ប៉ូលិសកំពុងស៊ើបអង្កេតលើតារាកូរ៉េ  Minhwan ពាក់ព័ន្ធនឹងពេស្យាចារ

បន្ទាប់ពីការលើកឡើងរបស់អតីតភរិយា Yulhee នៅក្នុងវីដេអូ YouTube ចុងក្រោយរបស់នាង សមាជិកក្រុមតន្រ្តីរ៉ុក F.T. Island គឺតារាប្រុស Choi Minhwan កំពុង​ប្រឈម​មុខ​នឹង​ការ​ស៊ើប​អង្កេត​របស់​ប៉ូលិស​ ​ពី​បទ​សង្ស័យ​ថា​មានពាក់ព័ន្ធនឹងអំពើរ​ពេស្យាចារ។

យ៉ាងណាក៏ដោយ កាលពីមុននៅក្នុងវីដេអូ YouTube របស់នាងដែលបានបង្ហោះនៅថ្ងៃទី ២៤ ខែតុលា Yulhee បានបង្ហាញថា ហេតុផលចុងក្រោយដែលនាងសម្រេចចិត្តជ្រើសរើសលែងលះ Minhwan គឺដោយសារតែទម្លាប់របស់គាត់ទៅជួបនុស្សប្លែកមុខសឹងតែរាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនត្រឹមប៉ុណ្ណឹងទេ នាងក៏បានលាតត្រដាងការសន្ទនាតាមទូរស័ព្ទដែលថតបានរវាង Minhwan និងអ្នកស្គាល់គ្នាជាបុរស ដែល Minhwan ត្រូវបានគេឮនិយាយថា តើអ្នកអាចធ្វើការកក់ទុកពួកយើងបានទេ [សម្រាប់ hostess bar]? ហើយនាពេលនោះពួកគេនិយាយថា មិនមានក្មេងស្រីនៅទីនោះទេ ។

ដ្បិតថាបែបនេះក្ដី ដោយផ្អែកលើវីដេអូ YouTube របស់ Yulhee ពេលនេះ Choi Minhwan កំពុងប្រឈមមុខនឹងការចោទប្រកាន់ ពីបទស្វែងរកពេស្យាចារ ដែលជាការរំលោភលើច្បាប់កូរ៉េខាងត្បូងប្រឆាំងអំពើពេស្យាចារ។ វាត្រូវបានគេរាយការណ៍បន្ថែមទៀតថា ករណីរបស់ តារាប្រុសវ័យ៣១ឆ្នាំ ត្រូវបានបញ្ជូនទៅប៉ុស្តិ៍ប៉ូលិស Seoul Gangnam ដែលនឹងចាប់ផ្តើមស៊ើបអង្កេតករណីនេះក្នុងពេលឆាប់ៗខាងមុខ។

យោងតាមច្បាប់ប្រឆាំងអំពើពេស្យាចារ មាត្រា២១ បុគ្គលណាដែលរត់ការពេស្យាចារអាចប្រឈមមុខនឹងការជាប់ពន្ធនាគាររហូតដល់ ១ ឆ្នាំ ឬពិន័យជាប្រាក់រហូតដល់ ៣ លានវ៉ុន។

ទន្ទឹមនឹងនេះ ទីភ្នាក់ងាររបស់ Choi Minhwan មិនទាន់បានចេញសេចក្តីថ្លែងការណ៍មួយទាក់ទងនឹងការវិវត្តន៍ចុងក្រោយនេះនៅឡើយទេ ខណៈរឿងរ៉ាវរបស់តារាប្រុសកូរ៉េកំពុងស្ថិតក្រោមការឃ្លាំមើលពីប៉ូលិសតែប៉ុណ្ណោះ៕

អត្ថបទ៖ សាង ស្រីល័ក្ខ

ចុចអាន៖ចំណងមិត្តភាព Han So Hee និង Jeon Jong Seo នៅតែរឹងមាំ ទោះមានរឿងចម្រូងចម្រាសនឹង Hyeri