ព័ត៌មានអន្ដរជាតិ

BRICS ចេញសេចក្តីថ្លែងការណ៍មានការចរចាឡើងវិញនូវកម្មវិធីនុយក្លេអ៊ែរអ៊ីរ៉ង់

បានផុស

២ នាទី មុន

នៅ

ថ្ងៃព្រហស្បតិ៍ ២៤ តុលា ២០២៤

ដោយ

មេដឹកនាំសំខាន់ៗនៃប្រទេសសមាជិក BRICS បានអំពាវនាវឱ្យមានការបន្តឡើងវិញនៃការចរចាផែនការសកម្មភាពដ៏ទូលំទូលាយរួម (JCPOA) ស្តីពីកម្មវិធីនុយក្លេអ៊ែររបស់អ៊ីរ៉ង់ ដែលបច្ចឹមប្រទេសតែងតែប្រឆាំង និងដាក់ទណ្ឌកម្មសេដ្ឋកិច្ចអ៊ីរ៉ុងមិនឲ្យងើបរួច។

លោក វ៉្លាឌីមៀ ពូទីន ដឹកនាំកិច្ចប្រជុំកំពូល BRICS នៅក្នុងទឹកដីរុស្ស៊ី។ Kremlin

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហរដ្ឋអាមេរិកបានបដិសេធជាឯកតោភាគីកាលឆ្នាំ២០១៨ក្នុងរដ្ឋបាលរបស់លោកប្រធានាធិបតីដូណាល់ ត្រាំ ចំពោះការបន្តការចរចាកម្មវិធីនុយក្លេអ៊ែររបស់អីរ៉ង់ដែលជាសត្រូវធំបំផុតរបស់អ៊ីស្រាអែល។

ប្រទេសមហាអំណាចមួយចំនួនរួមទាំងសហរដ្ឋអាមេរិក បានសម្រេចកិច្ចព្រមព្រៀងនុយក្លេអ៊ែរដ៏កម្រមួយជាមួយអ៊ីរ៉ង់លើកការរឹតត្បិតអ៊ីរ៉ង់កម្មវិធីនុយក្លេអ៊ែរ ជាថ្នូរនឹងការលើកលែងទណ្ឌកម្មសេដ្ឋកិច្ចសម្រាប់ប្រទេសនៅឈូងសមុទ្រពែរ៍មួយនេះ។

កិច្ចព្រមព្រៀង JCPOA សម្រេចបានក្នុងឆ្នាំ២០១៥ ក្នុងរដ្ឋបាលរបស់អតីតប្រធានាធីបតី បារ៉ាក់ អូបាម៉ា ប៉ុន្តែសហរដ្ឋអាមេរិកបានដកខ្លួនចេញជាឯកតោភាគីក្នុងឆ្នំា២០១៨ ក្នុងរដ្ឋបាលរបស់អតីតប្រធានាធបតី ដូណាល់ ត្រាំ ដោយចោទប្រកាន់អ៊ីរ៉ង់នៅតែបន្តកម្មវិធីអាវុធរបស់ខ្លន ហើយឥទ្ធិពលខាងក្រៅមិនអាចទប់ស្គាត់អ៊ីរ៉ង់លើកម្មវិធីនោះទេ។ អ៊ីរ៉ង់ក៏ចាប់ផ្តើមកម្មវិធីអាវុធឡើងវិញ ចាប់តាំងពីឆ្នាំនោះមក។ នេះបើយោងតាម Council on Foreign Relations ដែលជាអង្គការអន្តរជាតិវិភាគលើទំនាក់ទំនងអន្តរជាតិ។

ស្ថិតក្រោមលក្ខខ័ណ្ឌ JCPOA អ៊ីរ៉ង់យល់ព្រមរំសាយកម្មវិធីនុយក្លេអ៊ែរភាគច្រើនរបស់ខ្លួន និងបើកឱ្យមានការចុះត្រួតពិនិត្យពីអន្តរជាតិកាន់តែច្រើនឡើង ជាថ្នូរសំខាន់បំផុតសម្រាប់ការទទួលបានការលើកលែងការដាក់ទណ្ឌកម្មសេដ្ឋកិច្ចដែលមានតម្លៃរាប់ពាន់លានដុល្លារ។

យោងតាមការចុះផ្សាយរបស់រ៉យទ័រ មេដឹកនាំនិងតំណាងនៃប្រទេសយ៉ាងហោចណាស់៣៧ បានទៅចូលរួមកិច្ចប្រជុំកំពូល BRICS នៅប្រទេសរុស្ស៊ីក្នុងឆ្នាំនេះ ដែលធ្វើឲ្យរុស្ស៊ីហាក់មានមុខមាត់យ៉ាងខ្លាំងក្នុងការទប់ទល់ភាពអាម៉ាស់ដែលបង្កើតឡើងដោយលោកខាងលិចចំពោះខ្លួនក្នុងរយៈពេលជិត៣ឆ្នាំចុងក្រោយនេះ៕