ព័ត៌មានជាតិ
គិតត្រឹមថ្ងៃទី ០១ វិច្ឆិកា មានការងារជិត ៤ ម៉ឺន ៥ ពាន់កន្លែង កំពុងរង់ចាំយុវជនស្វែងរកការងារធ្វើ
គិតត្រឹមថ្ងៃទី ០១ ខែវិច្ឆិកា ឆ្នាំ ២០២៤ នេះ មានការងារចំនួន ៤៤ ៩៣៥ កន្លែង កំពុងរង់ចាំយុវជនដែលកំពុងស្វែងរកការងារធ្វើ ក្នុងនោះមានទាំងវិស័យឧស្សាហកម្ម សេវាកម្ម និងកសិកម្ម។
បើតាមក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា ការងារចំនួន ៤៤ ៩៣៥ កន្លែង ក្នុងនោះ វិស័យឧស្សាហកម្មមានចំនួន ៣២ ១៥៥ កន្លែង វិស័យសេវាកម្មមានចំនួន ៣ ០៧៦ កន្លែង និងវិស័យកសិកម្មមានចំនួន ៩ ៧០៤ កន្លែង។
ក្នុងនោះ នៅខេត្តរតនគីរី មានតម្រូវការផ្នែកកសិកម្មចំនួន ៤ ៣៤០ កន្លែង ខេត្តកំពង់ស្ពឺ មានតម្រូវការកម្លាំងពលកម្មផ្នែកឧស្សាហកម្ម ៦ ១៥២ កន្លែង។ ខេត្តកំពង់ឆ្នាំងមានតម្រូវការផ្នែកឧស្សាហកម្ម ១០ ២០០ កន្លែង។ រាជធានីភ្នំពេញមាន ៧ ៣៤១ កន្លែង ក្នុងនោះផ្នែកឧស្សាហកម្ម ៥ ៧៧៥ កន្លែង និងផ្នែកសេវាកម្ម ១ ៥៦៦ កន្លែង។ ខេត្តស្វាយរៀងមានចំនួន ៣ ៦៨៣ កន្លែង ក្នុងនោះវិស័យឧស្សាហកម្មមាន ៣ ៥៩៤ កន្លែង និងសេវាកម្ម ៨៩ កន្លែង។ ខេត្តកណ្តាលមានតម្រូវការកម្លាំងពលកម្ម ៤ ២៣៨ កន្លែង ក្នុងនោះផ្នែកឧស្សាហកម្ម ៤ ១៩៦ កន្លែង និងផ្នែកសេវាកម្ម ៤២ កន្លែង។ ខេត្តបន្ទាយមានជ័យមាន ៩២៧ កន្លែង ក្នុងនោះវិស័យឧស្សាហកម្ម ៤៧២ កន្លែង និងសេវាកម្ម ៤៥៥ កន្លែង។
ខេត្តក្រចេះមាន ៣ ០៤៧ កន្លែង ក្នុងនោះវិស័យសេវាកម្ម ៧ កន្លែង និងកសិកម្ម ៣ ០៤០ កន្លែង។ ខេត្តស្ទឹងត្រែងមានតម្រូវការ ២ ៣១៦ កន្លែង ក្នុងនោះផ្នែកសេវាកម្ម ១៦ កន្លែង និងកសិកម្ម ២ ៣០០ កន្លែង។ ខេត្តកំពង់ចាមមាន ៧៨៧ កន្លែង ក្នុងនោះវិស័យឧស្សាហកម្មមាន ៧៥៤ កន្លែង និងសេវាកម្ម ៣៣ កន្លែង និងខេត្តផ្សេងៗ មាន ១ ៩០៤ កន្លែង ក្នុងនោះឧស្សាហកម្មមាន ១ ០១២ កន្លែង សេវាកម្ម ៨៦៨ កន្លែង និងកសិកម្ម ២៤ កន្លែង។
ក្រសួងការងារ បានបន្តទៀតថា កម្លាំងពលកម្មជិត ៤ ម៉ឺន ៥ ពាន់កន្លែង នឹងត្រូវបែងចែកទៅតាមប្រភេទមុខរបរចំនួន ១០ រួមមាន អ្នកបញ្ជាម៉ាស៊ីនដេរចំនួន ២៧ ១៥១ កន្លែង កម្មករចម្ការដំណាំចំនួន ៨ ៩២០ កន្លែង កម្មករក្នុងផលិតកម្មចំនួន ១ ០៩៥ កន្លែង អ្នកត្រួតពិនិត្យដំណើរការផលិតលោហធាតុ ១ ២០០ កន្លែង កម្មករខ្ចប់វេចដោយដៃ ២៥២ កន្លែង អ្នកធ្វើស្បែកជើង និងអ្នកធ្វើការពាក់ព័ន្ធ ៩៣០ កន្លែង មន្ត្រីឥណទាន និងកម្ចីប្រាក់ ៨២០ កន្លែង អ្នកបញ្ជាម៉ាស៊ីនកន្លែងផលិតផលិតផលធ្វើពីក្រណាត់ និងរោមសត្វ ៥០០ កន្លែង យន្តការី និងអ្នកដំឡើងអគ្គិសនី ២៩១ កន្លែង បុគ្គលិកផ្នែកកត់ត្រាស្ថិតិហិរញ្ញវត្ថុ និងធានារ៉ាប់រង ២៨៩ កន្លែង និងមុខរបរផ្សេងៗ ៣ ៤៨៧ កន្លែង។
