ព័ត៌មានអន្ដរជាតិ

ព្រែកជីកប៉ាណាម៉ាកើបប្រាក់ចំណេញជាង ៣,៤ ប៊ីលានដុល្លារ ទោះបីជួបគ្រោះរាំងស្ងួត

បានផុស

៤៣ វិនាទី មុន

នៅ

ថ្ងៃសៅរ៍ ២៦ តុលា ២០២៤

ដោយ

អាជ្ញាធរព្រែកជីកប៉ាណាម៉ា បានឱ្យដឹងកាលពីថ្ងៃសុក្រថា ព្រែកជីកប៉ាណាម៉ាបានកើបប្រាក់ចំណេញប្រមាណ ៣,៤៥ ប៊ីលានដុល្លារ ដោយកើនឡើង ៩,៥ ភាគរយ នៅក្នុងឆ្នាំសារពើពន្ធដែលបញ្ចប់ទៅនៅខែកញ្ញា ទោះបីជាគ្រោះរាំងស្ងួតធ្ងន់ធ្ងរដែលធ្វើឱ្យខ្វះខាតទឹកបានកាត់បន្ថយចំនួននាវាពាណិជ្ជកម្មតាមផ្លូវទឹកនៅអាមេរិកកណ្ដាលនេះក៏ដោយ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Victor Vial អនុប្រធានផ្នែកហិរញ្ញវត្ថុរបស់អាជ្ញាធរព្រែក បានប្រាប់អ្នកសារព័ត៌មានដោយដកស្រង់តួលេខបឋមថា ប្រាក់ចំណូលសរុបវិញ បានកើនឡើងពី ១៨ លានដុល្លារ ដល់ ៤,៩៩ ប៊ីលានដុល្លារ។

ព្រែកជីកប៉ាណាម៉ាបានជួបគ្រោះរាំងស្ងួតប្រចាំឆ្នាំបំផុតក្នុងប្រវត្តិសាស្រ្តជាលើកទី៣ ដោយបានកាត់បន្ថយបរិមាណទឹករបស់ព្រែក ដែលអាចឱ្យដំណើរការការដឹកជញ្ជូន ហើយបង្ខំឱ្យអាជ្ញាធរព្រែកកាត់បន្ថយចំនួននាវាឆ្លងកាត់ប្រចាំថ្ងៃចន្លោះពីចុងឆ្នាំ ២០២៤ ដល់ដើមឆ្នាំ ២០២៤។

ការរឹតបន្តឹងបានបណ្តាលឱ្យមានការកកស្ទះចរាចរណ៍នាវា និងបង្ខំឱ្យក្រុមហ៊ុនដឹកជញ្ជូនខ្លះផ្លាស់ដូរផ្លូវឆ្លងកាត់។ មកទល់ពេលនេះ អាជ្ញាធរបានដកការរឹតបណ្ដឹងវិញហើយ ក្រោយភ្លៀងធ្លាក់មកវិញដោយបំពេញទឹកស្ដុករបស់ព្រែកប៉ាណាម៉ា។

បើតាមអាជ្ញាធរ ព្រែកជីកប៉ាណាម៉ាជាផ្លូវដឹកជញ្ជូនទំនិញ ៤២៣ លានតោន ដោយទទួលនាវា ២៧,៣ នាវាជាមធ្យម/ថ្ងៃ ថយចុះពី ៣៦ គ្រឿងជាមធ្យម/ថ្ងៃ។ យ៉ាងណាមិញ ការចំណាយលើប្រតិបត្តិការព្រែកជីក ត្រូវបានកាត់បន្ថយ ៥ ភាគរយ ដែលជួយសម្រួលបន្ទុកដល់បញ្ហាហិរញ្ញវត្ថុដោយគ្រោះរាំងស្ងួត។