លោក Netanyahu បញ្ចប់តំណែងរដ្ឋមន្ត្រីការពារជាតិ ដោយសារលែងទុកចិត្ត

តាមសេចក្តីរាយការណ៍របស់ BBC នៅថ្ងៃពុធទី៦ខែវិច្ឆិកាឆ្នាំ២០២៤ នាយករដ្ឋមន្ត្រីអ៊ីស្រាអែល Benjamin Netanyahu បានបញ្ចប់តំណែងរដ្ឋមន្ត្រីការពារជាតិ Yoav Gallant ដោយសារតែបាត់បង់ទំនុកចិត្តនិងការខ្វែងគំនិតគ្នាលើបញ្ហាមួយចំនួន។

ក្នុងសេចក្តីថ្លែងការណ៍, នាយករដ្ឋមន្ត្រី Netanyahu បញ្ជាក់ច្បាស់ៗថា លោកលែងទុកចិត្តលើរដ្ឋមន្ត្រីការពារជាតិរូបនេះ ប៉ុន្មានខែមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងធំមួយដែលគេដឹងថា ធ្វើឲ្យទំនាក់ទំនងរវាងអ្នកទាំងពីរប្រេះឆា គឺជុំវិញប្រតិបត្តិការយោធាក្នុងតំបន់ហ្គាហ្សា ដោយលោក Netanyahu នៅតែរឹងទទឹងប្រកាន់ជំហរម៉ឺងម៉ាត់ ទាំងដែលលោក Gallant អះអាងថា អ៊ីស្រាអែលចាំបាច់ត្រូវធ្វើសម្បទានក្នុងការចរចាបទឈប់បាញ់ជាមួយក្រុមឥស្លាមហាម៉ាស ដើម្បីធានាការដោះលែងចំណាប់ខ្មាំង។

ក្រោយការបញ្ចប់តួនាទីនេះ លោក Netanyahu នឹងតែងតាំងរដ្ឋមន្ត្រីការបរទេស Israel Katz មកជំនួសតំណែងលោក Gallant វិញ។

នេះ​គឺជា​លើក​ទី​ពីរ​ហើយ ដែល​លោក Netanyahu ​បណ្តេញ​លោក Gallant។ លើកទីមួយគឺក្នុងខែមីនាឆ្នាំ២០២៣ នៅពេលរដ្ឋមន្ត្រីការពារជាតិរូបនេះ រិះគន់ដោយបើកចំហលើកំណែទម្រង់ប្រព័ន្ធតុលាការរបស់រដ្ឋាភិបាល ដែលកាលនោះគាត់និយាយថា សង្គមអ៊ីស្រាអែលកំពុងបែងចែកនិងគំរាមកំហែងដល់យោធា៕

អត្ថបទ៖ សុខ សុវណ្ណ

ចុចអាន៖ ចំនួន​អ្នក​ស្លាប់​កើន​លើស​៣០០០​នាក់ក្នងការ​វាយ​ប្រហារ​របស់​អ៊ីស្រាអែល​​នៅ​​​លីបង់​