ព័ត៌មានអន្ដរជាតិ
អតីតប្រធានាធិបតីប៉េរូ ជាប់គុក២០ឆ្នាំពីបទលាងលុយខ្មៅ និងពុករលួយ
តុលាការនៅប្រទេសប៉េរូ បានសម្រេចកាត់ទោសអតីតប្រធានាធិបតី លោក Alejandro Toledo ឲ្យជាប់ពន្ធនាគាររយៈពេល២០ឆ្នាំ និង៦ខែ ពាក់ព័ន្ធនឹងអំពើពុករលួយ និងការលាងលុយខ្មៅ។ នេះបើយោងតាមការចុះផ្សាយរបស់សារព័ត៌មាន BBC នៅថ្ងៃទី២២ខែតុលា។
ព្រះរដ្ឋអាជ្ញា បានប្រកាសថា លោក Toledo បានទទួលសំណូកចំនួន ៣៥លានដុល្លារពីក្រុមហ៊ុនសំណង់ប្រេស៊ីលមួយឈ្មោះថា Odebrecht ជាថ្នូរនឹងការប្រគល់កិច្ចសន្យាឲ្យកសាងផ្លូវមួយខ្សែនៅភាគខាងត្បូងប្រទេស។ ក្រុមហ៊ុនប្រេស៊ីលនេះក៏សារភាពថាធ្លាប់បានចំណាយលុយអស់រាប់លានដុល្លារសូកប៉ាន់មន្ត្រីផ្សេងៗទៀតនៅអាមេរិកឡាទីន និងសហរដ្ឋអាមេរិក ដើម្បីទទួលបានកិច្ចសន្យារដ្ឋាភិបាលផងដែរ។
លោក Toledo វ័យ៧៨ឆ្នាំ បានឡើងកាន់តំណែងជាប្រធានាធិបតីចន្លោះពីឆ្នាំ២០០១ ដល់ឆ្នាំ២០០៦ ហើយលោកត្រូវបានចាប់ខ្លួនកាលពី៥ឆ្នាំមុននៅរដ្ឋកាលីហ្វ័រញ៉ា និងត្រូវបានបញ្ជូនទៅប្រទេសប៉េរូវិញកាលពីឆ្នាំ២០២៣។
លោកស្រីចៅក្រម Ines Rojas បាននិយាយថា ប្រជាជនប៉េរូ បាន «ជឿទុកចិត្ត» លើលោក Toledo ជាប្រធានាធិបតីរបស់ពួកគេក្នុងការចាត់ចែងថវិកាជាតិ ហើយមានទំនួលខុសត្រូវការពារនិងធានាបាននូវភាពត្រឹមត្រូវនៃការប្រើប្រាស់ធនធានទាំងនោះ តែផ្ទុយទៅវិញ លោកបែរជា «បោកប្រាស់រដ្ឋ»។
គួររំឭកថា កាលពីឆ្នាំ២០១៩ អតីតប្រធានាធិបតីម្នាក់ទៀតរបស់ប៉េរូ លោក Alan Garcia បានបាញ់សម្លាប់ខ្លួនឯង នៅពេលដែលប៉ូលិសចុះទៅដល់ផ្ទះបម្រុងចាប់ខ្លួនលោក ទាក់ទិននឹងរឿងស៊ីសំណូកពីក្រុមហ៊ុន Odebrecht។
បច្ចុប្បន្ន អតីតប្រធានាធិបតី២រូបផ្សេងទៀតនៅប៉េរូ គឺលោក Pedro Pablo Kuczynski និងលោក Ollanta Humala ក៏ត្រូវបានកំពុងស៊ើបអង្កេតនៅក្នុងរឿងក្ដីក្រុមហ៊ុន Odebrecht ផងដែរ៕
ដោយ៖ ឈាង
អតីតប្រធានាធិបតីប៉េរូ ជាប់គុក២០ឆ្នាំពីបទលាងលុយខ្មៅ និងពុករលួយ
អាមេរិក បារម្ភខ្លាំង រឿងកូរ៉េខាងជើង បញ្ជូនទាហានទៅជួយរុស្ស៊ី ប្រយុទ្ធជាមួយអ៊ុយក្រែន
ក្រសួងអប់រំណែនាំគណៈគ្រប់គ្រងសាលាត្រូវស្នើសុំអាជ្ញាធរដែនដីដើម្បីលុបបំបាត់បាតុភាពមិនប្រក្រតីនៅតាមសាលារៀន
សម្ពាធទាបចាប់ផ្ដើមបង្កើនឥទ្ធិពលខ្លាំងលើខ្យល់មូសុងឦសាន នឹងធ្វើឲ្យកម្ពុជាមានភ្លៀងធ្លាក់ដល់ថ្ងៃទី២៤តុលា
អ៊ីស្រាអែល វាយប្រហារក្បែរមន្ទីរពេទ្យលីបង់ សម្លាប់មនុស្សបន្ថែមទៀត
ទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
សង្គ្រាមលោកលើកទី៣លេចឡើងស្ទង់ៗ
តាមពិត Kan ផ្ទុករឿងអាស្រូវច្រើនសន្ធឹក ខណៈដែលមហាជនសម្រុកជីកកកាយឡើងវិញ
អ្នកជំនាញអះអាងថា ទីផ្សារអចលទ្រព្យចាប់ផ្ដើមកម្រើកឡើងវិញ ខណៈតម្លៃធ្លាក់ចុះ
-
ព័ត៌មានអន្ដរជាតិ៥ ថ្ងៃ agoអ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម១ សប្តាហ៍ agoនគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ១ សប្តាហ៍ agoភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ១៧ ម៉ោង agoទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
ព័ត៌មានអន្ដរជាតិ៤ ថ្ងៃ agoប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
កីឡា២៤ ម៉ោង agoម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ព័ត៌មានអន្ដរជាតិ១៥ ម៉ោង agoសង្គ្រាមលោកលើកទី៣លេចឡើងស្ទង់ៗ
-
ព័ត៌មានជាតិ១ ថ្ងៃ agoខ្យល់មូសុងឦសាន និងសម្ពាធទាបបន្តជះឥទ្ធិពលលើកម្ពុជាដល់ថ្ងៃទី២៣តុលា