ព័ត៌មានជាតិ
រដ្ឋមន្ត្រីសុខាភិបាល ណែនាំមន្ត្រីយកចិត្តទុកដាក់ត្រៀមសង្គ្រោះដល់កីឡាករ និងអ្នកទស្សនាឱ្យបានទាន់ពេលវេលា
លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានធ្វើការណែនាំដល់មន្ត្រីសុខាភិបាលបម្រើសេវាផ្នែកគិលានុសង្គ្រោះ ប្រចាំការក្នុងពិធីប្រកួតកីឡាជាតិលើកទី ៤ និងកីឡាជាតិជនពិការលើកទី ២”ត្រូវមានការយកចិត្តទុកដាក់ខ្ពស់ ដើម្បីត្រៀមជួយសង្គ្រោះបឋមជូនថ្នាក់ដឹកនាំ កីឡាករ កីឡាការិនី និងអ្នកចូលរួមទស្សនា ឱ្យបានលឿន និងទាន់ពេលវេលា។
ការណែនាំនេះបានធ្វើឡើងកាលពីល្ងាចថ្ងៃទី ៣០ តុលា ក្នុងឱកាសដែលលោករដ្ឋមន្ត្រីអញ្ជើញចូលរួម”ពិធីបើកការប្រកួតកីឡាជាតិលើកទី ៤ និងកីឡាជាតិជនពិការលើកទី ២” ក្រោមអធិបតីភាពដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅពហុកីឡដ្ឋានជាតិអូឡាំពិក។
ក្នុងឱកាសចុះពិនិត្យការបម្រើសេវាផ្នែកសង្គ្រោះបឋមនោះដែរ លោករដ្ឋមន្ត្រី ក៏បានណែនាំដល់ថ្នាក់ដឹកនាំទទួលបន្ទុក និងមន្ត្រីសុខាភិបាលដែលកំពុងប្រចាំការ ដោយត្រូវមានភាពភាពស្វាហាប់ និងវាងវៃជាប់ជាប្រចាំជាមួយទឹកចិត្តប្រកបដោយក្តីមេត្តាធម៌ ខិតខំបំពេញភារកិច្ចរបស់ខ្លួនឱ្យបានប្រសើរបំផុត ដែលនេះជាបេសកកម្មក្នុងគុណតម្លៃខ្ពស់សម្រាប់ប្រទេសជាតិ។
ជាមួយគ្នានេះដែរ លោករដ្ឋមន្ត្រី ក៏បានផ្ដាំផ្ញើដល់អ្នកទទួលបន្ទុកការងាររថយន្តគិលានុសង្គ្រោះទាំងអស់ ត្រូវពិនិត្យបច្ចេកទេសរថយន្តឱ្យបានត្រឹមត្រូវ និងទៀងទាត់ ដើម្បីធានាសុវត្ថិភាពក្នុងការធ្វើដំណើរ ជាពិសេសក្នុងពេលបញ្ជូនអ្នកជំងឺ។ រីឯរូបសញ្ញាលើរថយន្តគិលានុសង្គ្រោះ ត្រូវតែច្បាស់ល្អ និងងាយសម្គាល់ និងត្រូវរៀបចំឱសថសារវន្តសម្រាប់ការប្រើប្រាស់ឱ្យបានលើសពីចំនួនដែលគ្រោងទុក និងរក្សាបានល្អ ទោះបីមិនប្រើប្រាស់អស់ក្នុងបេសកកម្មមួយពេលត្រឡប់ទៅវិញ ក៏នៅតែជាឱសថមានគុណភាពត្រៀមយកប្រើបានគ្រប់ពេលវេលា។
ទន្ទឹមនឹងនេះដែរ លោករដ្ឋមន្ត្រី បានចុះពិនិត្យ រួមទាំងផ្នែកបច្ចេកទេសអំពីសេវាសង្គ្រោះបឋម រួមមាន សម្ភារៈ បរិក្ខារវេជ្ជសាស្ត្រ ឱសថសារវន្ត និងបច្ចេកទេសរថយន្តគិលានសង្គ្រោះ ដើម្បីធានាបាននូវសុវត្ថិភាពប្រសិទ្ធភាព និងគុណភាពចំពោះមុខ ការត្រៀមសេវាសង្គ្រោះ និងបញ្ជូនបានទាន់ពេលវេលា៕
អត្ថបទ ៖ សំអឿន
រដ្ឋមន្ត្រីសុខាភិបាល ណែនាំមន្ត្រីយកចិត្តទុកដាក់ត្រៀមសង្គ្រោះដល់កីឡាករ និងអ្នកទស្សនាឱ្យបានទាន់ពេលវេលា
ជើងហោះហើរថ្មីចំនួន២ មកពីប្រទេសថៃ បានហោះហើរមកកាន់អាកាសយានដ្ឋានសៀមរាបអង្គរ
រុស្ស៊ី ដាក់លក្ខខណ្ឌ២ចំណុចទៅអ៊ុយក្រែន សម្រាប់ការចរចាសន្តិភាព
ភ្ញៀវទេសចរជាង៤ម៉ឺននាក់ ទៅកម្សាន្តក្នុងព្រឹត្តិការណ៍ស្នាមញញឹម នៃកម្ពុជា លើកទី២
អ្នកជំនាញអប់រំ៖ បេក្ខជនជាប់បាក់ឌុបច្រើនដោយសារសិស្សខំប្រឹងរៀន
បេក្ខជនប្រឡងបាក់ឌុបឆ្នាំនេះ ជាប់ជាង ១០ ម៉ឺននាក់ ក្នុងនោះសិស្សជាប់និទ្ទេស A មានជាង ២ ពាន់នាក់
ខណៈរឿង កូនប្រសារស្រី ផ្ទុះល្បីឡើងវិញ អ្នកស្រី ពាន់ ភួងបុប្ផា បង្ហោះសារបែបនេះ ភ្ជាប់ជាមួយលីងរឿងពេញ!
