កីឡា
លោកគ្រូ ភា សុភ័ក្ត្រា ផ្តាំទៅអាជ្ញាកណ្តាល ឃិន ឧសីហា ក្រោយទទួលពិន័យ
លោក ភា សុភ័ក្ត្រា គ្រូបង្វឹករបស់សមាគមបាល់ទាត់កងយោធពលខេមរភូមិន្ទ (Tiffy Army FC) បានយល់ព្រមទទួលយកការដាក់ពិន័យ និងសម្រេចបន្តចូលរួមប្រកួតក្នុងលីគបាល់ទាត់កំពូលកម្ពុជាវិញ បន្ទាប់ពីក្លិបបានជំទាស់នឹងការពិន័យ ក្រោយលោកអាជ្ញាកណ្តាលកាត់សេចក្តីមិនត្រឹមត្រូវ។
កាលពីល្ងាចថ្ងៃទី២៣ ខែតុលា ឆ្នាំ២០២៤ ក្លិបបាល់ទាត់ Tiffy Army បានចេញសេចក្តីប្រកាសព័ត៌មានជាផ្លូវការមួយថា ៖«បន្ទាប់ពីការដាក់ពាក្យបណ្ដឹងឧទ្ធរណ៍ និងកិច្ចប្រជុំជាមួយសហព័ន្ធកីឡាបាល់ទាត់ ព្រមទាំងគណៈកម្មការវិន័យរបស់សហព័ន្ធកីឡាបាល់ទាត់កម្ពុជាជាច្រើនលើកមក ថ្នាក់ដឹកនាំសមាគមកីឡាបាល់ទាត់កងយោធពលខេមរភូមិន្ទ បានសម្រេចចិត្តបន្តការប្រកួតតាមកាលវិភាគរបស់ក្រុមហ៊ុនលីគកម្ពុជា និងយល់ព្រមទទួលយកតាមការពិន័យមកលើគ្រូបង្គោល កីឡាករ និងមន្ត្រីរបស់សមាគកីឡាបាល់ទាត់កងយោធពលខេមរភូមិន្ទ ដោយឈរលើស្មារតី រួមគ្នាអភិវឌ្ឍវិស័យកីឡាបាល់នៅកម្ពុជាយើង»។
ក្លិបបានបន្ថែមថា ៖«សមាគមកីឡាបាល់ទាត់កងយោធពលខេមរភូមិន្ទ សូមសំណូមពរដល់បងប្អូនអ្នកគាំទ្រ ទាំងអស់សូមបន្តការគាំទ្រ វិស័យបាល់ទាត់កម្ពុជា យើងឲ្យកាន់តែខ្លាំងឡើងបន្ថែមទៀត»។
នៅថ្ងៃទី២៤ ខែតុលា ឆ្នាំ២០២៤នេះ លោក ភា សុភ័ក្ត្រា បានសរសេរសារត្រងទៅកាន់លោកអាជ្ញាកណ្តាល ឃិន ឧសីហា ដោយមានខ្លឹមសារថា ៖«សូមលោក សីហា រៀនសូត្របន្ថែម និងចងចាំកំហុសមួយនេះ ហើយកុំបង្ខំឲ្យគ្រូដទៃបញ្ចេញកាយវិការមិនល្អដូចខ្ញុំ។ អរគុណសហព័ន្ឋបាល់ទាត់ និងក្រុមហ៊ុន CPL ដែលបានកាត់បន្ថយការពិន័យចំពោះខ្ញុំ»។
សូមរម្លឹកថា ការប្រកួតវាង Tiffy Amry និង វិសាខា កាលពីថ្ងៃទី២៨ ខែកញ្ញា ឆ្នាំ២០២៤ នៅស្តាតចាស់ បញ្ចប់ទៅដោយភាពចម្រូងចម្រាសខ្លាំងដោយលោកអាជ្ញាកណ្តាល ឃិន ឧសីហា បានធ្វើឲ្យមានកំហុសឆ្គង២យ៉ាង។ ទី១ បាល់ប៉ះដៃរបស់កីឡាករវិសាខាខ្លួនឯង ប៉ុន្តែអាជ្ញាកណ្តាលផ្តល់ពិន័យ១១ម៉ែត្រទៅវិសាខា និងទី២បាន Offside តែអាជ្ញាកណ្តាលផ្តល់គ្រាប់បាល់ទៅវិសាខា ដែលបញ្ចប់ការប្រកួត វិសាខា ឈ្នះ ៣-១។
ការប្រកួតនោះបានជំរុញឲ្យគ្រូ ភា សុភ័ក្ត្រា កីឡាករ និងមន្ត្រីក្លិប Tiffy Army បង្ហាញកាយវិការប្រឆាំង និងតវ៉ាខ្លាំង។ កាយវិការតវ៉ាទាំងនោះទទួលបានកាតក្រហមជាច្រើនថែមទៀត។
ក្រោយមក សហព័ន្ធកីឡាបាល់ទាត់កម្ពុជាបានទទួលកំហុសគឺអាជ្ញាកណ្តាលពិតជាកាត់សេចក្តីមិនត្រឹមត្រូវមែន។ យ៉ាងណា កាយវិការ និងការតវ៉ារបស់ក្លិប Tiffy Army នៅតែត្រូវពិន័យដដែល ប៉ុន្តែមានការបន្ធូរបន្ថយច្រើន។
តាមសេចក្តីសម្រេចនៅថ្ងៃទី១១ ខែតុលា ឆ្នាំ២០២៤ លោក ភា សុភ័ក្ត្រា ត្រូវពិន័យមិនឲ្យដឹកនាំការប្រកួតចំនួន១៥លើក និងពិន័យជាប្រាក់២លានរៀល ប៉ុន្តែមានការបន្ធូរបន្ថយដោយត្រូវអនុវត្តជាក់ស្តែងតែ៥ប្រកួតដំបូង។
