ជីវិតកម្សាន្ដ
ជនរងគ្រោះ៥រូបបន្ថែមទៀត ប្តឹង Diddy ថាបានរំលោភសេពសន្ថវៈកាលនៅអាយុ១៣ឆ្នាំ
ស្ត្រីបីនាក់ទៀតនិងបុរសពីរនាក់ បានដាក់ពាក្យប្ដឹងចោទប្រកាន់ថា Diddy រំលោភផ្លូវភេទលើពួកគេ។ ស្ត្រីម្នាក់បាននិយាយថា នាងមានអាយុ ១៣ឆ្នាំនៅពេលដែល Diddy រំលោភនាងក្នុងឆ្នាំ ២០០០។
បណ្តឹងថ្មីចំនួនប្រាំត្រូវបានដាក់ប្តឹង Sean Diddy Combs ដោយចោទប្រកាន់អ្នករ៉េបរូបនេះ ពីបទរំលោភផ្លូវភេទ ឬបង្ខិតបង្ខំពួកគេចាប់តាំងពីឆ្នាំ ២០០០ ដល់ឆ្នាំ ២០២២។ យ៉ាងណា អត្តសញ្ញាណទាំងអស់ត្រូវបានរក្សាទុកជាសម្ងាត់ ដោយយោងតាមឯកសារដែលទទួលបានដោយ PEOPLE បណ្ដឹងត្រូវបានបញ្ជូនទៅតុលាការនៅថ្ងៃទី ២០ ខែតុលា។ បុរសម្នាក់ក្នុងចំណោមមនុស្សប្រុសស្រីបីនាក់ បានចោទប្រកាន់ Diddy ពីបទប្រើប្រាស់ថ្នាំញៀនមុនពេលប្រព្រឹត្តអំពើថោកទាប។
ស្ត្រីម្នាក់បាននិយាយថា នៅឆ្នាំ ២០០០ នាងមានអាយុ ១៣ឆ្នាំ ហើយបានចូលរួមពិធីជប់លៀងនៅផ្ទះ Diddy ក្នុងទីក្រុង New York បន្ទាប់ពីពិធីប្រគល់ពានរង្វាន់វីដេអូតន្ត្រី។ មុនពេលចូលរួមពិធីជប់លៀង នាងត្រូវចុះហត្ថលេខាលើកិច្ចព្រមព្រៀងសម្ងាត់មួយ ហើយត្រូវបានផ្តល់ភេសជ្ជៈ ដែលក្រោយមកនាងបានរកឃើញថាមានផ្ទុកសារធាតុញៀន។
ជនរងគ្រោះបាននិយាយទៀតថា តារារ៉េបបានចូលទៅជិតនាង ហើយមើលនាងដោយភ្នែកឆ្កួត រួចនិយាយថា “តើអ្នកត្រៀមខ្លួនដើម្បីចូលរួមពិធីជប់លៀងទេ?” នាងបាននិយាយថា នាងត្រូវបានចាប់រំលោភដោយតារាម្នាក់ដែលនាងមិនស្គាល់ឈ្មោះក៏បានចូលរួមពិធីជប់លៀងរបស់ Diddy មុនពេលដែលតារារ៉េបរូបនេះចាប់រំលោភនាងនៅចំពោះមុខតារាស្រីម្នាក់ទៀត។
ស្ត្រីពីរនាក់ដែលនៅសេសសល់ក៏បានចោទប្រកាន់ Diddy ថា បានចាប់រំលោភពួកគេនៅផ្ទះរបស់ពួកគេនៅ Las Vegas និង Los Angeles បន្ទាប់ពីពួកគេត្រូវបានប្រើប្រាស់គ្រឿងញៀន។ បុរសម្នាក់ក្នុងចំណោមបុរសពីរនាក់ដែលទើបដាក់ពាក្យបណ្ដឹងក៏បាននិយាយដែរថា Diddy និងតារាម្នាក់បានចាប់រំលោភគាត់ បន្ទាប់ពីប្រើប្រាស់ថ្នាំញៀន។ ម្នាក់ទៀតបាននិយាយថា ពួកគេត្រូវបានអ្នករ៉េបម្នាក់នេះដើរលេងក្នុងពិធីជប់លៀងមួយក្នុងទីក្រុង Los Angeles។
ជនរងគ្រោះថ្មីទាំងអស់ បន្តតំណាងដោយមេធាវីដ៏ល្បីល្បាញ Tony Buzbee ។ គាត់ក៏ជាអ្នកតំណាងឲ្យស្ត្រីជាច្រើនដែលពីមុនជាជនរងគ្រោះរបស់ Diddy ។ មុនពេលត្រូវបានចាប់ខ្លួននៅថ្ងៃទី ១៧ ខែកញ្ញា ផ្ទះរបស់ Diddy នៅ Los Angeles និង Florida ត្រូវបានឆែកឆេរ៕
អត្ថបទ៖ សាង ស្រីល័ក្ខ
ចុចអាន៖Selena ឲ្យលុយអ្នកសុំទាន២០ដុល្លារ តែត្រូវគេរិះគន់ថាគំរិះ ខណៈខ្លួនជាមហាសេដ្ឋី
-
ព័ត៌មានអន្ដរជាតិ៥ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម១ សប្តាហ៍ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ១ សប្តាហ៍ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ១៩ ម៉ោង ago
ទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
ព័ត៌មានអន្ដរជាតិ៤ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
កីឡា១ ថ្ងៃ ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ព័ត៌មានអន្ដរជាតិ១៧ ម៉ោង ago
សង្គ្រាមលោកលើកទី៣លេចឡើងស្ទង់ៗ
-
ជីវិតកម្សាន្ដ២០ ម៉ោង ago
តាមពិត Kan ផ្ទុករឿងអាស្រូវច្រើនសន្ធឹក ខណៈដែលមហាជនសម្រុកជីកកកាយឡើងវិញ