ព័ត៌មានជាតិ

លោកស្រី ភឿង សកុណា អញ្ជើញចូលរួមកិច្ចប្រជុំរដ្ឋមន្ត្រីទទួលបន្ទុកវប្បធម៌ និងសិល្បៈអាស៊ានលើកទី ១១ និងកិច្ចប្រជុំពាក់ព័ន្ធជាមួយដៃគូសន្ទនា

បានផុស

៤៦ វិនាទី មុន

នៅ

ថ្ងៃសៅរ៍ ២៦ តុលា ២០២៤

ដោយ

កាលពីថ្ងៃទី ២៤ ខែតុលា ឆ្នាំ ២០២៤ លោកស្រីបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានអញ្ជើញចូលរួមកិច្ចប្រជុំរដ្ឋមន្ត្រីទទួលបន្ទុកវប្បធម៌ និងសិល្បៈអាស៊ានលើកទី ១១ និងកិច្ចប្រជុំពាក់ព័ន្ធជាមួយនឹងដៃគូសន្ទនា (The Eleventh Meeting of the ASEAN Ministers Responsible for Culture and Arts and Related Meetings with Dialogue Partners) ក្រោមប្រធានបទ “ចងស្ពានវប្បធម៌ ដើម្បីកសាងអនាគត ៖ ឯកលក្ខណៈភាពក្នុងពហុលក្ខណៈ (Bridging Cultures, Building Futures: Unity in Diversity)”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចប្រជុំ លោកស្រីបណ្ឌិតសភាចារ្យ រដ្ឋមន្ត្រី បានថ្លែងនូវការគាំទ្រចំពោះការងារអាទិភាពទាំង ៣ ដែលរដ្ឋមន្ត្រីទេសចរណ៍ សិល្បៈ និងវប្បធម៌របស់ប្រទេសម៉ាឡេស៊ីដែលជាប្រធានប្ដូរវេនរដ្ឋមន្ត្រីអាស៊ានទទួលបន្ទុកកិច្ចការវប្បធម៌បានផ្ដួចផ្ដើមឡើង។ ការងារអាទិភាពទាំង ៣ នោះ គឺផ្តោតទៅលើយុវជន សេដ្ឋកិច្ចច្នៃប្រតិដ្ឋ និងឌីជីថលនីយកម្ម។

លោកស្រីបានសាទរប្រធានម៉ាឡេស៊ី ចំពោះកិច្ចខិតខំប្រឹងប្រែងឆ្ពោះទៅរកការជំរុញសេដ្ឋកិច្ចច្នៃប្រតិដ្ឋរបស់អាស៊ាន ដែលកិច្ចការនេះជាកិច្ចការសំខាន់ដូចដែលបានគូសបញ្ជាក់នៅក្នុងសេចក្ដីថ្លែងការណ៍សៀមរាបរបស់អាស៊ាន ស្តីពីការលើកកម្ពស់សហគមន៍អាស៊ានប្រកបដោយភាពច្នៃប្រតិដ្ឋ និងភាពសម្របខ្លួន ដើម្បីគាំទ្រដល់សេដ្ឋកិច្ចច្នៃប្រតិដ្ឋ (Siem Reap Declaration on Promoting a Creative and Adaptive ASEAN Community to Support the Cultural and Creative Economy)។

ទន្ទឹមនឹងនេះ លោកស្រីបណ្ឌិតសភាចារ្យ បានរំលេចផងដែរថា ភាពចម្រុះ និងសម្បូរបែប នៃវប្បធម៌របស់អាស៊ាន គឺជាសម្បត្តិដ៏មហាសាលមួយដែលអាចចូលរួមទៅក្នុងការអភិវឌ្ឍប្រកបដោយចីរភាពរបស់អាស៊ាន។ កិច្ចប្រជុំ បានពិភាក្សាគ្នាបន្ថែមទៅលើការពង្រឹងកិច្ចសហប្រតិបត្តិការក្នុងបណ្តាប្រទេសអាស៊ាន និងដៃគូសន្ទនាអាស៊ាន ព្រមទាំងពិចារណាផងដែរទៅលើដៃគូថ្មីៗ របស់អាស៊ាន៕