ក្រសួង បានណែនាំដល់យុវជន សិស្ស និស្សិត មេត្តាទាក់ទងទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ តាមរយៈទូរស័ព្ទ ១២៩៧ ឬ ១២៨៦ ឬ តេលេក្រាម និង CoolApp លេខ ០៧៧ ២៣ ២៣ ៧៨ ដើម្បីចុះឈ្មោះ និងសម្ភាសភ្លាមៗ។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវដល់ប្រជាពលរដ្ឋខ្មែរទាំងអស់ស្វែងរកឱកាសការងារធ្វើនៅក្នុងស្រុក ជៀសវាងទៅធ្វើការដោយខុសច្បាប់នៅក្រៅប្រទេសតាមរយៈមេខ្យល់នាំឱ្យបាត់បង់អត្ថប្រយោជន៍ ឬមានការរំលោភបំពានផ្លូវច្បាប់ ពិសេសប្រឈមនឹងការចាប់ខ្លួនពីសំណាក់អាជ្ញាធរបរទេសទៀតផង។
លោកបានបន្តថា ការស្វែងរកការងារធ្វើនៅក្នុងស្រុកពុំមានការលំបាកនោះទេ ពីព្រោះឱកាសការងារនៅក្នុងស្រុកត្រូវបានប្រកាសជារៀងរាល់សប្ដាហ៍ តាមរយៈទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ ទាំងនៅលើបណ្ដាញសង្គម និងតាមរោងចក្រ សហគ្រាស ក៏ដូចជានៅតាមមូលដ្ឋានរបស់ប្រជាពលរដ្ឋដោយផ្ទាល់តែម្ដង ដែលការងារទាំងនោះទទួលបានអត្ថប្រយោជន៍ច្រើនដូចទៅនឹងបណ្ដាប្រទេសជិតខាងផងដែរដូចជា ទទួលបានប្រាក់ឈ្នួលសមរម្យបើធៀបជាមួយបណ្ដាប្រទេសជិតខាងមួយចំនួននាពេលបច្ចុប្បន្ន,កន្លែងការងារនៅក្បែរផ្ទះ និងការចំណាយទាប អាចឱ្យប្រជាពលរដ្ឋសន្សំសំចៃបានច្រើន៕
អត្ថបទ ៖ សំអឿន
សម្ដេចតេជោ៖ ដំណើរទស្សនកិច្ចទៅចិន រៀបចំទុកមុនជិត២ខែ មិនមែនទៅទាំងតក់ក្រហល់ ដូចលោកជេម សុខ ថាឡើយ
លោក ហេង សួរ ៖ ការបង្រួបបង្រួមអង្គការវិជ្ជាជីវៈមិនមែនជាការដាក់កំហិត ឬបំបិទសិទ្ធិសេរីភាពសហជីពណាមួយនោះទេ
ឥណ្ឌូណេស៊ី និងកាណាដា គ្រោងគ្នាទម្លាក់របាំងពាណិជ្ជកម្មសំខាន់ៗ ចាប់ពីឆ្នាំ ២០២៦
អាជ្ញាធរស្រុកសេសាន សាងសង់ផ្លូវបន្ថែមនៅឃុំស្រែគរ ដើម្បីយកឃុំនេះធ្វើជាគំរូមុនគេ
ការទទូចចូលណាតូរបស់អ៊ុយក្រែន មិនអាចសម្រេចឡើយ ដោយសារ «Consensus»
ឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
ថ្នាក់ដឹកនាំវត្ត និងមន្ត្រីធម្មការខណ្ឌ ចាត់វិធានការលើព្រះសង្ឃមួយអង្គក្រោយបែកធ្លាយវីដេអូអង្គុយសារសងជាមួយនារីម្នាក់
Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត”
អាមេរិក បញ្ជាក់ថានឹងមិនប្រគល់អាវុធនុយក្លេអ៊ែរឲ្យទៅអ៊ុយក្រែនវិញទេ
ភ្ញាក់ផ្អើលជាថ្មី! ក្រុមហ៊ូធី បាញ់មីស៊ីលល្បឿនលឿនជាងសំឡេង វាយប្រហារអ៊ីស្រាអែល
-
សន្តិសុខសង្គម៥ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ៣ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ៣ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
ព័ត៌មានជាតិ២០ ម៉ោង agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
សេដ្ឋកិច្ច២ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
សេដ្ឋកិច្ច៥ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
បច្ចេកវិទ្យា៧ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា