ព័ត៌មានជាតិ
ថវិកា ២៧ លានដុល្លារ បានពីពលរដ្ឋបរិច្ចាគ យកទៅស្ថាបនាផ្លូវក្រវាត់ព្រំដែនប្រវែង ២៥០ គីឡូម៉ែត្រនៅខេត្តរតនគិរី និងមណ្ឌលគិរី
មូលនិធិកសាងហេដ្ឋារចនាសម្ព័ន្ធព្រំដែនប្រមាណ ២៧ លានដុល្លារ ដែលទទួលបានពីការបរិច្ចាគពីពលរដ្ឋគ្រប់ទិសទីទាំងក្នុងនិងក្រៅប្រទេស ឆ្លើយតបតាមការអំពាវនាវរបស់ប្រមុខរដ្ឋាភិបាល នឹងយកទៅប្រើប្រាស់សម្រាប់កសាងផ្លូវក្រវាត់ព្រំដែនប្រវែង ២៥០ គីឡូម៉ែត្រនៅខេត្តមណ្ឌលគិរីនិងរតនគិរី។ នេះបើតាមសន្និសីទដែលធ្វើឡើងនៅទីស្តីការគណៈរដ្ឋមន្រ្តីនៅព្រឹកនេះ។
លោក គីម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានក្រុមការងារចំពោះកិច្ចគ្រប់គ្រងមូលនិធិកសាងហេដ្ឋារចនាសម្ព័ន្ធតាមព្រំដែន ដោយផ្តោតលើការកសាងផ្លូវក្រវាត់ព្រំដែន បានគូសបញ្ជាក់ក្នុងសន្និសីទស្តីពីមូលនិធិកសាងហេដ្ឋារចនាសម្ព័ន្ធតាមព្រំដែន ដែលមានការចូលរួមពីបណ្តាញសារព័ត៌ជាតិជាច្រើនស្ថាប័ននៅព្រឹកនេះថា ឆ្លើយតបតាមការអំពាវនាវរបស់ប្រមុខរដ្ឋាភិបាល ពលរដ្ឋគ្រប់ស្រទាប់វណ្ណៈទាំងក្នុងនិងក្រៅប្រទេស បានចូលរួមបរិច្ចាកថវិកាក្នុងបុព្វហេតុរួមគ្នាកសាងនិងការពារជាតិមាតុភូមិពាក់ពាក់ព័ន្ធដល់គម្រោងអភិវឌ្ឍហេដ្ឋារចនាសម្ព័ន្ធ ផ្តោតលើការកសាងផ្លូវក្រវាត់ព្រំដែនចាប់ពីថ្ងៃទី ២៦ ខែសីហា ដល់ថ្ងៃ ៣១ ខែតុលា ទទួលបានថវិកាសរុប ២៧ លានដុល្លារ។
ថវិកាដែលកើតពីទឹកចិត្តដ៏ពុះកញ្ជ្រោលរបស់ពលរដ្ឋ ដែលចង់ចួលរួមចំណែកអភិវឌ្ឍហេដ្ឋារចនាសម្ព័ន្ធនៅតាមព្រំដែននឹងយកទៅស្ថាបនាផ្លូវក្រវាត់ព្រំដែនប្រវែង ២៥០ គីឡូម៉ែត្រ នៅខេត្តមណ្ឌលគិរី និងរតនគរី។
លោក គីម ប៊ុនថាន បានបន្តថា ការស្ថាបនាផ្លូវក្រវាត់ព្រំដែនក្នុងខេត្តភាគឦសាននៅខេត្តរតនគិរី និងមណ្ឌលគិរី បើតាមផែនការនិងការសិក្សា គ្រោងប្រើប្រាស់រយៈពេល ៣០ ខែ និងអាចសម្រេចជាស្ថាពរនៅអំឡុងឆ្នាំ ២០២៧។
នៅចំពោះមុខនេះ បច្ចុប្បន្នកងវិស្វកម្មបានចល័តកម្លាំងទៅកាន់គោលដៅរួចរាល់ហើយ ដើម្បីអាចផ្តើមដំណើរការដ្ឋានសាងសង់។ លោក គីម ប៊ុនថាន បញ្ជាក់បន្ថែម។