កីឡាករ ជឿន ណាចា ត្រូវពិន័យមិនឲ្យលេង៤ប្រកួត និងប្រាក់២៥ម៉ឺនរៀល ប៉ុន្តែបន្ថូរបន្ថួយដោយត្រូវអនុវត្តតែ២ប្រកួត។ កីឡាករ Balanga Agostinho Josemar ត្រូវពិន័យមិនឲ្យលេង៣ប្រកួត និងប្រាក់២៥ម៉ឺនរៀល ប៉ុន្តែអនុវត្ត២ប្រកួត។ កីឡាករ អ៊ុព កាម៉ុល ត្រូវពិន័យមិនឲ្យចូលលេង៤ប្រកួត និងប្រាក់៥០ម៉ឺនរៀល តែអនុវត្ត៣ប្រកួត។
ការពិន័យទាំងនេះបើកផ្លូវឲ្យ ក្លិប Tiffy Army ប្តឹងជំទាស់ទៅឧទ្ធណ៍ ហើយក្លិបក៏បានប្តឹងជំទាស់ដែលក្រោយមកក៏មានការប្រជុំដោះស្រាយជាបន្តបន្ទាប់រហូតមានការបន្ថូរបន្ថយច្រើន។ ទីបំផុតក្លិបទទួលយកការពិន័យ និងសម្រេចបន្តសកម្មភាពក្នុងលីគកំពូលកម្ពុជាវិញក្នុងស្មារតីរួមគ្នាដើម្បីបាល់ទាត់កម្ពុជា។
តាមសេចក្តីចុងក្រោយថ្ងៃទី២៣ ខែតុលា ឆ្នាំ២០២៤ កាត់បន្ថយពិន័យ លោក ភា សុភ័ក្ត្រា មកសល់ត្រឹម៣ប្រកួត ប៉ុន្តែកម្កល់ទឹកប្រាក់ដដែល។ បន្ថយពិន័យកីឡាករ ជឿន ណាចា មកត្រឹម១ប្រកួត និងលុបចោលពិន័យជាប្រាក់។ បន្ថយពិន័យកីឡាករ Josemar មកសល់ត្រឹម១ប្រកួត និងលុបចោលពិន័យជាប្រាក់។ បន្ថយពិន័យកីលាករ អ៊ុព កាម៉ុល មកសល់ត្រឹម២ប្រកួត និងបន្ថយពិន័យប្រាក់មកត្រឹម២៥ម៉ឺនរៀល៕
អត្ថបទ៖ វីរបុត្រ
ខេត្តកោះកុង កំពុងមានចំណាប់អារម្មណ៍ពីអ្នកវិនិយោគ និងត្រូវការកម្លាំងពលកម្មច្រើន
អ្នកនាំពាក្យ ៖ មន្ត្រីរាជការ អាចស្នើធ្វើប័ណ្ណ ប.ស.ស ជូន ប្ដី ឬ ប្រពន្ធ និង កូន ក្នុងបន្ទុក ដោយមិនបង់វិភាគទានទេ
រដ្ឋបាលសង្កាត់ភ្លើងឆេះរទេះសហការជាមួយក្រុមហ៊ុនប្រមូលសំរាមផ្លាស់ប្តូរធុងសំរាមថ្មី១៨ធុង
ភាពអត់ឃ្លាន និង ការគំរាមកំហែងបង្ខំឱ្យគ្រិស្តបរិស័នៅមីយ៉ាន់ម៉ាប្ដូរមកកាន់ព្រះពុទ្ធសាសនា
អ៊ីស្រាអែលលក់ប្រព័ន្ធការពារដែនអាកាសនិងមីស៊ីលតម្លៃជិត៦០០លានដុល្លារដល់ស្លូវ៉ាគី
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
ករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន
ក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
ស្ត្រីអ្នកលក់ភេសជ្ជៈម្នាក់ត្រូវជនមិនស្គាល់មុខវាយសម្លាប់ទាំងព្រឹក
ក្រសួងមហាផ្ទៃ សម្រេចដកហូតមុខតំណែងអធិការនគរបាលស្រុកដំណាក់ចង្អើរ ឲ្យមកជាមន្ត្រីធម្មតា
-
ព័ត៌មានជាតិ៤ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៤ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ចរាចរណ៍៣ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
នយោបាយ១ សប្តាហ៍ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
សន្តិសុខសង្គម៥ ម៉ោង agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ព័ត៌មានជាតិ១ សប្តាហ៍ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ១ សប្តាហ៍ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៦ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