ព័ត៌មានអន្ដរជាតិ

តម្លៃប្រេងកើនតិចតួច ក្រោយ ត្រាំ ជាប់ឆ្នោតប្រធានាធិបតីជាថ្មី

បានផុស

២ ខែ មុន

នៅ

ថ្ងៃព្រហស្បតិ៍ ៧ វិច្ឆិកា ២០២៤

ដោយ

តម្លៃប្រេងបានកើនឡើងតិចតួចនៅពេលបើកការជួញដូរនៅថ្ងៃព្រហស្បតិ៍នេះ ដោយហានិភ័យនៃការផ្គត់ផ្គង់ប្រេងក្រោមតំណែងប្រធានាធិបតី ដូណាល់ ត្រាំ និងព្យុះសង្ឃរានៅឈូងសមុទ្រម៉ិកស៊ិក ជាកត្តាជំរុញ ទោះបីជាតម្លៃប្រាក់ដុល្លារ និងប្រេងក្នុងស្ដុកអាមេរិក បានកើនឡើងក៏ដោយ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃប្រេងឆៅនាពេលអនាគត ម៉ាក Brent បានកើនឡើង ២៦ សេន ឬ ០,៣៥ ភាគរយ ដោយជួញដូរនៅតម្លៃ ៧៥,១៨ ដុល្លារ/បារ៉ែល។ ចំណែកឯតម្លៃប្រេងឆៅអាមេរិក ម៉ាក West Texas Intermediate (WTI) វិញ បានកើនឡើង ១៦ សេន ឬ ០,២២ ភាគរយ ដោយជួញដូរនៅតម្លៃ ៧១,៨៥ ដុល្លារ/បារ៉ែល។

អ្នកជំនាញលើកឡើងថា ការកើនឡើងនេះបណ្ដាលមកពីការព្រួយបារម្ភជុំវិញការជាប់ឆ្នោតជាថ្មីរបស់លោក ត្រាំ ដែលអាចនឹងបង្កការរំខានដល់ការផ្គត់ផ្គង់ប្រេងរបស់អ៊ីរ៉ង់ និងវេណេស៊ុយអេឡា ខណៈព្យុះសង្ឃរា Rafael ដែលកំពុងបក់បោកនៅឈូងសមុទ្រម៉ិកស៊ិក ក៏រួមចំណែកដល់ការឡើងថ្លៃផងដែរ។

កត្តាទាំងអស់នេះ បានជះឥទ្ធិពលលើតម្លៃប្រេងខ្លាំងជាងការឡើងថ្លៃនៃប្រាក់ដុល្លារក្រោយការបោះឆ្នោត និងរបាយការណ៍ដែលថា ស្ដុកប្រេងអាមេរិកកើនឡើងខ្ពស់ជាងការរំពឹងទុក ដែលជាធម្មតាធ្វើឱ្យតម្លៃប្រេងជួញដូរធ្លាក់ចុះ៕