្ដីបំភ្លឺ រដ្ឋបាលខេត្តមណ្ឌលគិរី បានឱ្យដឹងថា រដ្ឋបាលខេត្តគ្មានគោលការណ៍ណែនាំ ឬទទួលបានការអនុញ្ញាតពីរាជរដ្ឋាភិបាល ដើម្បីបែងចែកដី នៅក្នុងស្រុកពេជ្រាដាជូនប្រជាពលរដ្ឋឡើយ។
រដ្ឋបាលខេត្តមណ្ឌលគិរី ចេញមកបំភ្លឺដូច្នេះ បន្ទាប់ពីកាលពីពេលថ្មីៗ នេះ មានការផ្សព្វផ្សាយបំផុសបំផុលថា មានការបែងចែកដីជូនដល់ប្រជាពលរដ្ឋមកពីតាមបណ្តាខេត្តផ្សេងៗ ដែលមានទីតាំងស្ថិតនៅក្នុង ភូមិវ៉ាល់យោង ឃុំប៊ូស្រា ស្រុកពេជ្រាដា ខេត្តមណ្ឌលគិរី ដោយក្នុង ១គ្រួសារ ទទួលបានដីលំនៅដ្ឋានទំហំ ក្បាលដី ៣០ម៉ែត្រ និងជម្រៅ ៧០ម៉ែត្រ រួមទាំងដឹកសិកម្មចំនួន ០៣ហិកតា ។
នៅក្នុងសេចក្ដីបំភ្លឺ ចុះថ្ងៃទី១៨ ខែតុលា រដ្ឋបាលខេត្តមណ្ឌលគិរី សរសេរដូច្នេះ៖«រដ្ឋបាលខេត្ត សូមជម្រាបជូនថា គ្មានគោលការណ៍ណែនាំ ឬការអនុញ្ញាតពី រាជរដ្ឋាភិបាល ក៏ដូចជាក្រសួង ស្ថាប័នពាក់ព័ន្ធណាមួយ ក្នុងការបែងចែកដីជូនប្រជាពលរដ្ឋនោះទេ។ »។
រដ្ឋបាលខេត្តមណ្ឌលគិរី ចាត់ទុកផ្សាយព័ត៌មានចែកដីជូនពលរដ្ឋនេះ គឺជាចេតនាក្នុងការបំផុសបំផុលពីសំណាក់ក្រុមមេខ្យល់ ក្នុងគោលបំណងបោកប្រាស់ប្រជាពលរដ្ឋស្លូតត្រង់។
រដ្ឋបាលខេត្តភាគឦសានមួយនេះ បានអំពាវនាវដល់ប្រជាពលរដ្ឋ កុំឱ្យចាញ់បោកតាមការសន្យារបស់ក្រុមមេខ្យល់ ដែលនាំឱ្យបងប្អូនប្រជា ពលរដ្ឋ ខាតបង់ទ្យព្យសម្បត្តិ។
បន្ថែមពីការអំពាវនាវ រដ្ឋបាលខេត្ត អះអាងថា ខ្លួននឹងពិនិត្យស្រាវជ្រាវលើករណីនេះ និងចាត់វិធានការផ្លូវច្បាប់ចំពោះជនខិលខូច ក្រុម មេខ្យល់ ដែលបានប្រើប្រាស់វិធីសាស្ត្រ និងល្បិចកលបោកប្រាស់ប្រជាពលរដ្ឋ ។
តាមរដ្ឋបាលខេត្ត ក្នុងពេលបច្ចុប្បន្ន ខេត្តមណ្ឌលគិរី មានដីសម្បទានសង្គមកិច្ច ០១កន្លែង ដែលមានទីតាំងស្ថិតនៅក្នុងស្រុកកោះញែក សម្រាប់ផ្តល់ជូនប្រជាពលរដ្ឋក្រីក្រ និងគ្មានដីពិតប្រាកដ។ក្នុងករណីប្រជាពលរដ្ឋ ខ្វះខាត គ្មានដីពិតប្រាកដ ពលរដ្ឋ អាចដាក់ពាក្យស្នើសុំតាមរយៈ អាជ្ញាធរមូលដ្ឋាន ភូមិ ឃុំ ស្រុក ដើម្បីរដ្ឋបាលខេត្ត ពិនិត្យលទ្ធភាព និងផ្តល់ជូនតាមការជាក់ស្តែង៕
-
ព័ត៌មានអន្ដរជាតិ៤ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម៦ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៦ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ១ សប្តាហ៍ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ៣ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
ព័ត៌មានជាតិ៧ ម៉ោង ago
ខ្យល់មូសុងឦសាន និងសម្ពាធទាបបន្តជះឥទ្ធិពលលើកម្ពុជាដល់ថ្ងៃទី២៣តុលា
-
ជីវិតកម្សាន្ដ៤ ថ្ងៃ ago
មិនមែនជាការស្លាប់ធម្មតា ប៉ូលីសបានរកឃើញថ្នាំជាច្រើន ក្នុងបន្ទប់ Liam ដែលមានភាពរញ៉េរញ៉ៃ
-
ព័ត៌មានអន្ដរជាតិ៧ ថ្ងៃ ago
ហេតុអ្វីឆ្នាំនេះ ព្យុះសាហាវៗម្ល៉េះ?