ជីវិតកម្សាន្ដ

ដើម្បីឈ្នះរង្វាន់៥០ដុល្លារ មនុស្សជាច្រើននាក់មុខដូច Timothee Chalamet ផ្ដុំគ្នាផ្អើលទីក្រុងញូវយ៉ក

បានផុស

៥ ខែ មុន

នៅ

ថ្ងៃចន្ទ ២៨ តុលា ២០២៤

ដោយ

Linda

កាលពីថ្មីៗនេះ ព្រឹត្តិការណ៍មួយបានកើតឡើង ដែលធ្វើឲ្យផ្ទុះការចាប់អារម្មណ៍នៅក្នុងបណ្ដាញអ៉ិនធើណែត ដោយមានមនុស្សមួយក្រុម តុបតែងខ្លួនធ្វើជាតារាហូលីវូដ Timmothee Chalamet ផ្ដុំគ្នានៅក្នុងទីក្រុងញូវយ៉ក។ យោងតាមប្រភពបានឲ្យដឹងថា ព្រឹត្តិការណ៍ដ៏ប្លែកមួយនេះ កើតឡើងដោយ Youtuber ម្នាក់ ឈ្មោះ Anthony Po ដើរបិតក្រដាសប្រកាសស្វែងរកអ្នកមុខដូច Tim ដើម្បីឈ្នះប្រាក់រង្វាន់៥០ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើមឡើយ គេបានធ្វើការប្រកាស Timothee Chalamet Lookalike Contest បែបនេះ ដោយបិតក្រដាសនៅតាមទីសាធារណៈទុកជាការលេងសើចនោះទេ ប៉ុន្ដែនៅពេលដល់ម៉ោងកំណត់ បែរជាមានមនុស្សជាច្រើនចូលរួម ដោយនឹកស្មានមិនដល់។

នៅក្នុងនោះ ពួកគេសុទ្ធតែចាត់ទុកថាខ្លួនមានមុខមាត់ស្រដៀងនឹង Timothee Chalamet ហើយបានតុបតែងខ្លួនឲ្យកាន់តែដូចទៀតជាមួយនឹងការស្លៀកពាក់ឲ្យដូចទៅនឹងតួអង្គកន្លងមករបស់តារាហូលីរូដរូបនេះ។ មិនតែប៉ុណ្នោះ ចំនួនអ្នកចូលរួមប្រកួតមានលើសពី១០០នាក់ទៅទៀត ហើយក៏មានអ្នកមកទស្សនាច្រើននាក់ផងដែរ។

អ្វីដែលធ្វើឲ្យមនុស្សម្នារកាន់តែភ្ញាក់ផ្អើលថែមទៀតនោះ តារាសម្ដែង Timothee ពិតប្រាកដ ស្រាប់តែបង្ហាញខ្លួននៅទីកន្លែង ដែលគេកំពុងតែប្រារព្ធពិធីស្វែងរកមនុស្សមុខដូចខ្លួនជាងគេ។ Tim បានធ្វើឲ្យទីកន្លែងក្នុងទីក្រុង New York កាន់តែមានភាពចលាចល បន្ទាប់ពីថតរូបជាមួយហ្វេនរួច លោកក៏បានចាកចេញបាត់ទៅ។

ប៉ុន្ដែអ្នកគាំទ្របានអស់សំណើចជាខ្លាំង ពីព្រោះតែ Tim ប្ដូរស្ទាយ៍តែងខ្លួន ប្លែកខ្លាំង អ្នកគាំទ្រចំណាំសឹងតែមិនបាន ពួកគេបាននិយាយថា សូម្បីតែ Tim ក៏មុខមាត់មិនដូច Tim ដែរ។

យ៉ាងណាមិញ មនុស្សម្នារច្រើនពេក បានបង្កជាភាពរញ៉េរញ៉ៃ ធ្វើឲ្យប៉ូលីសដេញឲ្យបំបែកគ្នា និងអ្នកបង្កើតកម្មវិធីនេះ Anthony Po ត្រូវបានដាក់ខ្នោះចាប់ខ្លួន ដោយបង់ប្រាក់អស់៥០០$ ដោយសារតែកម្មវិធីសាធារណៈដោយគ្មានលិខិតអនុញ្ញាត ហើយមនុស្សប៉ុន្មាននាក់ទៀតក៏ត្រូវបានចាប់ខ្លួនផងដែរ៕

ប្រភព៖ AP News