ពាក់ព័ន្ធការស្ថាបនាផ្លូវក្រវាត់ព្រំដែន ប្រើប្រាស់មូលនិធិថវិកាកសាងហេដ្ឋារចនាសម្ព័ន្ធផ្លូវក្រវាត់ព្រំដែន លោក ខ្វាន់ ស៊ាម អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការបញ្ជាការដ្ឋានកងវិស្វកម្ម និងជាអនុប្រធានអនុវត្តគម្រោងផ្លូវក្រវាត់ព្រំដែនបានគូសបញ្ជាក់ថា តាមការណែនាំរបស់ប្រមុខរដ្ឋាភិបាល ការស្ថាបនាផ្លូវក្រវាត់ព្រំដែនដោយប្រើប្រាស់មូលនិធិកសាងហេដ្ឋារចនាសម្ព័ន្ធផ្លូវក្រវាត់ព្រំដែន ត្រូវអនុវត្តតាមគោលការណ៍ចំនួន ៣។ ទី ១ ត្រូវប្រើប្រាសថវិកាមូលនិធិយកទៅកសាងផ្លូវខ្សែក្រវាត់ព្រំដែនដែលមានផ្លូវតភ្ជាប់ ផ្លូវខ្សែក្រវាត់ទី ១ ការបោសសម្អាតមីន និងសំណង់សិល្បការ។
គោលការណ៍ទីពីរ ការប្រើប្រាស់ថវិកាមូលនិធិត្រូវមានតម្លាភាព គណនេយ្យភាព សន្សំសំចៃខ្ពស់ មានការទទួលខុសត្រូវ ការសាងសង់សំណង់ត្រូវស្របតាមលក្ខណៈបច្ចេកទេស មានភាពធន់ និងសោភ័ណភាព។
គោលការណ៍ទី ៣ នឹងបើកឲ្យដល់ពលរដ្ឋគ្រប់មជ្ឈដ្ឋានជាពិសេសម្ចាស់មូលនិធិ អាចតាមដានពិនិត្យមើលលទ្ធផលនៅគ្រប់ការដ្ឋានតាមសភាពជាក់ស្តែងដែលអាចទៅរួច។
តាមផែនការខ្សែផ្លូវក្រវាត់ព្រំដែន ដែលគ្រោងស្ថាបនាមានប្រវែងសរុប ២៥០ គីឡូម៉ែត្រ ក្នុងនោះនៅខេត្តមណ្ឌលគិរី មានប្រវែង ១៤៧ គីឡូម៉ែត្រ ដែលរួមទាំងកសាងផ្លូវតភ្ជាប់មាន ៣ ខ្សែ សរុបប្រវែង ៤៩ គីឡូម៉ែត្រ។ ខ្សែផ្លូវក្រវាត់ព្រំដែននៅខេត្តរតនគិរី ដែលត្រូវសាងសង់មានប្រវែង ១០២ គីឡូម៉ែត្រ ក្នុងនោះក៏មានសាងសង់ផ្លូវបំបែកចំនួន ២ ខ្សែផងដែរ។
គោលដៅផ្លូវក្រវាត់ព្រំដែនដែលត្រូវសាងសង់នៅក្នុងខេត្តរតនគិរី និងមណ្ឌលគិរី ជួបបញ្ហាប្រឈម និងការលំបាកច្រើន។ នេះបើតាមមន្រ្តីវិស្វកម្ម។ ដោយសារទីតាំងការដ្ឋានតំបន់ខ្លះជាតំបន់ខ្ពង់រាប មានព្រៃក្រាស់ ជួរភ្នំខ្ពស់ៗ មានអូរ ជ្រោះជ្រលងជ្រៅច្រើន។ ស្ថានភាពភូមិសាស្រ្តទៀតសោត ក៏មានអាកាសធាតុចុះត្រជាក់ខ្លាំងនៅរដូវវស្សា និងហួតហែងខ្វះខាតនៅរដូវប្រាំង ជាតំបន់ប្រឈមមុខខ្ពស់នឹងជំងឺគ្រុនចាញ់ និងសំបូរដោយសត្វកាចសហាវ។
កម្ពុជាមានព្រំដែនជាប់ប្រទេសជិតខាងប្រវែង ២ ៦១៥ គីឡូម៉ែត្រ។ កន្លងទៅផ្លូវក្រវាត់ព្រំដែនដែលបានស្ថាបនារួចបានប្រវែង ៤៨% នៃប្រវែងព្រំដែនសរុបរួម។ ផ្លូវក្រវាត់ព្រំដែននៅសល់ជាង ៥១% រដ្ឋាភិបាលគ្រោងសាងសង់ជាដំណាក់កាលបន្តបន្ទាប់ ក្នុងរយៈពេល ១០ ឆ្នាំ ពីឆ្នាំ ២០២៤ ដល់ឆ្នាំ ២០៣៤។ នេះបើតាមលោក ខ្វាន់ ស៊ាម។
លោក ខ្វាន់ ស៊ាម បានបញ្ជាក់ថា តាមរយៈថវិកាមូលនិធិដែលទទួលបាន សម្រាប់កសាងផ្លូវក្រវាត់ព្រំដែនប្រវែងសរុបប្រមាណ ២៥០ គីឡូម៉ែត្រនៅខេត្តរតនគិរី និងមណ្ឌលគិរី គឺស្មើនឹង ១៨.៤ ភាគរយនៃផ្លូវខ្សែក្រវាត់ព្រំដែនដែលនៅសល់ប្រមាណ ៥១.៩០ ភាគរយ ដែលរដ្ឋាភិបាលគ្រោងសាងសង់ជាបន្តបន្ទាប់ទៀត៕
