ព័ត៌មានអន្ដរជាតិ
អេស្ប៉ាញ បញ្ជូនទ័ព ២ ៥០០ថែមទៀតទៅតំបន់រងគ្រោះព្រោះទឹកជំនន់ ខណៈកំហឹងពលរដ្ឋកំពុងកើនឡើង
ទាហានចំនួន ២ ៥០០នាក់ផ្សេងទៀត បានចុះទៅដល់តំបន់រងគ្រោះព្រោះទឹកជំនន់ដ៏អាក្រក់បំផុតក្នុងប្រវត្តិសាស្ត្ររបស់ប្រទេសអេស្ប៉ាញ កាលពីថ្ងៃចន្ទ ដើម្បីជួយរុករកសាកសព និងបោសសម្អាតកម្ទេចកម្ទី ខណៈកំហឹងសាធារណជនកំពុងពុះកញ្ជ្រោលខ្លាំង។ នេះបើយោងតាមការប្រកាសរបស់លោក Margarita Robles រដ្ឋមន្ត្រីក្រសួងការពារជាតិអេស្ប៉ាញ។
តួលេខអ្នកស្លាប់ព្រោះទឹកជំនន់នៅអេស្ប៉ាញ បានកើនឡើងដល់ ២១៧នាក់ ហើយមនុស្សរាប់សិបនាក់ទៀតកំពុងបាត់ខ្លួននៅឡើយ។ ភាគច្រើននៃអ្នកស្លាប់ ស្ថិតនៅតំបន់ Valencia និងជាង៦០នាក់ នៅតំបន់ជាយក្រុង Paiporta។
កាលពីចុងសប្ដាហ៍មុន ទាហានប្រមាណ ៥ពាន់នាក់ ត្រូវបានបញ្ជូនទៅតំបន់រងគ្រោះ ដើម្បីចែកចាយស្បៀង ជួយសម្អាតផ្លូវថ្នល់ និងទប់ស្កាត់អំពើចោរកម្មនានាដែលអាចកើតមាន។ ទន្ទឹមនោះ នាវាចម្បាំង១គ្រឿងមានផ្ទុកទាហានជើងទឹកចំនួន ១០៤នាក់ ព្រមទាំងរថយន្តដឹកអាហារ និងទឹកស្អាត ក៏បានទៅដល់កំពង់ផែ Valencia សម្រាប់កិច្ចខិចខំប្រឹងប្រែងជួយសង្គ្រោះផងដែរ។
នៅថ្ងៃអង្គារនេះ គណៈរដ្ឋមន្ត្រីអេស្ប៉ាញ នឹងធ្វើការប្រកាសអំពីភូមិដែលរងគ្រោះធ្ងន់ធ្ងរជាងគេដោយសារទឹកជំនន់ក្នុងតំបន់ Valencia, Andalusia, Castile La Mancha និង Catalonia ដើម្បីទទួលបានមូលនិធិសង្គ្រោះបន្ទាន់។
សូមបញ្ជាក់ថា កាលពីថ្ងៃអាទិត្យទី៣ខែវិច្ឆិកាឆ្នាំ២០២៤ សែរាជវង្សអេស្ប៉ាញ បានចុះសួរសុខទុក្ខប្រជារាស្រ្តដែលរងគ្រោះដោយសោកនាដកម្មទឹកជំនន់ដ៏អាក្រក់ ក្នុងខេត្ត Valencia ភាគខាងកើត ប៉ុន្តែរឿងមិននឹកស្មានដល់បានកើតឡើង ដោយជនរងគ្រោះដែលពោរពេញដោយកំហឹងបានគប់ភក់និងស្រែកដាក់ស្តេច Felipe ទី៦និងព្រះមហាក្សត្រិយានី Letizia។
គេដឹងច្បាស់ថា ការដែលពលរដ្ឋខឹងសម្បាបែបនេះគឺដោយសារតែអាជ្ញាធរអេស្ប៉ាញ មិនបានចេញការព្រមានឲ្យទាន់ពេលចំពោះគ្រោះធម្មជាតិ និងការឆ្លើយតបមានភាពយឺតយ៉ាវពីសំណាក់ក្រុមជួយសង្គ្រោះ។
ទឹកជំនន់ឆ្នាំនេះ គឺជាសោកនាដកម្មគ្រោះធម្មជាតិដែលបណ្តាលឲ្យមានមនុស្សស្លាប់ច្រើនបំផុត ក្នុងប្រទេសអេស្ប៉ាញចាប់តាំងពីឆ្នាំ១៩៧៣មក ដោយកាលនោះ មានមនុស្សយ៉ាងតិច១៥០នាក់ បានបាត់បង់ជីវិតនៅខេត្តភាគអាគ្នេយ៍ Granada, Murcia និង Almeria៕
ដោយ៖ ឈាង
ចុចអាន៖ ជនរងគ្រោះដោយទឹកជំនន់ គប់ភក់ដាក់ស្តេចអេស្ប៉ាញ ពេលចុះសួរសុខទុក្ខ
កម្ពុជាបានអនុម័តស្តង់ដារចំនួន៣៦ដើម្បីលើកកម្ពស់ឧស្សាហកម្មក្នុងស្រុក និងជំរុញការនាំចេញ
ត្រូវតុលាការកូរ៉េហាមផ្ដាច់មិនឲ្យវិលមកអាជីពសម្ដែង Park Yoochun ប្រើជីវិតបែបណាហើយ នាពេលនេះ
ពូទីន ផ្ញើសារឆ្នាំថ្មីឲ្យមេដឹកនាំកូរ៉េខាងជើង សង្ឃឹមថាទំនាក់ទំនងនឹងខ្លាំងជាងមុន
នគរបាលខណ្ឌជ្រោយចង្វារ បង្ក្រាបក្រុមក្មេងទំនើងប្រុស-ស្រី ៧ នាក់ បង្ហោះម៉ូតូតាមផ្លូវសាធារណៈ
សហជីពនៅកម្ពុជាសាទរទិវាសន្តិភាព ដោយអះអាងថា សន្តិភាពពេញលេញ ទើបវិស័យការងារកម្ពុជារីកចម្រើនបង្កើតឱកាសការងារច្រើន
ស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
អាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
នាយករដ្ឋមន្ត្រីបញ្ជាឱ្យពិនិត្យធ្វើវិសោធនកម្មច្បាប់រឹតបន្ដឹងលើសកម្មភាពក្មេងទំនើង
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ៧ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម២ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម១៧ ម៉ោង agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