ព័ត៌មានជាតិ
រដ្ឋបាលរាជធានីភ្នំពេញ ជួសជុលកែលម្អសួន និង រូបសំណាក សម្ដេចព្រះសង្ឃរាជ ជួន ណាត
ដើម្បីលើកកម្ពស់សោភណភាពរាជធានីភ្នំពេញ ឱ្យកាន់តែស្រស់ស្អាត និងទាក់ទាញទេសចរ ក្នុងរយៈពេលកន្លងមកនេះ គេសង្កេតឃើញ រដ្ឋបាលរាជធានីភ្នំពេញ បាននិងកំពុងមមាញឹកជួសជុល តុបតែង កែលម្អ វិមានឯករាជ្យ សួនច្បារ សួនកម្សាន្ត សម្រាប់កុមារ ជួសជុល កែលម្អ លាបថ្នាំ តាមគល់ឈើ តុបតែងភ្លើងពណ៌តាមដើមឈើ ព្រមទាំងជួសជុល កែលម្អហេដ្ឋារចនាសម្ព័ន្ធ នានា ជាច្រើនទៀត នៅតាមសួនច្បារសាធារណៈផ្សេងៗ ក្នុងគោលបំណងត្រៀមទទួលប្រជាពលរដ្ឋដែលមកដើរលេងកម្សាន្តលំហែកាយសម្រាប់ព្រះរាជពិធីបុណ្យអុំទូកឆាប់ៗ នេះ។
ជាក់ស្ដែងក្រុមការងារជំនាញមួយផ្នែករបស់រដ្ឋបាលរាជធានីភ្នំពេញ បាននិងកំពុងមមាញឹកធ្វើការជួសជុល កែលម្អ សួនច្បារ រង្វង់មូល និង រូបសំណាក សម្តេចព្រះសង្ឃរាជ ជួន ណាត ដែលត្រូវកោសឈូស លាងសម្អាត បៀកបាញ់ថ្នាំសាជាថ្មីឱ្យមានសោភណភាពស្រស់ស្អាតឡើងវិញ។
មន្ត្រីជំនាញរដ្ឋបាលរាជធានីភ្នំពេញ បានឱ្យដឹងថា ដោយមានការយកចិត្តទុកដាក់ពី លោក ឃួង ស្រេង អភិបាលរាជធានីភ្នំពេញ ក្រុមការងារជំនាញ បានធ្វើការជួសជុល កែលម្អ សួនច្បារ រង្វង់មូល និង រូបសំណាក សម្តេចព្រះសង្ឃរាជ ជួន ណាត ឱ្យមានសោភណភាពឡើងវិញ។
លោកបន្តថា ការងារជួសជុលកែលម្អនេះ បានចាប់អនុវត្តពីថ្ងៃទី ២៧ ខែតុលា ដែលនឹងត្រូវបញ្ចប់រួចរាល់ ក្នុងមួយសប្ដាហ៍ទៀតនេះ គឺរួចរាល់មុនព្រះរាជពិធីបុណ្យអុំទូកឆាប់ៗ នេះ។
មន្ត្រីជំនាញ បានបញ្ជាក់ថា សួនច្បារ រង្វង់មូល និង រូបសំណាក សម្តេចព្រះសង្ឃរាជ ជួន ណាត នេះ ក្រុមការងារធ្វើការជួសជុលសម្អាតកម្រាលថ្មបាយក្រៀមបាតក្រោម ឈូសសម្អាតបង្កាន់ដៃ បៀកលាបថ្នាំពណ៌ ស្ពាន់ និង ពណ៌ទឹកមាស ដូចដើមវិញ។ ចំពោះក្បាច់ជើងទម្រកាំជណ្ដើរសម្អាតបាញ់ថ្នាំ។ ចំណែកបល្ល័ង្ក ឆ័ត្រ រួត និង រូបសំណាក ក្រុមការងារ លាងសម្អាត បៀកកាវបិតស្ពាន់ បាញ់ថ្នាំទ្រនាប់ និង បាញ់ថ្នាំពណ៌ស្ពាន់ដូចដើមទាំងអស់ឡើងវិញ។
មន្ត្រីជំនាញដដែលបញ្ជាក់ថា ក្រុមការងារជួសជុល កែលម្អ សួនច្បារ រង្វង់មូល និង រូបសំណាក សម្តេចព្រះសង្ឃរាជ ជួន ណាត នេះ គឺក្រុមជាងដែលមានជំនាញ និងបទពិសោធរបស់ក្រុមអ្នកបច្ចេកទេសមកពីសាលារចនារបស់ក្រសួងវប្បធម៌ និង វិចិត្រសិល្បៈ។
គួររំលឹកថា សួនច្បារ រង្វង់មូល និង រូបសំណាក សម្តេចព្រះសង្ឃរាជ ជួន ណាត នេះ បានធ្វើឡើងកាលពីអំឡុងឆ្នាំ ២០០៧ បន្ទាប់ពីលើករូបសំណាកយក្សកាច់កចេញដដែល រហូតមកដល់ពេលនេះរូបសំណាកមានអាយុកាលជិត ២០ ឆ្នាំ ហើយ ហើយកន្លងមក រដ្ឋបាលរាជធានីភ្នំពេញ ក៏មានការជួសជុលលាបថ្នាំជាបន្តបន្ទាប់ផងដែរ៕
អត្ថបទ ៖ ស្រីរ័ត្ន
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?