ថ្នាក់ដឹកនាំ CDC ជំរុញឱ្យក្រុមហ៊ុន Mitui របស់ជប៉ុនដាក់ទុនវិនិយោគនៅកម្ពុជា
ព្យុះឈ្មោះខ្មែរ «កងរី» គំរាមកំហែងដល់ទីក្រុងសៀងហៃ និងឆ្នេរសមុទ្រចិន បន្ទាប់ពីវាយប្រហារកោះតៃវ៉ាន់
សិស្សបញ្ចប់ការសិក្សាថ្នាក់ទី១២៖ សិស្សប្រឡងជាប់ ឬមិនជាប់ គួរចាប់អារម្មណ៍លើការសិក្សាជំនាញ TVET របស់រាជរដ្ឋាភិបាល
លោក Mohammad Yunus អាចចុះក្នុងប្រវត្តិសាស្ត្រក្នុងនាមជាស្ថាបត្យករប្រជាធិបតេយ្យបង់ក្លាដែសថ្មី
គិតត្រឹមថ្ងៃទី ០១ វិច្ឆិកា មានការងារជិត ៤ ម៉ឺន ៥ ពាន់កន្លែង កំពុងរង់ចាំយុវជនស្វែងរកការងារធ្វើ
មនុស្សស្លាប់ម្នាក់ នៅក្នុងហេតុការណ៍ឆេះរោងចក្រប្រេងឆានៅឥណ្ឌូណេស៊ី
អង្គកឋិនទានមហាសាមគ្គីគ្រួសារខ្មែរ នឹងដង្ហែចេញពីវិមាន ៧ មករា ឆ្ពោះទៅខេត្តត្រាវិញ (ព្រះត្រពាំង) នាព្រលឹមថ្ងៃទី ០៤ វិច្ឆិកា
ព្យុះសង្ឃរា កង្រី នៅតែបន្តមានឥទ្ធិពលខ្លាំងដល់ថ្ងៃទី៣វិច្ឆិកា
វៀតណាម ជម្លៀសពលរដ្ឋរាប់ម៉ឺននាក់ព្រោះទឹកជំនន់ ខណៈមនុស្សស្លាប់ កើនដល់១២នាក់
Range Rover មួយគ្រឿង បើកចេញពីក្នុងបុរី ជ្រុលបុករបាំងថ្មទ្រូងផ្លូវ បន្តទៅបុករបងយានដ្ឋានមួយកន្លែងទៀត
-
ជីវិតកម្សាន្ដ២ ថ្ងៃ agoMiss Grand មីយ៉ាន់ម៉ា លេចធ្លោ និងឈ្នះមកុដធំៗចំនួន ៥ ទោះអាយុទើប១៨ឆ្នាំក្ដី
-
ជីវិតកម្សាន្ដ២ ថ្ងៃ agoខណៈរឿង កូនប្រសារស្រី ផ្ទុះល្បីឡើងវិញ អ្នកស្រី ពាន់ ភួងបុប្ផា បង្ហោះសារបែបនេះ ភ្ជាប់ជាមួយលីងរឿងពេញ!
-
ព័ត៌មានជាតិ២ ថ្ងៃ agoបេក្ខជនប្រឡងបាក់ឌុបឆ្នាំនេះ ជាប់ជាង ១០ ម៉ឺននាក់ ក្នុងនោះសិស្សជាប់និទ្ទេស A មានជាង ២ ពាន់នាក់
-
ព័ត៌មានអន្ដរជាតិ៣ ម៉ោង agoមនុស្សស្លាប់ម្នាក់ នៅក្នុងហេតុការណ៍ឆេះរោងចក្រប្រេងឆានៅឥណ្ឌូណេស៊ី
-
ព័ត៌មានជាតិ១ ថ្ងៃ agoព្យុះទី២១ឈ្មោះ កងរី បានវិវដ្ដទៅជាព្យុះសង្ឃរា នឹងធ្វើឲ្យកម្ពុជាមានភ្លៀងជាមួយផ្គររន្ទះ និងខ្យល់កន្ត្រាក់
-
ជីវិតកម្សាន្ដ៤ ថ្ងៃ agoMGI ប្រកាសដកតំណែងបវរកញ្ញាមីយ៉ាន់ម៉ាជាប់លំដាប់រងលេខ២ ជាផ្លូវការហើយ
-
ព័ត៌មានជាតិ១ ថ្ងៃ agoម៉ាស៊ីនស្វ័យប្រវត្តិ ថតបានភស្តុងតាងសត្វកម្រ ១០៨ ប្រភេទ ក៏មានហ្វូងសត្វឆ្កែព្រៃចុងក្រោយបង្អស់នៅកម្ពុជា
-
ព័ត៌មានអន្ដរជាតិ៦ ថ្ងៃ agoបាងកកនិងឈៀងម៉ៃ ជាប់ឈ្មោះក្នុងបញ្ជីទីក្រុងមានខ្យល់ពុល អាក្រក់បំផុតលើលោក