ព័ត៌មានអន្ដរជាតិ

FBI និងភ្នាក់ងារសន្តិសុខផ្សេងទៀតរបស់អាមេរិក ចេញមុខចោទ«រុស្ស៊ីនិងអ៊ីរ៉ង់»ជ្រៀតចូលកិច្ចការបោះឆ្នោត

បានផុស

៤ ម៉ោង មុន

នៅ

ថ្ងៃអង្គារ ៥ វិច្ឆិកា ២០២៤

ដោយ

ដូចការរំពឹងទុកជុំវិញការចោទប្រកាន់ពីការជ្រៀតចូលផ្នែកបច្ចេកវិទ្យាលើការបោះឆ្នោតសហរដ្ឋអាមេរិកពីបណ្តាប្រទេសបច្ចាមិត្ត ពេលនេះទីភ្នាក់ងារស៊ើបការណ៍សម្ងាត់អាមេរិកបានចោទរុស្ស៊ីអំពី«ការគំរាមកំហែងដ៏សកម្មបំផុត»នៅក្នុងយុទ្ធនាការជះឥទ្ធិពលលើទិដ្ឋភាពនៃការបោះឆ្នោតនៅអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

FBI បានលាតត្រដាងវីដេអូបង្កើនឥទ្ធិពលលើការបោះឆ្នោតក្លែងក្លាយជាច្រើនរួចមកហើយលើប្រទេសរុស្ស៊ី។

ស្ថាប័នស៊ើបអង្កេត៣ រួមមាន FBI ការិយាល័យនាយកស៊ើបការណ៍ជាតិ និងទីភ្នាក់ងារសន្តិសុខតាមអ៊ីនធឺណិត និងហេដ្ឋារចនាសម្ព័ន្ធ បានព្រមាននៅថ្ងៃនេះថា ចាប់តាំងពីពេលតាមដាន ពួកគេបានសង្កេតឃើញ «សត្រូវបរទេស ជាពិសេសរុស្ស៊ីដែលធ្វើប្រតិបត្តិការឱ្យមានឥទ្ធិពលបន្ថែមដែលមានបំណងធ្វើឱ្យខូចទំនុកចិត្តសាធារណៈចំពោះសុចរិតភាពនៃការបោះឆ្នោតនៅសហរដ្ឋអាមេរិក និងធ្វើឱ្យមានការបែងចែកក្នុងចំណោមជនជាតិអាមេរិក»។

ទីភ្នាក់ងារទាំងនោះបាននិយាយថា ពួកគេរំពឹងថា «សកម្មភាពទាំងនេះនឹងកាន់តែខ្លាំងឡើងតាមរយៈថ្ងៃបោះឆ្នោត និងក្នុងប៉ុន្មានសប្តាហ៍ខាងមុខនេះ ហើយការជៀតជ្រែកឲ្យមានឥទ្ធិពលបរទេសនឹងផ្តោតលើរដ្ឋដែលមានភាពប្រទាញប្រទង់គ្នា (Swing States)»។

ពួកគេបាននិយាយនៅក្នុងសេចក្តីថ្លែងការណ៍មួយ ដោយបានពង្រីកវីដេអូមិនពិត និងរឿងរ៉ាវអំពីការក្លែងបន្លំ និងស្វែងរកការបង្កើនឱកាសនៃអំពើហិង្សាផ្នែកនយោបាយ ដោយលើកឡើងថា «រុស្ស៊ីគឺជាអ្នកគំរាមកំហែងដ៏សកម្មបំផុត»។

ទីភ្នាក់ងារនានាបានបន្ថែមថា អ៊ីរ៉ង់ក៏ជា«ការគំរាមកំហែងឥទ្ធិពលបរទេសដ៏សំខាន់» ដោយចង្អុលទៅ «សកម្មភាពបច្ចេកវិទ្យាដែលមានគំនិតអាក្រក់» និងការខិតខំប្រឹងប្រែងដើម្បីស្វែងរកការសងសឹកចំពោះការសម្លាប់ឧត្តមសេនីយ៍ Qassem Soleimani កាលពីខែមករាឆ្នាំ២០២០ក្នុងរដ្ឋបាលលោកដូណាល់ ត្រាំ៕