អាជ្ញាធរខណ្ឌមានជ័យចុះបង្ក្រាបទីតាំងល្បែង​ស៊ីសងខុសច្បាប់មួយកន្លែងឃាត់ខ្លួនមនុស្ស​៥នាក់

កម្លាំងគណៈបញ្ជាការឯកភាពខណ្ឌមានជ័យ ចុះបង្ក្រាបទីតាំងអ៊ីនធឺណេតបង្កប់ល្បែងស៉ីសងខុសច្បាប់មួយកន្លែង ឃាត់ខ្លួនមនុស្សប្រុសស្រី៥នាក់ និងដកហូតសម្ភារៈមួយចំនួន។

ប្រតិបត្តិការបង្ក្រាបទីតាំងល្បែងស៉ីសងនេះបានធ្វេីឡេីងកាលពីព្រឹកថ្ងៃទី២២​ ខែតុលា​ ឆ្នាំ២០២៤​ នៅភូមិក្បាលទំនប់​ សង្កាត់បឹងទំពុន​២​ ខណ្ឌមានជ័យ រាជធានីភ្នំពេញ។

តាមប្រភពព័ត៌មានបានឱ្យដឹងថា​ ដោយទទួលព័ត៌មានសម្ងាត់ពីប្រជាពលរដ្ឋបានរាយការណ៍ថា​ ទីតាំងខាងលេីបាន​លួច​បេីកល្បែងស៉ីសងដោយខុសច្បាប់ទេីបកម្លាំងអាជ្ញាធរចុះសេីបអង្កេតស្រាវជ្រាវរហូតឈានទៅដល់ការចុះបង្ក្រាបជាក់ស្តែងតែម្តង។ ក្នុងរង្វង់ប្រតិបត្តិការខាងលេីកម្លាំងអាជ្ញាធរ​ បានឃាត់ខ្លួនមនុស្សប្រុសស្រី៥នាក់​ ក្នុងនោះស្រី២នាក់​ និងដកហូតកុំព្យូទ័រចំនួន១០គ្រឿង​ យកទៅរក្សាទុករង់ចាំចាត់ការតាមនីតិវិធី៕

អត្ថបទ៖ សុខា