ព័ត៌មានអន្ដរជាតិ
សិង្ហបុរីនឹងផ្តល់អាជ្ញាប័ណ្ណ ៣០ ឆ្នាំ លើការនាំចូលថាមពលបញ្ចេញកាបូនតិច
ប្រធាននិយតករថាមពលរបស់សិង្ហបុរី បានឱ្យដឹងនៅថ្ងៃពុធនេះថា ប្រទេសសិង្ហបុរីបានត្រៀមផ្តល់អាជ្ញាប័ណ្ណនាំចូលរយៈពេល ៣០ ឆ្នាំ ដល់ក្រុមហ៊ុនដែលវិនិយោគរាប់ពាន់លានដុល្លារក្នុងគម្រោងថាមពលបញ្ចេញកាបូនតិច។
នាយកប្រតិបត្តិនៃអាជ្ញាធរទីផ្សារថាមពលសិង្ហបុរី លោក Puah Kok Keong បានថ្លែងក្នុងវេទិកាសប្ដាហ៍ថាមពលអន្តរជាតិសិង្ហបុរី ថា៖ «វានឹងត្រូវចំណាយប្រាក់អស់រាប់ពាន់លានដុល្លារ ដើម្បីបង្កើតស្ថានីយផលិតអគ្គិសនីពីថាមពលពន្លឺព្រះអាទិត្យ និងអង្គផ្ទុកថាមពលដ៏ធំៗទាំងនេះ ឱ្យត្រូវនឹងការផ្គត់ផ្គង់ថាមពល»។ លោកបានបន្ថែមថា ការពង្រាយបណ្ដាញខ្សែកាបថាមពលដើម្បីតភ្ជាប់សិង្ហបុរីជាមួយប្រទេសផ្សេងទៀត ក៏នឹងត្រូវចំណាយប្រាក់ច្រើនផងដែរ។
លោក Puah បានថ្លែងបន្តថា៖ «ពីភាគីសិង្ហបុរី យើងបានរៀបចំផ្តល់អាជ្ញាប័ណ្ណនាំចូលរយៈពេលវែងសមរម្យ គឺរយៈពេល ៣០ ឆ្នាំ សម្រាប់ក្រុមហ៊ុនដែលបានវិនិយោគក្នុងគម្រោងនេះ ពីព្រោះយើងយល់ពីការវិនិយោគជាមុនខ្ពស់ និងពេលវេលាដែលត្រូវការ ដើម្បីទាញយកដើមទុនរបស់អ្នកមកវិញ»។
គួរគូសបញ្ជាក់ថា សិង្ហបុរីមានផែនការនាំចូលអគ្គិសនីបញ្ចេញកាបូនតិចចំនួន ៦ ជីហ្គាវ៉ាត់ (GW) នៅឆ្នាំ ២០៣៥ ហើយកន្លងមក បានផ្តល់ការអនុម័តតាមលក្ខខណ្ឌសម្រាប់គម្រោងចំនួន ១០ នៅក្នុងប្រទេសអូស្ត្រាលី កម្ពុជា ឥណ្ឌូណេស៊ី និងវៀតណាម៕
-
ព័ត៌មានអន្ដរជាតិ៦ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
ព័ត៌មានអន្ដរជាតិ២ ថ្ងៃ ago
ទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
ព័ត៌មានអន្ដរជាតិ៥ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
កីឡា២ ថ្ងៃ ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ជីវិតកម្សាន្ដ២ ថ្ងៃ ago
តាមពិត Kan ផ្ទុករឿងអាស្រូវច្រើនសន្ធឹក ខណៈដែលមហាជនសម្រុកជីកកកាយឡើងវិញ
-
ព័ត៌មានអន្ដរជាតិ២ ថ្ងៃ ago
សង្គ្រាមលោកលើកទី៣លេចឡើងស្ទង់ៗ
-
ព័ត៌មានជាតិ២ ថ្ងៃ ago
ខ្យល់មូសុងឦសាន និងសម្ពាធទាបបន្តជះឥទ្ធិពលលើកម្ពុជាដល់ថ្ងៃទី២៣តុលា
-
ព័ត៌មានអន្ដរជាតិ៤ ម៉ោង ago
មិនទាន់ឡើងកាន់អំណាចផង អ្នកស្នងតំណែងមេក្រុមហេសបូឡា ត្រូវអ៊ីស្រាអែល សម្លាប់បាត់ទៅហើយ