ព័ត៌មានអន្ដរជាតិ

ការវិនិយោគបរទេសនៅថៃ កើនឡើងខ្លាំងនៅរយៈពេល ៩ ខែ ដើមឆ្នាំ

បានផុស

៣ ខែ មុន

នៅ

ថ្ងៃចន្ទ ៤ វិច្ឆិកា ២០២៤

ដោយ

អ្នកនាំពាក្យរដ្ឋាភិបាលថៃ បានឱ្យដឹងកាលពីថ្ងៃអាទិត្យថា ការវិនិយោគបរទេសក្នុងប្រទេសថៃបានកើនឡើង ៦០ ភាគរយ រហូតដល់ ១៣៤ ប៊ីលានបាត បើគិតជាតម្លៃ នៅចន្លោះពីខែមករា ដល់ខែកញ្ញា ឆ្នាំ ២០២៤ ដោយជប៉ុនបានបន្តឈរលើកំពូលតារាងនៃប្រភពវិនិយោគ។ នេះបើតាមការចុះផ្សាយរបស់កាសែតបាងកកប៉ុស្ត៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យការិយាល័យនាយករដ្ឋមន្ត្រី លោក Jirayu Houngsub បាននិយាយថា អាជីវកម្មសរុបចំនួន ៦៣៦ បានទទួលបានការអនុញ្ញាតក្រោមច្បាប់ពាណិជ្ជកម្មបរទេសឆ្នាំ ១៩៩៩ ដោយកើនឡើង ២៩ ភាគរយ បើធៀបនឹងរយៈពេល៩ខែដើមឆ្នាំដូចគ្នាកាលពីឆ្នាំមុន។

ការវិនិយោគទាំងនោះ បានបង្កើតការងារដល់ប្រជាជនថៃប្រមាណ ២ ៥០៥ នាក់។

ចំពោះការចំណាយវិនិយោគ ជប៉ុនបានបន្តជាប្រទេសនាំមុខគេលើប្រភពវិនិយោគ ៧៤ ប៊ីលានបាត បន្ទាប់មកសិង្ហបុរី (១២,២ ប៊ីលានបាត) ចិន (១១,៩ ប៊ីលានបាត) សិង្ហបុរី (៤,១៤ ប៊ីលានបាត) និងហុងកុង (៤,១១ ប៊ីលានបាត)។

លោក Jirayu និយាយថា៖ «អាជីវកម្មវេទិកា និងសុសវែរ គឺជាកត្តាសំខាន់ដែលជួយទាក់ទាញវិនិយោគិនបរទេស និងគាំទ្រដល់កំណើនសេដ្ឋកិច្ចថៃដ៏រឹងមាំ» ដោយមានសិង្ហបុរី តៃវ៉ាន់ និងម៉ាឡេស៊ី នាំមុខគេ៕