វៀតណាម ត្រៀមចេញច្បាប់ចរាចរណ៍ថ្មី, អ្នកមិនគោរពភ្លើងស្តុបក្រហម ពិន័យ ២៣៦ដុល្លារ

តាមការចុះផ្សាយរបស់ VN Express កាលពីថ្ងៃពុធទី២៣ខែតុលាឆ្នាំ២០២៤ ប្រទេសវៀតណាម គ្រោងចេញច្បាប់ចរាចរណ៍ថ្មីដែលដាក់ពិន័យរឹតតែធ្ងន់ ចំពោះអ្នកជិះម៉ូតូមិនគោរពភ្លើងស្តុបក្រហម ពោលគឺនឹងពិន័យជាប្រាក់រហូតដល់ទៅ ៦លានដុងឬ ២៣៦ដុល្លារឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សំណើច្បាប់ថ្មីនេះ ត្រូវគេមើលឃើញថាជាវិធានការក្តៅ ព្រោះតាមច្បាប់បច្ចុប្បន្ន អ្នកជិះម៉ូតូល្មើសភ្លើងសញ្ញាចរាចរណ៍ ទទួលពិន័យជាទឹកប្រាក់ត្រឹមចន្លោះពី ៨០ម៉ឺនទៅ១លានដុងប៉ុ​ណ្ណោះ ​ហើយបើប្រៀបជាមួយនឹងទំហំនៃការពិន័យក្នុងសំណើថ្មីនេះ វាគឺលើសគ្នាដល់ទៅ៦ដងឯណោះ។

ចំពោះអ្នកបើកបររថយន្តវិញ ការដែលល្មើសភ្លើងសញ្ញាចរាចរណ៍ ក៏នឹងត្រូវពិន័យជាប្រាក់ចន្លោះពី៩ទៅ១១លានដុងផងដែរ ខណៈបច្ចុប្បន្នពិន័យត្រឹមពី ៤ទៅ៦លានដុងប៉ុណ្ណោះ។

សូមបញ្ជាក់ថា ការបើកបរមិនគោរពភ្លើងស្តុបក្រហម គឺជាបទល្មើសកើតឡើងញឹកញាប់បំផុត ជាពិសេសនៅទីក្រុងហាណូយតែម្តង ហើយករណីនេះ​ច្រើន​កើត​ឡើង​នៅ​ពេល​ព្រឹក​ព្រលឹមនិងពេល​យប់ ព្រោះតែមិនមានប៉ូលិសចរាចរណ៍៕

អត្ថបទ៖ សុខ សុវណ្ណ

ចុចអាន៖ ឃាត់ខ្លួនមន្ត្រីនគរបាលម្នាក់រួមទាំងបក្ខពួក ដក​ហូតគ្រឿងញៀនជាង៥គីឡូ ក្នុងយុទ្ធនាការរឹតបន្តឹងច្បាប់ចរាចរណ៍ផ្លូវគោក