ព្យុះទី២១ឈ្មោះ កងរី បានវិវដ្ដទៅជាព្យុះសង្ឃរា នឹងធ្វើឲ្យកម្ពុជាមានភ្លៀងជាមួយផ្គររន្ទះ និងខ្យល់កន្ត្រាក់
ជនជាតិវៀតណាមជាប់ឃុំនៅស្វាយរៀង ត្រូវបានបក្សពួករំដោះចេញពីពន្ធនាគារដោយសុវត្ថិភាព ខណៈសមត្ថកិច្ចកំពុងស្រាវជ្រាវ
ខ្មាស់គេមិនស្ទើ! តារា Kpop រូបនេះ ជ្រុះធ្មេញពីមាត់ នៅនឹងមុខកាមេរ៉ា
-
ជីវិតកម្សាន្ដ១ សប្តាហ៍ ago២រសៀលថ្ងៃនេះ! សពលោក កៅ សីហា នឹងត្រូវបូជា នៅវត្តព្រែកឯង
-
សន្តិសុខសង្គម១ សប្តាហ៍ agoឧកញ៉ា ហ៊ួត ជា ស្នើឲ្យម្ចាស់ពាក្យបណ្ដឹងមានងារជា អ្នកឧកញ៉ា ដកពាក្យបណ្ដឹងងាកមកចរចាគ្នាដោយសន្តិវិធី
-
ជីវិតកម្សាន្ដ១ សប្តាហ៍ agoធ្លាយពាក្យចចាមអារ៉ាមថា Michael Jackson នៅមានជីវិត ត្រៀមវិលមកបកអាក្រាត Diddy
-
ជីវិតកម្សាន្ដ១ សប្តាហ៍ agoយល់យ៉ាងណា! ព្រលឹងលោក កៅ សីហា ចូលអ្នកសិល្ប: ម្នាក់ពេលកំពុងបូជា យំថា ហេតុអ្វីឆាប់យកលោកទៅ?
-
ជីវិតកម្សាន្ដ៧ ថ្ងៃ agoចន ច័ន្ទលក្ខិណា ត្រៀមលេងផ្លូវច្បាប់លើតារាចម្រៀងស្រីម្នាក់ ក្រោយប៉ះសម្តីគ្នា
-
ព័ត៌មានជាតិ២០ ម៉ោង agoបេក្ខជនប្រឡងបាក់ឌុបឆ្នាំនេះ ជាប់ជាង ១០ ម៉ឺននាក់ ក្នុងនោះសិស្សជាប់និទ្ទេស A មានជាង ២ ពាន់នាក់
-
ជីវិតកម្សាន្ដ៣ ថ្ងៃ agoMGI ប្រកាសដកតំណែងបវរកញ្ញាមីយ៉ាន់ម៉ាជាប់លំដាប់រងលេខ២ ជាផ្លូវការហើយ
-
ព័ត៌មានជាតិ១ សប្តាហ៍ agoមេប៉េអឹម បញ្ជាឱ្យធ្វើអធិការកិច្ចលើប៉េអឹមខេត្តកណ្ដាលម្នាក់ដែលបោចសក់តៃកុងឡាន បើល្មើសច្បាប់ ត្រូវបញ្ជូនទៅតុលាការ