អ្នកឧកញ៉ា ឡេង​ណា​វ៉ា​ត្រា បរិច្ចាគ៣លាន​ដុល្លារ ប្រើពាក្យ​ប៉ុន្មានប្រយោគនេះ ចាក់ចំបេះដូង មហាជនយ៉ាងខ្លាំង​

“​ខ្ញុំ​មិន អាច​រស់នៅ​តែឯង បើ​ប្រទេសជាតិ​មាន​ចលាចល គ្មាន​ស្ថេរភាព គ្មាន​សុខសន្តិភាព ខ្ញុំក៏មិនដឹងយកលុយ​ទាំងនេះ​ទៅ​ចាយ​ឯណា​ដែរ ខ្ញុំ​កើត​នៅ​កម្ពុជា​ស្លាប់​នៅ​កម្ពុជា ជួយ​ប្រជាជន​កម្ពុជាជាតួនាទីរបស់យើងទាំងអស់គ្នា សាមគ្គីភាព​ទើប​មាន​ភាពរឹងមាំ ពេលនេះមិនមែន​ជា​ពេល បន្ទោសអ្នកណាម្នាក់​ទេ តែ​ជា​ពេល​យើង​ត្រូវ​សាមគ្គី​គ្នា​។​”

នេះ គឺ ពាក្យពេចន៍ប្រកបដោយអត្ថន័យរបស់អ្នកឧកញ៉ា ឡេង ណា​វ៉ា​ត្រា ភ្ជាប់ជាមួយទឹកប្រាក់ ចំនួន៣​លានដុល្លារ ជូន​សម្តេច​តេ​ជោ ហ៊ុន សែន ដើម្បីប្រើប្រាស់ក្នុងការទប់ស្កាត់​ការឆ្លង​រីក​រាលដាល​នៃ​ជំងឺ​កូ​វីដ​-១៩ ដែលកំពុងរាតត្បាតខ្លាំងក្នុង​ព្រឹត្តិការណ៍សហគមន៍២០​កុម្ភៈ​។​

​ភាសាចេញពីបេះដូង ដែលនិយាយទៅកាន់ជនរួមជាតិ ដែលឆ្លុះបញ្ចាំងពីឆន្ទៈដ៏មោះមុត មិន អាចកាត់ថ្លៃបាន ខ្លួនតូចថ្លើមធំពោរពេញទៅដោយអត្ថន័យដ៏ជ្រាលជ្រៅ ក្នុងការសាមគ្គីរួមជា កម្លាំងប្រឆាំងនឹងកូវីដ១៩ ជាមួយរដ្ឋាភិបាលគ្រាដែលប្រទេសជាតិមានទុក្ខ​។ ទទឹមគ្នានោះ បានធ្វើឲ្យមហាជនកោតសរសើរទឹកចិត្ត អ្នកឧកញ៉ា ឡេង ណា​វ៉ា​ត្រា ជាខ្លាំង​។

​សូម​បញ្ញាក់​ផងដែរថា ឧកញ៉ា ឡេង ណា​វ៉ា​ត្រា អគ្គនាយក​ក្រុមហ៊ុន បុរី​ឡេង ណា​វ៉ា​ត្រា គ្រុប ធ្លាប់បាន​បរិច្ចាគ​ទឹកប្រាក់​ចំនួន ១​លាន​ដុល្លារម្ដងរួចមកហើយ ដើម្បី​ចូលរួម​ទិញ​វ៉ាក់សាំង​ការពារ​កូ​វីដ ចាក់​ជូន​ពលរដ្ឋ​ដោយ​ឥតគិតថ្លៃ ជាមួយ​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា​៕

អត្ថបទ៖ ស៊ុន ហួរ​